Matayo 7:24 - KITABU KITAKATIFU

²⁴ “Kulwayago, mundu woosi uhuliraa amakuva gange, naagakora, aveeye kuli mundu mugeri, uwumbaka inyumba yeeye ku lwanda.

Matayo 7:24 Iomraidhean Croise

Ayubu 28:28

“Maku Nyasaye yavolera mundu, ‘Heenzi! Kutia Yahova nivwo vogeri; na ukweleha kuvudamanu nilio limanya.’ ”

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Zaburi 119:130

Livaala lia amakuva googo lihaana uvulavu ku avandu vovo, kandi lihaana limanyiriza ku avataveeye ni limanya.

Zaburi 119:99

Manyiriza kuvita avigizi vange, kigira ng'anagana ligali ku amigizu googo.

Tsing'ano 10:25

Avandu vachamu valahirwa ihale lwi kiihi kiiza, navuzwa vandu vaveeye vasuuvirifu vakingwa ing'inga yoosi.

Tsing'ano 10:8

Avandu vovogeri vavugilira zigangani zindahi navuzwa vandu vasiru valadivizwa.

Tsing'ano 12:7

Avandu avachamu vanyola lidivizwa kandi sivaleka visukululwi mba, navuzwa zinyumba zia vandu avalungi zihindilaa.

Tsing'ano 14:8

Mundu mugeri atumikilaa ovogeri vwivwe kolola inzira yeeye, navuzwa vusiru vwu musiru vumuganda.

Matayo 12:50

Ku vosi okolaa uvulariri vwa Baba wange oveeye mwigulu, uyu niyie amwavo wange kandi mbozo wange, kandi mama wange.”

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Matayo 24:45

Yeso yavoola, “Nivwaha oveeye mutumikiri musuuvirifu kandi mugeri? Ni uyu wu mwami weve aviikaa ave munene ku avinyumba yeeye, kuvaha chukulia chavo ing'inga idukanaa?

Matayo 25:2

Vatano kuvo vaali avasiru, na vatano vandi vaali avageri.

Matayo 25:4

Navuzwa avageri vaavugura amaguta gandi mu zi juba harara ni zitaya ziavo.

Matayo 25:9

Navuzwa avageri vavavolera, ‘Awa, sigalakuduuka ni munyi mba! Ni vulahi muzie mu liduka mwiguliri aginyu.’

Matayo 7:25

Imbura yakuba, imigera jizura, imbuza enene nihuza ni zinguru ku inyumba yeyo. Navuzwa si yagwa mba, kigira yaali niyumbakwa ku lwanda.

Matayo 7:26

“Navuzwa mundu ku vosi uhuliraa amakuva gange, kandi navula kugakola, aveeye kuli mundu musiru, uwumbakaa inyumba yeeye ku muyeke.

Luka 11:28

Yeso yamutivulira, “Yee, navuzwa vaveeye nuvugasu ligali kuvita, avahulira likuva lia Nyasaye, ma valilonda.”

Yohana 13:17

Kalunu munyi mumanya vindu yivi, muveeye nuvugasu nimuvikola.

Yohana 14:15

“Ni muva ni munyanza, mulagumira amalago gange.

Yohana 15:10

Nimugumira amalago gange mulamenya mu vuyanzi vwange, kuli inzi mali kugumira amalago ga Baba wwivwe nokomenya mu vuyanzi vwange.

Yohana 15:14

Munyi muveeye avalina vange nimukora vindu via mulagaa.

Varumi 2:13

Mundu siakolwa kuva mulungi imbiri wa Nyasaye ku lihulira Lilaga, navuzwa ku likora agi Lilaga lienyaa.

1 Yohana 2:3

Nikuva ni kolonda amalago ga Nyasaye, maku, koveeye na agiligali, ndi kwamumanya.