Matayo 5:3 - KITABU KITAKATIFU

³ “Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Matayo 5:3 Iomraidhean Croise

2 Kyetsinyinga 33:12

Mu vusaliri vwivwe, yegehiza ligali, nagirung'ana koyeeka ku Yahova Nyasaye weve, kandi namugoonya amukonye.

2 Kyetsinyinga 33:19

Lisaala liu mwami na mativuli ga Nyasaye kulio, kandi livaala liu vwoni vwa yakola nakikiri kwiganira, uvudamanu vwa yakola, havundu hukusigamira misambwa nivifananyi viu munyasaye wikikali Ashera ivia yalomba kandi ni misambwa ja yasigamira viosi viang'odwa mu vitabu via makuva ga kale ga Avaporofeti.

2 Kyetsinyinga 33:23

Amoni siyegehiza umwene imbiri wa Yahova, kuli baba weve Manase yegehiza mba, navuzwa, yaazizagilira kokora uvwoni kuvita ligali.

2 Kyetsinyinga 34:27

kandi nu wegehiza umwene imbiri wange, watandula zinguvu zizio, kandi nulira nukwidoloka amaliga, lwa wahulira kuli ndatihiza ku haana amageri ku Jerusalemi harara na avandu vamenyi mu. Navuzwa inzi mali kuhulira lisaala liilio,

2 Kyetsinyinga 7:14

niiva vasaala ku inzi nukwiganira kandi vagirung'ane kutura ku vudamanu vwa vakolangi, maku nda vahulira mwigulu nu kusamiiha uvwoni vwavo, nokokola kivala chavo keve nilizizagilira lilahi imbiri niligasizwa.

Ayubu 42:6

Kunangwa, inzi mbeeye nizisoni ku goosi aga inzi mali kovora, kandi nzivakaa luguchi ni ligoke ukumanyia lieganira liange.”

Zaburi 1:1

Aveeye nuvugasu mundu uvula kolonda mu makuva ga voni, kandi siasingiraa mu zinzira ziavoni mba, kandi siahambanaa na vaakolera Nyasaye kehenyahenye mba.

Zaburi 112:1

Mwizominyi Yahova! Aveeye nuvugasu mundu uhuliraa Yahova, asangalira ligali mu lihulira malago geege.

Zaburi 128:1

Aveeye nuvugasu uyu utizaa Yahova, kandi ogendaa mu zinzira zizie.

Zaburi 146:5

Aveeye nuvugasu umundu wa Nyasaye wa Yakobo akoonyaa, kandi weleedaa ku Yahova Nyasaye wavo,

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 34:18

Yahova aveeye ahimbi ni yavo avi mioyo jaavo jiveeye midedekere, kandi ahonyiaa yavo avamali kogotiza lisuuvirizwa liavo liosi.

Zaburi 41:1

Aveeye nuvugasu uyu ohenderaa avadaka mwoyo; Yahova alamukonyia lwaveeye mu vudinyu.

Zaburi 51:17

O, Nyasaye kisiuviriru change keveeye mwoyo gwi liegehiza. Ivi siulasuula mwoyo gwovohoma kandi gwi lieganira.

Zaburi 84:12

O, Yahova Wuvunyali, vaveeye nu vugasu yavo avasuuviraa mu ivi!

Tsing'ano 16:19

Ni vulahi kuva muhocha ma ove mudaka, kuvita kuva mulala ku vandu vi liegingira kandi konyoora ku mugavo gwi vilaanye viavo.

Tsing'ano 29:23

Mundu oveeye ni lielora luyali lugeha kuye, navuzwa oyo wegehizaa mu mwoyo alahevwa luyali.

Tsing'ano 8:32

“Kalunu mwinye vana vange, mbulirizi, mukore kuli mboraa na mulava nu vuyanzi.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 11:6

Vaveeye nuvugasu avandu vavura kumbayahayiza.”

Matayo 13:16

“Navuzwa munyi muveeye nuvugasu ligali, kigira zimoni zienyu zilolaa, kandi amatu ginyu gahulira.

Matayo 19:14

Yeso yavoola, “Leki avana vakekeeke vaze ku inzi. Mutavigalira mba, kigira Uvwami vwu mwigulu voveeye vwa avandu kuli yava.”

Matayo 24:46

Aveeye nuvugasu mutumikiri wu Mwami weve aliiza ma alamunyoole nakora ndio!

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Matayo 3:2

“Mwiganiri, kigira Uvwami vwu mwigulu voveeye ahimbi.”

Matayo 8:11

Na muvooleraa, avandu vanyingi valaza kutura Ivugwi ni madioli, kandi valikala mu lilia harara na Aburahamu, Isaka na Yakobo mu Vwami vwu mwigulu.

Marko 10:14

Lwa Yeso yalora yaga, yavihilirwa navavoolera, “ Leki avana vakekeeke vaze ku inzi. Mutavagaya mba, kigira Uvwami vwa Nyasaye voveeye vwa vandu vaveeye kuli avana yava.

Luka 11:28

Yeso yamutivulira, “Yee, navuzwa vaveeye nuvugasu ligali kuvita, avahulira likuva lia Nyasaye, ma valilonda.”

Luka 18:14

Muvooleraa, musololi wu vusuuru uyu yirana yengo weve nakoleywi mulungi na Nyasaye kuvita Mufarisayo oyo. Kigira ku vosi wenenehizaa umwene, alagehizwa; na ku vosi uwegehizaa alanenehizwa.”

Luka 22:29

Kuli Baba wange yamba zinguru ukwamiiha avandu yava, kandi inzi ndio, muheezaa zinguru zindala nzere mwamihi.

Luka 22:30

Munyi mulalia nukunwa komesa yange mu Vwami vwange. Mulikala ku zindeve ziu Vwami ukwamiiha zihiiri likomi na ziviri zia Isiraeli.

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

Yohana 20:29

Yeso yamuvolera, “Usuuviyi kigira ondoli? Vaveeye nuvugasu yavo avasuuviyi nivakikiri kondola.”

Kwidzulitsa 8:2

Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.

Yakobo 1:10

Navuzwa Mukristayo oveeye mutugi kuduuka asangale lwa Nyasaye amugehizaa kigira mutugi alakatulizwi ho kuli ikimuli chi kitagwa chumbulimu.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Likunula 19:9

Engelosi yambolera kandi, “Ong'ode amakuva yaga: Vaveeye nuvugasu yavo avalangiywi vazie mu lilia lie keserero chu Mwana wi Ligondi.” Yambolera kandi, “Yaga gaveeye amakuva giligali ga Nyasaye.”

Likunula 22:14

Vaveeye nuvugasu avogizaa zinguvu ziavo, vaduuki kulia amakuyu gu musaala gwi livamwoyo kandi kwingira mu virivwa nu kuduuka mu lidaala linene.

Likunula 3:17

Ivi ovola, ‘Inzi mbeeye umutugi, kandi simbeeye ni lienya kindu.’ Navuzwa siumanyi kuli oveeye novovereri! Oveeye mudaka, umboku, kandi chahonyo!