Matayo 6:13 - KITABU KITAKATIFU

¹³ Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Matayo 6:13 Iomraidhean Croise

Litanga 22:1

Inyima wa yaga Nyasaye yageliza Aburahamu; yamulanga, “Aburahamu!” Kandi Aburahamu yativura, “Yee, inzi mbeeye hano!”

1 Avami 1:36

Binaya yativura, “Galakolwa ndio, kandi Yahova Nyasaye woovo adinyirizi amakuva yaga.

1 Kyetsinyinga 16:36

Mwizominye Yahova, Nyasaye wa Isiraeli! Mwizominye Yahova lero kandi mihiga ni mihiga! Maku avandu vosi vizominya Yahova, vavoola, “Amini” nivizominya Yahova.

1 Kyetsinyinga 29:11

Ivi oveeye Munene kandi wi zinguru; wu vukumi, kandi wu vuguuti, wo kogenyia kandi wuvunyali. Ivindu viosi iviveeye mwigulu kandi mu lirova viveeye vivio, kandi ivi oveeye mwami oveeye igulu ligali ku vindu viosi.

1 Kyetsinyinga 4:10

Jabezi yasaala ku lieta lia Nyasaye wa Isiraeli, navoora, “Ungasize, O, Nyasaye, ma ombe kivala kinyingi. Ove ninzi harara ma umbiki ihale kutura ku vindu viosi vidamanu ivinyala kongola mbe nu vuzunu.” Na Nyasaye yamukolera goosi ga yateeva.

Zaburi 10:16

Yahova aveeye Mwami mihiga ni mihiga, yavo avasigamiraa avanyasaye vandi, valatulizwa mu kivala chiche.

Zaburi 106:48

Mwizominye Yahova, Nyasaye wa avandu va Isiraeli, mumwizominye kalunu kandi mihiga ni mihiga! Ma avandu vosi vavoole “Amini!” Yahova yizominywe!

Zaburi 22:28

Yahova aveeye mwami, kandi yamiha zihiiri.

Zaburi 41:13

Yahova yizominywi, Nyasaye wa Isiraeli, yizominywi kalunu kuduuka mihiga ni mihiga Amini! Amini!

Zaburi 47:2

Mutie Yahova, oveeye igulu ligali kuvita aveeye mwami umunene ligali, uwamihaa ku lirova liosi.

Zaburi 47:7

Nyasaye aveeye mwami wi lirova liosi, mumwizominye ni zinyimbu!

Zaburi 72:19

Lieta lilie liuvukumi lizominywi uvukumi vwivwe vwizuli lirova liosi. Amini! Amini!

Zaburi 89:52

Yahova Nyasaye yizominywi mihiga ni mihiga! Amini! Amini!

Kutwula 15:18

Ivi, Yahova, ulava Mwami mihiga ni mihiga.”

Tsing'ano 30:8

undulizi mu vovehi kandi vugadi, kandi uleke mburi kuva mutugi anoho mudaka. Ombe vuzwa chukulia kidukanaa ninze.

Jeremia 15:21

Ndakosoora kutura kuzinguru zia vachamu kandi avandu vikirage. Inzi Yahova mali kovora.”

Jeremia 28:6

“Amini Yahova akole ndio. Yahova akole amakuva gu voporofeti vuvwo kuva giligali, kandi yiranyie hano mavikiru gu mu Litembeli ga yaahira Babiloni, harara na avandu vosi avaaziayo mu lihaminywa.

Danyeli 4:25

Ulakungwa kutura mu vandu na uzie komenya ni zinyama. Ku mihiga 7 ulayaa vunyasi kuli igiriki yu kulima. Ulagona mu kiguti ni lime lilagwa kuivi. Maku ulavugilira ndi Nyasaye Wuvunyali alindaa vwamihi kandi anyala ku vuhaana ku mundu woosi watovoye.

Danyeli 7:18

Avandu va Nyasaye Wuvunyali valanyora zinguru ziu vukumi, kandi valava nazio mihiga ni mihiga.”

Livalidza 5:22

Mazi yaga gayaanze gazie munda mumwo ma gakole inda yooyo ivimbi kandi vukali vuvwo vuniale.” Maku mukali uyu alavoora, “Inzi mali kuvugilira, Yahova ayaanze akole ndio.”

Matayo 26:41

Muhenze kandi musaale gase Setani alamugeriza. Umwoyo gwenyaa, navuzwa umuviri goveeye umudedekere.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Matayo 5:37

Makuva googo nigaveeye ‘Yee’ gave ‘Yee’ na niiva nigaveeye ‘Awa’ gave ‘Awa.’ Amakuva gandi goosi agovoola kuvita yaga gaturaa ku Mudamanu oyo.

Matayo 6:10

Uvwami vuvwo vuuzi; uvulariri vuvwo vokolwi mu lirova kuli vokolwa mwigulu.

Yohana 17:15

“Singoteevaa uvatulize mu kivala, navuzwa uvalindi ku mudamanu.

1 Vakorintho 10:13

Magerizu ga mwanyoola gaveeye ga kazozo ku vandu. Navuzwa Nyasaye aveeye umusuuvirifu kulinda lisuuviriza lilie, naye sialamuleka mugerizwe kuvita zinguru zie liekuzira lienyu mba; ing'inga ya magerizu, alamuha vunyali vwu kwikuzira kugo, kandi inzira yukwilukira mu.

1 Vakorintho 14:16

Lwa uhaanaa lisandiza ku Nyasaye mu Roho yenyine vuzwa, umundu utamanyi makuva ga roho, naye aveeye mu livugana yilio, yakavoola ndi “Amini” ku lisaala liilio lie lizominya? Sianyala kumanya cha ovola mba.

2 Vakorintho 1:20

niyie oveeye “Yee” ku lisuuvirizwa liosi lia Nyasaye. Yiki nicho kigira kuvitira mu Kristo Yeso, livoora “Amini” lietu liveeye ku lwu vukumi vwa Nyasaye.

Vagalatia 1:4

Kristo yihaana umwene kigira uvwoni vwitu kolondekana nu vulaliri vwa Nyasaye oveeye Baba wiitu, aduuki kokohonyia mu likula lidamanu lia kalunu yili.

Kwidzulitsa 8:16

Muchangalangwe, yauha imaana mulie, ichukulia cha avaguuga vinyu vavura kulia ku kali hakuzu. Yaleeta uvudinyu ku munyi aduuki kumukola mwegehizi kandi kumugeriza, kunangwa mu limalirika aduuki kumugaasiza nivindu vilahi.

Kwidzulitsa 8:2

Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

2 Vatesalonike 3:3

Navuzwa Mwami aveeye musuuvirifu kandi alamuha izingulu nu kumulinda vulahi ku Mudamanu oyo.

Vahebraina 11:36

Avalala vakolerwa kehenyahenye kandi nivakuywa, na vandi vavofa niminyororo kandi nivaviikwa mu vuhambe;

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,

1 Yohana 3:8

Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 19:1

Inyima wa yaga, ndaahulira umufumu gwu mwoyo munene gwi kiduma kenene cha avandu mwigulu, nivavoora, “Haleluya ovohonyi, nu vukumi, ni zinguru viveeye via Nyasaye wiitu!

Likunula 19:4

Avakulundu sirini na ine, ni vilombe viveeye mwoyo vine, vaagwa hasi mamumama, nu kusigamira Nyasaye, uwikaye kondeve yu vwami, nivavoora, “Nyasaye yizominywi! Amini!”

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”

Likunula 3:10

Kigira walinda lilaga liange nuwikuzira ndakulinda mu ing'inga yo kogerizwa yiza ku lirova liosi kogeriza yavo avamenyaa mulio.

Likunula 3:14

“Ng'odera engelosi wi likanisa liveeye mu Laodikia: “Yaga nigo makuva kutura ku Amini, umulolekizi umusuuvirifu nu wi ligali, oveeye uvutangiliru vwi vilombe viosi via Nyasaye yalomba.

Likunula 5:13

Ndaahulira kandi ivilombe viosi iviveeye mwigulu, iviveeye ku lirova, iviveeye isi wi lirova, iviveeye munyanza, kandi ivilombe viosi iviveeye mwoyo mu lirova ni vivoora: “Oyo uwikala kondeve yu vwami kandi ku Mwana wi Ligondi, luyali loveeye kuye, lizominywa, uvukumi ni zinguru, kuduuka mihiga ni mihiga!”