Matayo 5:8 - KITABU KITAKATIFU

⁸ “Vaveeye nuvugasu avaveeye ni mioyo milavu, kigira valalola Nyasaye.

Matayo 5:8 Iomraidhean Croise

Litanga 32:30

Yakobo yavoola, “Inzi mali kolola Nyasaye moni na moni, na kalunu ngikiri mwoyo.” Kunangwa yalanga havundu yaaha “Penieli.”

2 Samweli 22:27

Oveeye mulungi ku yavo avaveeye valungi. Navuzwa oveeye mululu ku yavo avachamu.

Zaburi 15:2

Uyu ugendaa mu vuduukiru vwa Nyasaye kandi okolaa agaveeye malungi ni uyu ovola agiligali kutura mu mwoyo gwigwe;

Zaburi 18:26

Ivi oveeye mutakatifu ku yavo avaveeye vatakatifu, navuzwa oveeye umululu ku yavo avaveeye vachamu.

Zaburi 24:4

Ni yavo avaveeye nivikolwa vilahi kandi ni mioyo mitakatifu, kandi yavo avatasigamiraa vifananyi kinga yavo avatiisuuhaa kuvugadi.

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Zaburi 51:6

Ivi wenyaa uvusuuvirifu na giligali kutura ku inzi. Unzigize vogeri mu mwoyo gwange.

Zaburi 73:1

Nyasaye aveeye mulahi ligali ku vandu veve, Isiraeli, ku yavo avaveeye avanifu mu mioyo.

Tsing'ano 22:11

Mundu uyanzaa uvunifu vwu mwoyo kandi oveeye wi zimbavasi, mwami alava mulina weve.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

1 Vakorintho 13:12

Icha kololaa kalunu keveeye kuli kololera mu chelolero iligondo litalolekaa vulahi, navuzwa inyima wayaga kulakalole moni namoni. Icha inzi manyi kalunu sikeveeye kidukiru mba, navuzwa inyima kilakave kiduukilu kuli limanya lia Nyasaye, liveeye liduukilu ku inzi

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Tito 1:15

Ku yavo valungi, vindu viosi viveeye vilungi, navuzwa ku yavo vadamanu na ava vula kusuuvira, sihaveeyeho ni kindu kinifu kuvo mba. Kali ndio ovogeri vwavo ni zing'anagani zie mioyo jaavo, viombi vigwiyi vidamanu.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

Likunula 22:4

Kulakalole kandi mumoni mwa Nyasaye, ni ilieta lilie lilakang'odwe mu uvweni vwavo.