Matayo 5:34 - KITABU KITAKATIFU

³⁴ Navuzwa kalunu inzi muvooleraa ndi mutisuuha lwa mulomba lilagana mba. Mutisuuha ku ligulu, kigira liveeye endeve yu vwami vwa Nyasaye;

Matayo 5:34 Iomraidhean Croise

Zaburi 11:4

Yahova aveeye mu Litembeli lilie Litakatifu, endeve yeeye yu vwami eveeye mwigulu. Ahenzaa avandu havundu hoosi nukumanya via vakora.

Kohelethu 9:2

Sihaveeyeho ni liavukana mba. Kivi kilala chere keveeye ku mundu mulungi kandi keveeye ku mundu muchamu, ku mundu mulahi kandi ku mundu mudamanu. Ku yavo avamanya idini, kandi ku yavo vatamanyi idini, ku yavo vahaana visiuviliru kandi ku yavo vatahaana. Mundu mulahi siaveeye mulahi kuvita mwoni mba; uyu wisuhaa siaviti uyu utisuha mba.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Vikolwa 7:49

‘Mwami Nyasaye avoora, Ligulu liveeye kuli endeve yange yu vwami, ni lirova liveeye endeve yu kuviika ku ivirenge viange. Kunangwa, ninyumba ya lugano ki ya munyala kunyumbakira? Ni hayi ha inzi sosera?

Yakobo 5:12

Navuzwa kuvita viosi, avaamitu vange, mutatumikira liesuuha ku ligulu anoho ku lirova, anoho liesuuha ku kindu choosi lwa mulomba lilagana. Muvoore vuzwa, “Yee” niiva ikivuni chiinyu keveeye, yee, kandi “Awa” winyu ave vuzwa awa, Nyasaye avuli kumukalagira.