Matayo 7:21 - KITABU KITAKATIFU

²¹ “Si vaveeye vosi avamboleraa, ‘Mwami, Mwami,’ avalingira mu Vwami vwu mwigulu; navuzwa ni yavo avakolaa uvulariri vwa Baba wange oveeye mwigulu veng'ine.

Matayo 7:21 Iomraidhean Croise

Matayo 12:50

Ku vosi okolaa uvulariri vwa Baba wange oveeye mwigulu, uyu niyie amwavo wange kandi mbozo wange, kandi mama wange.”

Matayo 16:17

Yeso yativura, “Oveeye nuvugasu ivi Simoni umwana wa Yohana kigira siaveeye umundu ukuvuuliyi agiligali yaga, nitali ni Baba wange oveeye mwigulu.

Matayo 18:10

“Mulole ndi muvuli kuchaya mulala ku vakekeeke yava inzi muvooleraa. Zingelosi ziavo mwigulu, ziveezaa imbiri wa Baba wange vuli kazozo. [

Matayo 18:19

Inzi muvooleraa, vaviri ku munyi nivavugilirzana mu lirova muno ku kindu choosi cha vasaala, Baba wange oveeye mwigulu alavakolera chazana.

Matayo 18:3

navoora, “Muvooleraa agiligali ndi, ni mutagirung'ana mugwi kuli avana vakekeeke, munyi simulingira ligali mu vwami vwu mwigulu mba.

Matayo 18:35

Yeso yamaliriza kovora, “Baba wange wu mwigulu alakola malala meere ku munyi niiva simulasamiiha avamwavo vinyu mugati mwi mioyo jinyu.”

Matayo 19:24

Kandi muvooleraa, voveeye vodoto ligali ing'amia kuvitira mu muluhu gwi sindani, kuvita umutugi kwingira mu Vwami vwu mwigulu.”

Matayo 25:10

Navuzwa, lwa vakana vasiru vaali ni va kiziyi kugura amaguta, Mwami wa seleraa mwiha yaza. Avakaana vagima avageri avaari nivetegeki, vingira harara naye munyumba ye keserero, ma kiliango ni kihanwa.

Matayo 25:21

Mwami weve yamuvolera, ‘Okoli vulahi, umutugwa mulahi kandi umusuuvirifu. Walinda vulahi ivindu vikekeke; ndakuviika ove umulindi wi vindu ivinyingi. Hamba wingiri mu vusangali harara nu mwami woovo.’

Matayo 26:39

Yisunda hambiri hakekeke, naagwa hasi mam'mama nasaara navoora, “Baba wange, ni ganyalika, tuliza ekekombe chu vusaliri yiki ku inzi! Navuzwa gatava aguvulaliri vwange, nitali gave kuli ivi wenyaa.”

Matayo 26:42

Yeso yazia lwa kaviri nasaara; “Baba wange, niganyalika kekombe chu vusaliri yiki kimbiti mburi kukinwa, navuzwa uvulariri vuvwo vokolwi.”

Marko 3:35

Umundu woosi okolaa kuli Nyasaye yenya, oyo niyie amwavo wange, mbozo wange kandi mama wange.”

Marko 9:47

Kandi emoni yooyo ne kokoloa okole uvwoni, ugitulizi! Nivulahi, kwingira mu vwami vwa Nyasaye ne moni ndala kuvita kuva ni zimoni ziombi na usiuvwi mu gehena.

Luka 11:28

Yeso yamutivulira, “Yee, navuzwa vaveeye nuvugasu ligali kuvita, avahulira likuva lia Nyasaye, ma valilonda.”

Luka 13:25

Mwene inyumba alasingira kandi ahane kiliango; maku lwa munyi musingiraa ichova nukwigulihiza kukiliango nimuvoora, ‘Mwami, kwiguliri!’ Alamutivulira, ‘Inzi simanyi wa muturaa mba.’

Luka 18:25

Yee, voveeye vudinyu ligali kuvita mundu mutugi kwingira mu Vwami vwa Nyasaye, kuvita ing'amia kuvitira mu muluhu gwi isindani.

Luka 6:46

“Kigira ki munyi mulangaa inzi, ‘Mwami, Mwami,’ navuzwa simukola agamuvoolera mba?

Yohana 14:7

Mulava mwamanya inzi, ngano mwamanyia Baba wange kandi. Kutura kalunu mumumanyi, kandi mumali kumulora.”

Yohana 15:23

Oyo udunyiraa inzi, adunyiraa Baba wange kandi.

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Yohana 5:17

Yeso yavativulira, “Baba wange akolaa miyinzi kazozo, nainzi gaduukanaa kandi ngole miyinzi.”

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

Yohana 7:17

Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Varumi 2:13

Mundu siakolwa kuva mulungi imbiri wa Nyasaye ku lihulira Lilaga, navuzwa ku likora agi Lilaga lienyaa.

Vafeso 6:6

Vutava vutumiki vwu kuyanziza vandu kigira mwenya vamuvugiliri mba, mukore kuli Nyasaye yenya nimioyo jinyu josi.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

1 Vatesalonike 4:3

Yivu nu vulaliri vwa Nyasaye, munyi muduuki kutakaswa; mwerehe kutura ko voheyi.

1 Vatesalonike 5:18

Musandizi Nyasaye ku vindu viosi kigira yivu voveeye uvulariri vwa Nyasaye ku munyi mu Kristo Yeso.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

Vahebraina 4:6

Yavo avatanga kwilwazirwa makuva malahi gi Ivangeri, sivanyoola vosoosi yivwo mba, kigira sivasuuvira mba. Kunangwa, vaveeye ho na valala vavugilirwa konyoora vosoosi yivwo.

Yakobo 1:22

Muve avakoli vi likuva, mutava avahuliri vuzwa ni mwigada aveene mba.

1 Petro 2:15

Uvulariri vwa Nyasaye voveeye ku likora vulahi muduuki kukiring'anyia limoloma lia vandu avasiru.

1 Petro 4:2

Kutura kalunu, mutazizagilira komenya mu likaayirwa lia vandu mba navuzwa mu vulaliri vwa Nyasaye.

Likunula 2:27

Naye alavamiha ni imbimbu yi kivia; alavaduvulanyia kuli umulongi yatanyia inyingu iluha igwa ivijonjo kuli inzi ndaavugura zinguru kutura ku Baba wange.

Likunula 22:14

Vaveeye nuvugasu avogizaa zinguvu ziavo, vaduuki kulia amakuyu gu musaala gwi livamwoyo kandi kwingira mu virivwa nu kuduuka mu lidaala linene.

Likunula 3:5

Oyo ugutaa uvulwani alaviikwa zinguvu zindavu; sindatuliza lieta lilie mu kitabu chi livamwoyo mba, kandi ndiyama lieta lilie imbiri wa Baba wange kandi imbiri wi zingelosi veve kandi.