Matayo 5:37 - KITABU KITAKATIFU

³⁷ Makuva googo nigaveeye ‘Yee’ gave ‘Yee’ na niiva nigaveeye ‘Awa’ gave ‘Awa.’ Amakuva gandi goosi agovoola kuvita yaga gaturaa ku Mudamanu oyo.

Matayo 5:37 Iomraidhean Croise

Matayo 13:19

Ku vosi uhuliraa likuva liu vwami, na avula kulimanya, aveeye kuli uvuguza vwamizwa nivugwa kunzira. Mudamanu yazaa mamunyaga iliamiizwa mu mwoyo gwigwe.

Matayo 13:38

Mulimi ni kivala. Uvuguza vulahi na avandu vu Vwami vwu mwigulu. Navuzwa amavanze ni avana vu Mudamanu.

Matayo 15:19

Kigira mu mwoyo gwigwe zing'anagani zindamanu zitulaa mu, izimwimiliraa ukwita, okoheya, kandi okokora ikifwavi chi zing'ano ziosi; kunuura, koveha nu kugina avandi vandi.

Matayo 5:36

Utisuha kandi ku umutwi gugwo mba, kigira siunyala kokora iliisu lilala live lilavu anoho limwamu mba.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Yohana 17:15

“Singoteevaa uvatulize mu kivala, navuzwa uvalindi ku mudamanu.

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Vafeso 4:25

Kigira yaga, musuuli uvovehi, vuli mundu gamuduukira avolere musuuviri wache gagiligali, kigira koveeye kwosi kevero kilala aveene naveene harara mu muviri gwa Kristo.

Vafeso 6:16

Kuvita yaga goosi, mugiingi inguva yi lisuuvira kazozo, ya mulinyala kusiminyira uvuta ni mivano josi ju muliru ju mudamanu.

Vakolosai 3:9

Mutaveherana aveene na aveene mba, kigira mumali kutulizaho liiva lia kale harara ni milima jinyu.

Vakolosai 4:6

Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.

2 Vatesalonike 3:3

Navuzwa Mwami aveeye musuuvirifu kandi alamuha izingulu nu kumulinda vulahi ku Mudamanu oyo.

Yakobo 5:12

Navuzwa kuvita viosi, avaamitu vange, mutatumikira liesuuha ku ligulu anoho ku lirova, anoho liesuuha ku kindu choosi lwa mulomba lilagana. Muvoore vuzwa, “Yee” niiva ikivuni chiinyu keveeye, yee, kandi “Awa” winyu ave vuzwa awa, Nyasaye avuli kumukalagira.

1 Yohana 2:13

Ng'odera munyi avababa, kigira mwamanya uyu uwaali ho kutura mu litanga. Ng'odera munyi avasoleri, kigira mumali kuguuta mudamanu.

1 Yohana 3:12

Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi.

1 Yohana 5:18

Kumanya vulahi ndi, umundu woosi wivulwa kutura ku Nyasaye kokora uvwoni mba, kigira mwana wa Nyasaye amukingaa na kandi Setani sia lamusaliriza mba.