Matayo 5:29 - KITABU KITAKATIFU

²⁹ Niiva emoni yooyo inungi nekolomba okole uvwoni, ugitulizi, ugisiuvi ihale! Vwakaveeye vulahi ligali kuvita ivi kogotiza kilala ku vivero viu muviri gugwo, kuvita umuviri gugwo gwosi kusiuvwa mu gehena.

Matayo 5:29 Iomraidhean Croise

Ayubu 20:13

kali naava natavugilira kuvoleka vuzie, navuzwa ahaanda kuvwo mu munwa gwigwe;

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 11:6

Vaveeye nuvugasu avandu vavura kumbayahayiza.”

Matayo 16:26

Mundu alanyoola vukala ki niiva alavugula uvutugi vwosi vwi lirova, navuzwa agotizi livamwoyo lilie? Anoho, umundu alahaana ki keve mu uvwiyangu vwi livamwoyo lilie?

Matayo 17:27

Navuzwa, kigira sikwenyaa kwikigitariza avandu yavo, zia ku inyanza ulimbiki izisuzi; uvuguli isuzi itangaa kugumirwa, ukunuli munwa gwayo, na ulanyora mu mabese gadukanaa kutunga uvusuru vwi Litembeli. Vugula agene yago uzie kutunga uvusuru vwitu.”

Matayo 19:12

Kigira viveeye ho ivivuni lugano lugano viokolomba umundu avuli koleta umukali. Avalala vaveeye iviziri kigira viivulwa ndio. Avandi vaveeye iviziri kigira vakolwa kuva ndio na vandu; avandi vekola iviziri aveene kigira Uvwami vwu mwigulu. Leki oveeye ni zinguru kuvugilira amigizu yaga agavugiliri.”

Matayo 23:15

“O, vayaye, kilaamo keveeye ku munyi, avigizi vi Lilaga na Avafarisayo! Avagaadi munyi! Mwambukaa izinyanza kandi muvodong'anaa ilirova liosi muduuki konyoora umundu mulala ahambane ni lisuuvira lienyu. Navuzwa lwa mumunyoola, mumukolaa ave udukana kuzia mu gehena haali kaviri kuli munyi aveene muveeye.

Matayo 23:33

Zinzoka munyi! Avana vi vihirigoma munyi! Mu lihononoka ndi ku likalagirwa liu muliru gwe gehena?

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Matayo 5:30

Na niiva mukono mulungi gugwo ni gokolomba okole uvwoni, ugukalage, ugusiuvi ihale! Vwakaveeye vulahi kuvita ivi kogotiza kilala ku vivero viu muviri gugwo, kuvita umuviri gugwo gwosi kusiuvwa mu gehena.

Marko 8:36

Ni vukala ki umundu anyoore lirova liosi, navuzwa agotizi livamwoyo lilie?

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

Varumi 6:6

Kumanyi ndi mundu wiitu wa kale yitirwa ku musalaba harara na Kristo, kunangwa zinguru zie liiva lietu liu vwoni liduuki kwononywa, kunangwa kunyi kuvuli kuva kandi avatugwa vu vwoni.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

1 Vakorintho 9:27

Nombaa umuviri gwange kuva mudukiru ligali ku liduywa kunangwa inzi mwene kandi ndanyooleke nimbeeye harara na yavo avandaamara kulanga mu ligerana yili.

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.