Matayo 5:39 - KITABU KITAKATIFU

³⁹ Navuzwa kalunu inzi muvooleraa, utavaanza kisaalia ku mundu okokoleraa vudamanu mba. Mundu woosi ukwaala uluhi ku lusaya lwu mukono mulungi, oleke yaale uluhi ku lusaya lundi kandi.

Matayo 5:39 Iomraidhean Croise

1 Avami 22:24

Hene yaho muporofeti Zedekia yazia ku Mikaya, naamwala luhi mumoni, navoora, “Kutura ng'inga ki Roho gwa Yahova goleki inzi nokomoloma ku ivi?”

Ayubu 16:10

Avandu viivungizi na kovora makuva gaavo ku inzi, vigingiraa nukumbama zinzasaya.

Tsing'ano 20:22

Utitungila vudamanu mba. Suuvira Yahova na alakokoonya.

Tsing'ano 24:29

Utavoola ndi ndamukolera kuli yangolera mba. Ndamutungiza kisaalia kugayangolera!

Isaya 50:6

Ndahaana mugongo gwange ku vasigu vange. Kandi ndagilung'ana niimbana zisaya ziange vaduuki kumanyula zinderu ziange. Si ndaavisa mumoni mwange kutura ku livikwa mu zisoni kandi kutuzilwa amate mba.

Lisyoma lya Jeremia 3:30

Leka ahaane lusaya lwilwe ku mulala unyala kumukuya, kandi leka ave mulilegwa.

Kyavalevi 19:18

Mutavanza kisaalia ku mundu vosi mba anoho uzizagiliri kumudunyira mba, navuzwa uyaanze mutende vovo kuli wiyanza yivi mwene. Inzi mbeeye Yahova.

Mika 5:1

Munyi avandu va Jerusalemi, vungizi amahi ginyu! Kukumbiriziywi niliihi linene na vingilira nukukuya umwimiliri wa Isiraeli ku lusaya.

Matayo 5:40

Mundu nazia kukuyaala niyenyaa kuvugura lishati liilio, umuleke avuguli likoti liilio kandi.

Luka 22:64

Vamufuma muzimoni nikitambaya, nivamuteeva, “Vuula! Nivwaha ukuduyi?”

Luka 6:7

Avigizi vi Lilaga valala na Avafarisayo vahenza valore Yeso niiva yaali anyala gohonyia mundu ku lidiku lie Lisabato, kunangwa vanyoore kivuni chu kumuyaara.

Yohana 18:23

Yeso yamutivulira, “Niiva inzi mali kovora vudamanu, lolekiza uvudamanu zana. Navuzwa niiva mboye agiligali, kigira ki ivi unguyaa?”

1 Vakorintho 6:7

Agiligali gaveeye ndi: kuva ni miyaalo hagati hinyu kumanyia ndi mwamala kugwa ligali; sivwakaveeye vulahi ligali ku munyi kwikuzira ku likolerwa uvudamanu mba? Si vwakaveeye vulahi ligali kuvita munyi kunuurwa mba?

1 Vatesalonike 5:15

Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

Vahebraina 12:4

Mu lihandalala kuguuta vwoni, mukikiri kulwaana nukuhingira vwoni kuduuka ku kika chu kwitwa;

Yakobo 5:6

Mumali kukalagira kandi kwita avandu avataveeye nimbara navo sivahingiraa munyi mba.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.