Matayo 6:25 - KITABU KITAKATIFU

²⁵ “Yiki nicho kivuni kigira ni muvooleraa, mutahenda mwoyo ku viukulia ni viukunwa via mwenya mu livamwoyo lienyu; anoho viu kwivika via mwenya ku miviri jinyu. Livamwoyo, siliviti viukulia via vuzwa? Numuviri siguviti zinguvu?

Matayo 6:25 Iomraidhean Croise

Zaburi 55:22

viika vudinyu vuvwo ku Yahova, naye alakosoola. Sialaleka avalungi veve vaguutwi mba.

Jeremia 45:5

Weyenyela likolerwa vulahi ivi mwene? Utakola ndio mba. Inzi ndeta kivi ku avandu vosi, navuzwa ndakohonyia vuli havundu hoosi ha uzia. Inzi, Yahova mali kovora.”

Matayo 10:19

Lwa valimuhila mu viina kumuyaara, mutakahende mioyo ku aga mulitivula anoho kuli mulivoola; kigira ku ing'inga yeyo, mulakahevwe aga mulivoola.

Matayo 13:22

Nuvuguza yivu uvwagwa mu mafwa voveeye kuli avandu vahuliraa likuva, navuzwa amadidikano gi ikivala yiki, harara nilienya uvutugi, vikunikaa likuva zana, ma vavura kwama amakuyu.

Matayo 6:31

“Kunangwa mutahenda mwoyo, ni muvooraa: ‘Nakulie ki? Anoho, nakunwi ki? Anoho, nakwiviiki ki?’

Matayo 6:34

Kunangwa mutahenda mwoyo ku lidiku lia mugamba, kigira mugamba goveeye na makuva gagwo. Muleke uvudinyu vwi lidiku lilala vuduukane ni lidiku liene yilio.

Marko 13:11

Lwa vamugumira nu kumuhila mu viyaalo, mutahenda mioyo kigira agamuduukanaa kovora mba. Navuzwa muvoore amakuva goosi agamulihevwa ing'inga yeyo kigira simuveeye ni munyi avalivoola, navuzwa Roho Mutakatifu.

Marko 4:19

navuzwa uvunyang'ani vwi lirova yili, iliegomba liu vutugi, harara ni liegomba lie vindu vindi viosi vingira muye mavikunika likuva zana; na kigira yaga goosi ilikuva zana silinyala kwama amakuyu mba.

Luka 12:11

“Lwa valimuhila imbiri wamasinagogi ni imbiri wa avami vanene, mutava nilihenda mwoyo kuganagana icha mulitivula, anoho icha mulivoola mba.

Luka 8:14

Uvuguza vwagwa mumafwa ni yavo vahulira, navuzwa lwa vagenda mu zinzira ziavo, vakunikwa ni lihenda mwoyo lie kivala yiki, uvutugi kandi liiva lie vindu vie kivala; makuyu gaavo sigengaa mba.

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

1 Vakorintho 7:32

Ndakayanzi munyi muvuli kuva ne kehenda mwoyo. Mundu utaveeye nu mukali anyang'aniraa miyinzi ju Mwami, kigira agerizaa kuyaanziza Mwami.

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.

1 Petro 5:7

Muviiki lihenda mwoyo lienyu liosi ku Nyasaye kigira amulindaa.