Matayo 6:27 - KITABU KITAKATIFU

²⁷ Nivwaha ku munyi mu lihenda mwoyo lilie, unyala kwemeeda ku amadiku gi livamwoyo lilie?

Matayo 6:27 Iomraidhean Croise

Kohelethu 3:14

Manyi ndi kindu choosi cha Nyasaye akolaa kilahindira mihiga ni mihiga. Siunyala komeedaku kindu choosi, anoho siunyala kutulizaku kindu choosi mba. Kandi kindu kilala cha Nyasaye akolaa nokokola kunyi kusingila imbiri weve nu kumutia.

Matayo 5:36

Utisuha kandi ku umutwi gugwo mba, kigira siunyala kokora iliisu lilala live lilavu anoho limwamu mba.

Matayo 6:25

“Yiki nicho kivuni kigira ni muvooleraa, mutahenda mwoyo ku viukulia ni viukunwa via mwenya mu livamwoyo lienyu; anoho viu kwivika via mwenya ku miviri jinyu. Livamwoyo, siliviti viukulia via vuzwa? Numuviri siguviti zinguvu?

Matayo 6:28

“Kigira ki muhendaa mwoyo kigira izinguvu? Heenzi ku madanya gu mu milimi kuli gavirukaa. Sigakolaa miyinzi mba, kandi sigelomberaa izinguvu mba.

Matayo 6:31

“Kunangwa mutahenda mwoyo, ni muvooraa: ‘Nakulie ki? Anoho, nakunwi ki? Anoho, nakwiviiki ki?’

Matayo 6:34

Kunangwa mutahenda mwoyo ku lidiku lia mugamba, kigira mugamba goveeye na makuva gagwo. Muleke uvudinyu vwi lidiku lilala vuduukane ni lidiku liene yilio.

Luka 10:41

Mwami Yeso yativura namuvolera, “Marita, Marita, ohendaa mwoyo kandi nunyang'ana ku vindu vinyingi.

Luka 12:11

“Lwa valimuhila imbiri wamasinagogi ni imbiri wa avami vanene, mutava nilihenda mwoyo kuganagana icha mulitivula, anoho icha mulivoola mba.

Luka 12:22

Yeso yavolera aviigi veve, “Kigira gene yaga muvooleraa, Mutahenda mwoyo kigira livamwoyo lienyu, ku icha mulilia, anoho zinguvu zia mwenya kwivika.

1 Vakorintho 12:18

Navuzwa kuli gaveeye, Nyasaye yalohiza vivero mu muviri sa kilala kuli mwene atovoraa.

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.

1 Petro 5:7

Muviiki lihenda mwoyo lienyu liosi ku Nyasaye kigira amulindaa.