Matayo 5:9 - KITABU KITAKATIFU

⁹ “Vaveeye nuvugasu avalombi vimirembe, kigira valalangwa avana va Nyasaye.

Matayo 5:9 Iomraidhean Croise

1 Kyetsinyinga 12:17

Daudi yazia ku vaaganira navoora, “Niiva muzaa kuli avalina kongonya, mwingiliziywi hano nu murembe. Navuzwa niiva muzaa kunzaama nu kumbika ku vasigu vange, kali niiva si ndageriza kumusaliriza, Nyasaye wa vaguuga viitu alamanya amakuva yaga na alamuha amageri.”

Zaburi 120:6

Mali komenya navandu vadunyiraa mirembe ku ing'inga indambi ligali.

Zaburi 34:12

Ni mundu ki ukayirangwa kuva ni livamwoyo? Kandi ukayirangwa komenya amadiku manyingi aduuki kuyaanzizwa ni vindu vilahi?

Matayo 5:45

muduuki kuva avana va Baba winyu oveeye mwigulu. Kigira alavizaa iliuva lilie ku vadamanu na valahi, kandi akubizaa imbura ku valahi na vadamanu.

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Luka 20:36

Kigira sivanyala kukuza kandi mba. Valava kuli zingelosi kandi vaveeye avana va Nyasaye, kigira vamali kusimuguka kutura mu vakuzu.

Luka 6:35

Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu.

Vikolwa 7:26

Mugamba gwalonda ku, yanyoora vandu va Isiraeli vaviri ni vakubana; yaageriza kuvahambanyia, navoora, ‘Munyi muveeye avamwavo; kigira ki musolanaa aveene ku vene?’

Varumi 12:18

Niganyalika kolovega lwinyu, muve ni mirembe na vandu vosi.

Varumi 8:14

Ku vosi ava Roho wa Nyasaye yimiliraa yava nivo avana va Nyasaye.

Varumi 8:16

Roho wa Nyasaye alolekizaa harara na roho jietu ndi koveeye avana va Nyasaye.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

1 Vakorintho 6:6

Mu vogono yivwo, Mukristayo mulala ayaara Mukristayo wache mu kiyaalo nokoleka avatasuuvira vakalage makuva gi kiyaalo.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

2 Vakorintho 5:20

Kunyi koveeye avatumwa va Kristo; Nyasaye mwene atumikiraa kunyi kogoonya munyi. Kumugoonya mu vogono vwa Kristo, muhambanywe na Nyasaye.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vafeso 4:1

Kunangwa, inzi oveeye muhambe kigira ndumikiraa Mwami, mugoonyaa mumenye kolondekana ni liiva lia Nyasaye yaviikaho lwa yamulanga.

Vafilipi 4:2

Ng'onyaa Eyodia na Sindike, mwaza ni muyanzaa mugerizi kuvugilirizana nu kuva nu mwoyo mulala kuli avavozo mu Mwami.

Vakolosai 3:13

Mwikuzirane aveene naveene, na niiva mulala aveeye ni likuva liu kwililira ku uwache, vasamiihane, kuli Mwami yamusamiiha.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.