Matayo 7:17 - KITABU KITAKATIFU

¹⁷ Kunangwa, musaala gwosi mulahi gwamaa makuyu malahi; navuzwa musaala mudamanu gwamaa makuyu madamanu.

Matayo 7:17 Iomraidhean Croise

Zaburi 1:3

Alafananywa numusaala gwasimikwa ahimbi ni migera ja mazi, gwamaa ku muhiga gwagwo matu gagwo siganialaa mba, na viosi via akola vilagasa.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Jeremia 17:8

Aveeye kuli musaala gwasimikwa ahimbi ni migera ja mazi kandi gwahila miri ligali kuduuka ku mazi. Siguveeye nu vuti mu ing'inga ye kivasu mba kigira amatu gagwo si ganiara mba. Si guhenda mwoyo lwi imbura itaveeye ho mba; navuzwa guzizagiliranga kwama amakuyu.

Matayo 7:18

Musaala mulahi sigunyala kwama makuyu madamanu mba, kandi musaala mudamanu sigunyala kwama makuyu malahi mba.

Vafeso 5:9

Likuyu liu vulavu linyoolekaa mu goosi gaveeye malahi, malungi kandi agiligali.

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Yudasi 1:12

Avandu yava vaveeye ni zing'anagani zindamanu kuvitira mu vikolwa viavo vie zisoni nu vuhuvaali. Vohonyie viukulia via mulizaa navo harara. Viganaganaa vuzwa vene. Vaveeye kuli amalesi gahuzwa vugira kukubiza imbura. Vaveeye kuli imisaala vugira matu jamala kwitwa kandi jakuza jitanyala kwama makuyu.