Matayo 7:19 - KITABU KITAKATIFU

¹⁹ Ku misaala josi, ugutama makuyu malahi gulatemagwa nokoteevwa mu muliru.

Matayo 7:19 Iomraidhean Croise

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Danyeli 4:14

Nevoola nu mwoyo munene, tema musaala yigu gugwi hasi kandi uhaluri iziisia na matu gagwo kandi usalanyie makuyu gagwo. Ukungi zinyama ziosi kutura isi wa gwo kandi manyonyi kutura ku zisia ziagwo.

Matayo 3:10

Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Matayo 7:18

Musaala mulahi sigunyala kwama makuyu madamanu mba, kandi musaala mudamanu sigunyala kwama makuyu malahi mba.

Luka 3:9

Navuzwa kalunu imbaazi etekekeywi kotemaga imiri jimisaala. Musaala gwosi ugutamaa amakuyu malahi gulatemagwa nokoteevwa mu muliru.”

Tito 3:14

Kuduuka avandu viitu vigi kutumikira zing'inga ziavo mu likora miyinzi milahi, kunangwa vakonye avandu vaveeye novogeheru. Vatava ni limenya liavuzwa mba.

Vahebraina 6:8

Navuzwa niiva lilamera amafa ni ikayongo anoho indiva ya matagalu siliveeye novokoonyi, kandi liveeye ahimbi kulaamwa na Nyasaye. Mu keheri chalio lilakasambwe nu muliru.

Yudasi 1:12

Avandu yava vaveeye ni zing'anagani zindamanu kuvitira mu vikolwa viavo vie zisoni nu vuhuvaali. Vohonyie viukulia via mulizaa navo harara. Viganaganaa vuzwa vene. Vaveeye kuli amalesi gahuzwa vugira kukubiza imbura. Vaveeye kuli imisaala vugira matu jamala kwitwa kandi jakuza jitanyala kwama makuyu.