Matayo 6:2 - KITABU KITAKATIFU

² “Lwa okonyaa mudaka mutevoola kuli avagaadi vakora mu masinagogi nu muzinzira kunangwa avandu vaduuki kuvizominya mba. Muvooleraa ligali, vamali konyoora amadanyi gaavo.

Matayo 6:2 Iomraidhean Croise

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Zaburi 37:21

Mundu mudamanu niyegobi kindu, siyilanyaa mba, navuzwa mundu mulungi niyegobi, aveeye ni zimbavasi nu vuyanzi kwiranya viosi.

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Tsing'ano 20:6

Vuli mundu amolomaa kuli aveeye wu luyali kandi musuuvirifu, navuzwa nivwaha unyala kunyoola mundu musuuvirifu?

Kohelethu 11:2

Ugavuli via oveeye navio ku vandu saba anoho munane, kigira siunyala kumanya kindu kidamanu kizizaa kwekoleka mu kivala yiki mba!

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 58:7

Musange viukulia vienyu harara na vaveeye ninzara kandi mwiguli zinyumba ku vadaka vatali na hango. Muhaane zinguvu ku yavo avatali nikindu chukwiviika, kandi mutasuula kokoonya aviiko vinyu mba.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Hosea 8:1

Yahova avoora, “Ukubi kisiriva! Avasigu vaza mukivala change kuli zindizu! Avandu vange vavunanyia lilagana lia inzi ndalomba navo kandi vamali kwibaala ku lilaga liange.

Matayo 15:7

Avagaadi munyi! Isaya yaporofeta vulahi ku munyi lwa yavoola:

Matayo 16:3

Mugambazuri, muvooraa, ‘Lero imbura enene ilakuba kigira ligulu ni iliakanyu na malesi mamwamu gimbula enene gaveeye ku.’ Munyala koporofeta ndi kuli kivala kizizaa kuva ulwa muheezaa mu vwerefu, navuzwa simunyala kuhaana ikivuni chi zing'inga ziene yizi mba!

Matayo 22:18

Navuzwa Yeso yamanya uvudamanu vwi zing'anagani ziavo navavoolera, “Avagaadi munyi, kigira ki mungerizaa?

Matayo 23:5

Vakora imiyinzi jaavo josi avandu vavalore. Kigira vevoha imisibi mivambalaru ja mang'oda gi Lilaga gaveeye ku, ku vweni nu ku makono gaavo. Kandi vatambihizaa zingigiti zie zinguvu ziavo.

Matayo 23:6

Vayaanza kwikala mu zindeve ziu luyali mu masavo kandi mu masinagogi.

Matayo 24:51

Alakamuhe amageri kandi alakamusiuvi ichova ma amuviiki mu kidieli kilala harara na vagadi. Halava ni lilira kandi lidiedieyiza amiinu.

Matayo 5:18

Agiligali muvooleraa, kuduuka lwi ligulu ni lirova vilihera, induguta anoho kedonye kilala kekekeeke ligali chi induguta yi Lilaga, sivinyala ligali kogota, kuduuka lwa viosi vilitwekizwa.

Matayo 6:16

“Lwa muhongaa lilia, mutaverera kuli avagaadi mba. Yavo vaakuunyaa mu zimoni ziavo, valoreke ku avandu ndi vaahongi lilia. Agiligali muvooleraa, aveene yavo vamali konyoora madanyi gaavo.

Matayo 6:3

Navuzwa lwa utuliza zisadaka zizio utaleka kali mulina woovo amanye chu mukono gugwo mulungi gokolaa mba.

Matayo 6:5

“Lwa musaala, mutava kuli avagaadi, kigira yavo vayaanza kusaala nivasingiyi mu masinagogi kandi muvwavukaniru vwi zinzira kunangwa, avandu vavalore. Ligali muvooleraa, vamali konyoora amadanyi gaavo.

Matayo 7:5

Mugadi ivi! Tuliza kutanga luku loveeye mumoni mumwo mwene; kunangwa olole vulahi kuli utuliza lusasu loveeye mumoni ya amwavo woovo.

Marko 12:39

avayaanzaa kwikala ku zindeve zindahi mu masinagogi, kandi havundu hu luyali mu lilia.

Marko 7:6

Yeso yavativulira, “Avagaadi munyi! Muporofeti Isaya yaporofeta agiligali ku munyi lwa yang'oda: ‘Avandu yava vanzizominya na makuva ameere, Nyasaye avoora, navuzwa imioyo jaavo jiveeye ihale kutura ku inzi.

Luka 11:41

Navuzwa, muhaane vindu eveeye mugati mwi vikombe kandi mu zisahani ku ni ivindi viosi vilava vilahi ku munyi.

Luka 11:43

“O, vayaye, kilaamo keveeye ku munyi Avafarisayo! Kigira muyanzaa kwikala mu zindeve zie imbiri ziu luyali mumasinagogi, nu kuchelizwa nuluyali havulavu mu viitu.

Luka 12:33

Mugulize vindu vienyu viosi, muhaane ku avadaka. Mwelombere zimuya zitakunguhaa mba, muve nilivikiru mwigulu ahu mwivi ataduuka, anoho ahizisere zitononyia mba.

Luka 12:56

Avagaadi munyi! Mwamanya kogera imbuza ku lihenza lirova nu muvwerefu; kunangwa, kigira ki, simunyala kumanya kivuni chi zing'inga yizi?

Luka 13:15

Mwami yamutivulira, “Avagaadi munyi aveeye ho nu mundu ku vosi hagati hinyu uvula kovoholora eng'ombe anoho isukiri yeeye kutura mu kego agihiri kunwa amazi ku lidiku lie Lisabato?

Luka 20:46

“Mugerihi ku avigizi vi Lilaga; avayaanzaa kogendagenda ni viviiki ziganza ziavo zindambi; kandi avayaanzaa kuchelizwa nu luyali mu viitu. Viikara ku zindeve zinene mu masinagogi kandi ku zindeve ziu luyali mu masavo;

Luka 6:24

“Navuzwa O, vayaye, kilaamo keveeye ku munyi avatugi, kigira mumali konyoora liehozeliza lienyu!

Luka 6:42

Anoho, unyala kovoolera ndi amwavo woovo, ‘Amwavo wange, leeta ngutulizi lusasu loveeye mu emoni yooyo,’ lwa ivi mwene utalola uluku loveeye mu emoni yooyo? Mugadi ivi, tuliza kutanga luku loveeye mu emoni yooyo; kunangwa olole vulahi kuli utuliza lusasu loveeye mu emoni ya amwavo woovo. Mugadi ivi, tuliza kutanga musaala goveeye mu emoni yooyo; kunangwa olole vulahi kuli utuliza liindu liveeye mu emoni ya amwavo woovo.

Yohana 13:29

Kigira Yuda yaali muviiki wa mabese, avalala kuvo vaganagana Yeso ya muvooleraa azie kugura vindu vienyeka mu lisavo, anoho ahaane kindu choosi ku avadaka.

Yohana 5:41

“Lienya liange siliveeye nduuki konyoora lizominywa kutura ku avandu mba.

Yohana 5:44

Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?

Yohana 7:18

Oyo wevoolera ku vunyali vwivwe mwene yeyenyera uvukumi vwivwe mwene; navuzwa uyu uwenyaa uvukumi vwa oyo wamutuma, aveeye wiligali, na muye siaveeye nuvugadi vwosi mba.

Vikolwa 10:2

Yaali mundu watia Nyasaye. Oyo harara na avinyumba yeeye vosi vasigamira Nyasaye; yahaana zisadaka ku avadaka va Vayuda avanyingi, nasaara kazozo.

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Vikolwa 10:4

Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.

Vikolwa 11:29

Avandu avasuuviraa yavo vatovora kuhila kindu choosi cho vokonyi, sa mulala kuli anyala, ku avamwavo vamenya Ivuyuda.

Vikolwa 24:17

“Inyima wokomenya ihale kutura Jerusalemi ku ing'inga indambi, ndirana yo nimbilana ovokonyi vwa mabese ku avandu vi ihiiri yange kandi kuhaana visiuviliru ku Nyasaye.

Vikolwa 9:36

Yaali ho mukali mulala mu lidaala lia Jopa walangwa Tabita. Mu Luguriki ni Torokasi, ligirung'anyia lialio ni kisusu. Mukali uyu yakola miyinzi milahi jokokoonya avadaka kazozo.

Varumi 12:8

Niiva ni kihanwa chu kuzuva avandi kuduuka kokole ndio. Niiva koveeye ni kihanwa chu vwihaani kokoonya avandi, kuduuka kokole ndio nu mwoyo gwosi. Niiva nuvwimiliri, leki kwamiihi novogeri. Niiva nukuva ni zimbavasi, leki kokole zimbavasi nuvusangali vwosi.

1 Vakorintho 13:3

Kandi niiva ndakahaani ivindu viosi viambeeye navio ku vadaka, kandi niiva ndakahaani umuviri gwange gusaambwe, navuzwa nindaveeye nu vuyanzi, sivingoonya kali hakuzu mba.

Vagalatia 2:10

Icha vateva vuzwa chaali ndi, kwizulizi avasuuviri vadaka mu Jerusalemi, yiki nicho kindu cha mbeeye ni lienya kukekola.

Vafeso 4:28

Mundu wivaa atiiva kandi mba, navuzwa nivulahi adidikane, ayinziri na makono geege, akole kindu keveeye chuvusuuvirifu, kandi aduuki kuva mundu unyala kokonya mudaka.

1 Vatesalonike 2:6

Sikwenyaa ilizominya kutura ku mundu woosi, kutura ku munyi, anoho ku vandu vandi mba. Kuli avatumwa va Kristo kwaali kunyala kumudwika musigo,

Filemona 1:7

Amiitu wange umuyanze ndaali nu vusangali uvunyingi kandi kelema mwoyo kigira uvuyanzi vuvwo! Ivi umali kusangaliza mioyo ja vandu va Nyasaye.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

1 Samweli 15:30

Saolo yavoola, “Inzi mali kokora uvwoni. Navuzwa nuyanza, manyia utanzangalariza imbiri wa vimiliri va vandu vange kandi Isiraeli vosi. Yirana nainzi kunangwa nduuki kusigamira Yahova Nyasaye woovo.”