Matayo 6:16 - KITABU KITAKATIFU

¹⁶ “Lwa muhongaa lilia, mutaverera kuli avagaadi mba. Yavo vaakuunyaa mu zimoni ziavo, valoreke ku avandu ndi vaahongi lilia. Agiligali muvooleraa, aveene yavo vamali konyoora madanyi gaavo.

Matayo 6:16 Iomraidhean Croise

2 Samweli 12:16

Daudi yasaala ku Nyasaye ndi mwana ahone. Yasura kulia kindu kali kikuzuzu kandi vuli vudiku yazia mu keng'oze chiche kandi naagona hasi uvudiku vwosi.

2 Samweli 12:21

Vatumikiri veve vamuteeva, “Kigira ki okolaa kuli ndi? Lwu mwana yaali mwoyo, wahonga lilia kandi nusioma, navuzwa kalunu ndi mwana ukuzi, uvuki kandi uliizaa!”

1 Avami 21:27

Lwa Elija yamala komoloma, Ahabu yatandula zinguvu zizie, niyinavuula kandi niyiviika zinguvu zia magunia. Yasura kulia, naagona mu zinguvu zia magumia, nokogendagenda novovereri kandi mwoyo ni guukuzi.

Nehemia 1:4

Lwa ndahulira makuva yaga goosi, ndikala hasi nindiira ligali. Ndasioma nu kuzizagilira kohonga lilia kandi. Ndasaara imbiri wa Nyasaye wu mwigulu madiku manyingi.

Esther 4:16

“Zia, uvungizi Avayuda vosi harara mu Susa; muhonge lilia na mumbiki mu lisaala. Mutalia anoho munwi kindu choosi ku madiku gavaga, umbasu nuvudiku mba. Avakaana vatumikiri vange harara ninzi kulakola malala mere. Inyima wa yago, inzi ndazia ku mwami, kali niiva lilago silimbugiliranga mba. Niiva nditwa, nzitwi.”

Zaburi 109:24

Amasigamo gange gaveeye madedekere kigira lihonga lilia, ndigaye vuzwa vigumba niligodo.

Zaburi 35:13

Navuzwa lwa vaali avalwaye, inzi ndiviika zinguvu zia magunia kumanyia vovereri. Ndiisaaliriza ku lihonga lilia. Ndavasaalira ligali ninzinaminyi mutwi hasi,

Zaburi 69:10

Lwa inzi nzegehizaa umwene imbiri woovo mu lihonga lilia, avandu vanyega.

Danyeli 9:3

Ndasaara vudinyu ku Yahova Nyasaye, nimugoonya vugira lilia ni nziviki zinguvu zia magunia kandi ni nzikaye muligoke.

Malaki 3:14

Munyi mumali kovora, ‘Ni vuzwa kutumikira Nyasaye. Ni vokonyi ki kokora ga Nyasaye Wuvunyali avoora anoho kugeliza kumumanyia ndi koveeye novovereri ku ga kumali kokora?

Matayo 6:1

“Heenzi vulahi, mutakola vikolwa vinyu viu uvulungi imbiri wa avandu, kigira mwenya vamulole mba. Niiva mukora ndio, Baba winyu oveeye mwigulu sianyala kumuha madanyi mba.

Matayo 6:2

“Lwa okonyaa mudaka mutevoola kuli avagaadi vakora mu masinagogi nu muzinzira kunangwa avandu vaduuki kuvizominya mba. Muvooleraa ligali, vamali konyoora amadanyi gaavo.

Matayo 6:5

“Lwa musaala, mutava kuli avagaadi, kigira yavo vayaanza kusaala nivasingiyi mu masinagogi kandi muvwavukaniru vwi zinzira kunangwa, avandu vavalore. Ligali muvooleraa, vamali konyoora amadanyi gaavo.

Marko 2:18

Ing'inga ndala aviigi va Yohana na aviigi va Vafarisayo vaali nivahonga lilia; avandu vaza nivateeva Yeso, “Kigira ki aviigi va Yohana na ava Vafarisayo vahonga lilia, navuzwa aviigi vovo si vahonga lilia.”

Luka 18:12

Inzi mbonga vugira lilia haali kaviri ku lisiza, ndungaa kegero chi likomi ku vindu viosi via inzi nyooraa.’

Luka 2:37

Yaali mukunzakali ku ing'inga yi mihiga samanini na ine. Ing'inga yeyo yoosi yaali niyamenya mulihonga lilia kandi kusaala mu Litembeli vudiku numbasu.

Vikolwa 10:30

Korinelio yavoola, “Amadiku gavaga, agaviti, ahimbi isa kuli yinu ndi, zisa tisa zia mbasu, ndaali nisaara munyumba yange. Nonoho, mundu wiviika zinguvu zing'ereng'anu yasingira imbiri wange,

Vikolwa 14:23

Vaatovora avakulundu nivavaviika mu makanisa goosi aga vandu vasuuviri; kandi lwa vamala kusaala no kohonga lilia, vavaviika hasi mu vulindi vwu Mwami wa vaali ni vaviiki lisuuvira liavo muye.

1 Vakorintho 7:5

Mutasuulani aveene naveene ku likolerana agamuduukira mba, nigataveeye ku lihulirizana lia mulagani kutanga ku ing'inga ngekeeke, muduuki kuva nu vwiyangu vulahi vwu kusaala; ma inyima muve harara kandi, kunangwa Setani avuli kuva nu vwiyangu ku mugerizaa kigira livula kwilinda kwinyu.

2 Vakorintho 11:27

Ndaakola miyinzi mu vunyang'ani; ndaminika haali kanyingi vugira zindoolo; ndaali ninzara nu vuluhu; haali kanyingi ndaaviikwa muvuhambe nokomenya mu vukindu vugira zinguvu.

2 Vakorintho 6:5

Kwamala kukuywa, kwavofwa mu vuhambe; kwavihilirwa no kosekerizwa, kandi ividuma viakokolera kehenyahenye, kwayinzilizwa vudinyu vugira lisosa; sikwanyoola ligona zindoolo kali hakuzu, kandi kwaali ninzara.