Matayo 5:48 - KITABU KITAKATIFU

⁴⁸ Kunangwa gamudukira muve vadukanu, kuli Baba winyu wu mwigulu aveeye mudukanu.

Matayo 5:48 Iomraidhean Croise

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

2 Samweli 22:31

Nyasaye uyu, ivikolwa vivie viveeye vidukiru ligali, amakuva geege gaveeye agiligali! Aveeye kuli inguva ku vosi avenya likingwa lilie.

Zaburi 37:37

Henza ku mundu mulahi kandi mundu mulungi; mundu wi mirembe aveeye ni visukululwi.

Kyavalevi 11:44

Inzi mbeeye Yahova Nyasaye winyu. Mwitakase munyi vene, muve avatakatifu kigira inze mbeeye mutakatifu. Muteyononyia vene na kilala ku ivindu vimolaa kumalova mba.

Kyavalevi 19:2

avolere avandu vosi va Isiraeli, “Muve avatakatifu kigira Inzi, Yahova Nyasaye winyu, mbeeye Mutakatifu.

Kyavalevi 20:26

Munyi mulava avatakatifu ku Inzi kigira Inzi Yahova mbeeye umutakatifu kandi mali kumwahula kutura ku zihiiri zindi ziosi kunangwa muduuki kuva avandu vange.

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Matayo 5:45

muduuki kuva avana va Baba winyu oveeye mwigulu. Kigira alavizaa iliuva lilie ku vadamanu na valahi, kandi akubizaa imbura ku valahi na vadamanu.

Matayo 5:47

Kandi niiva muchelizaa avamwavo vinyu venyine, ku muvitiraa ki avandu vandi? Kali avandu vi zihiiri, avatamanyi Nyasaye, vakora ndio!

Luka 6:36

Muve ni zimbavasi kuli Baba winyu aveeye ni zimbavasi.

Luka 6:40

Musomi siavitaa mwigizi weve mba, navuzwa musomi woosi niyakamara kwigizwa alava kuli mwigizi weve.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

2 Vakorintho 13:9

Kuyaanza lwa koveeye avadedekere, navuzwa munyi muveeye ni zinguru. Kulwayago kusaala muduuki komeeda kuva avadukiru.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vafeso 3:1

Kigira yaga inzi, Paolo, muhambe wa Kristo Yeso kulwa munyi vandu vizihiiri, saalaa ku Nyasaye.

Kwidzulitsa 18:13

Muve avasuuvirifu ku Yahova Nyasaye winyu.”

Kwidzulitsa 27:10

Kunangwa muhuliri Yahova Nyasaye winyu kandi mugumiri malago gege nimiima jije aga muheezaa kalunu.”

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

Yakobo 1:4

Mulole ndi uvwikuziri vwinyu vokoli miyinzi javwo midukiru, kunangwa muduuki kuviruka kandi muve avadukiru, vugira kudaka ikindu ku viosi.

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.