Matayo 7:11 - KITABU KITAKATIFU

¹¹ Niiva munyi, kali ni muveeye avadamanu, mumanyi kuhaana ku avana vinyu ivindu vilahi, Baba winyu oveeye mwigulu sialakira kuhaana ivindu vilahi ligali ku yavo vosi avateevaa kutura kuye!

Matayo 7:11 Iomraidhean Croise

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

2 Samweli 7:19

Nitali kalunu okolaa kali amanyingi ligali kuvita, O, Yahova umali kolomba lilagana kigira visukululwi viange mu mihiga jizaa. Oleki kandi mundu kolola yaga, O, Yahova Nyasaye Wuvunyali! Nyara komeeda kovora ki ku ivi!

Ayubu 15:16

Mundu akolaa vudamanu kuli anwezaa amazi, yee, uyu aveeye wu kuvihiliriza nu vudamanu, kandi siaveeye okonyaa kindu mba.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Zaburi 85:12

Yahova alahaana uvugasu ku kunyi, kandi kivala chiitu kilava niligesa linyingi.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Isaya 49:15

Kunangwa Yahova yavativulira, “Mundu mukali anyala kwivilira umwana weve mudoto, Kandi anyala kuvula kuyaanza umwana weve wa yiivuyi mwene? Kali niiva alivilira mwana weve, navuzwa inzi sinyala kwivilira avandu vange mba.

Isaya 63:7

Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Jeremia 33:14

Yahova avoora, “Ing'inga yiza lwa inzi ndiduukiza lilagana liange liandalomba ku avandu va Isiraeli ni Ivuyuda.

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Matayo 23:9

Anoho mutalanga umundu woosi ‘Baba’ mu lirova muno mba, kigira Baba winyu aveeye mulala yenyine vuzwa oveeye mwigulu.

Matayo 7:10

Anoho, naamusava isuzi alamuha enzoka?

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Varumi 3:9

Kunangwa kovoole ki'? Avayuda koveeye valahi kuvita vandu Avizihiiri? Awa, Sigaveeye ndio mba! Inzi mali kumanyia kutura mu litanga ndi Avayuda na vandu Avizihiiri, vosi harara vaveeye voni.

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

Vagalatia 3:22

Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.

1 Yohana 4:10

Yivu nivwo uvuyanzi: Sikwaali ni kunyi avakwayaanza Nyasaye, navuzwa niyie wakuyaanza, natuma mwana weve kuva ikisiuviliru chu kutakasa uvwoni vwitu.