Matayo 5:22 - KITABU KITAKATIFU

²² Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Matayo 5:22 Iomraidhean Croise

Litanga 37:4

Lwa avamwavo veve valora ndi baba wavo yayanza Josefu kuvavita, vaamudunyira ligali kali si vamoloma naye nu mwoyo gwu vuyanzi mba.

Litanga 37:8

Avamwavo veve vateva, “Ivi uganagana ulava mwami ma ukwamihi?” Kunangwa vaamudunyira ligali kigira maloto geege kandi agayavoola kuvo.

2 Samweli 16:7

Shimei yamulaama navoora, “Tula zia! Tula zia! Mulumindi ivi! Mukoli wuvudamanu ivi!

2 Samweli 6:20

Inyima wa yaga, Daudi yazia yengo kugasiza vandu avinyumba yeeye, Mikali yatura ichova kumwaganira. Yamuvolera, “Mwami wa Isiraeli yelombeeye lieta linene mwene kalunu kumanyia chahonyo chiche umwene kuli musiru imbiri wi zimoni zia vatumikiri vakali va vanene veve!”

1 Avami 21:4

Ahabu yazia yengo, nakuzi mwoyo kandi naasinyiki kigira likuva lia Nabozi yaali namuvooleye. Yagona ku kidali chiche, nahenzi mwidigi, kandi siyaali anyala kulia mba.

2 Kyetsinyinga 16:10

Yaga galoomba mwami Asa kuva nu vutima nu muporofeti Hanani, na yalaga muporofeti avofwe ni aviikwi ku minyororo na avikwi munyumba ya vahambe. Yaali ing'inga yiyi lwu mwami Asa yaatanga kudambiza avandu valala mu Ivuyuda.

2 Kyetsinyinga 19:5

Yatovola avakalagi mu vuli madaala manene gumbakwa nizimbinga gi Ivuyuda,

Nehemia 5:8

Ndavavolera, “Kunyi lwa kunyaliza, kwiranyia avamwavo viitu Avayuda avaari niviguliza aveene kuvageni. Navuzwa kalunu munyi munigaa aviiko vinyu ukwiiguliza aveene ku munyi, Avayuda vache vaavo!” Aviimiliri zana vachiring'ana makiriri kigira vamanya ndi amakuva yaga gaveeye agiligali.

Zaburi 109:3

Vavoola ivindu vidamanu ligali ku inzi kandi vaanduliraa vugira kivuni.

Zaburi 14:1

Avandu vasiru vavola mu mioyo jaavo ndi, “Nyasaye siaveeye ho mba.” Vosi vaveeye avadamanu, kandi vamali kokora agukuvihiririza; sihaveeye ho nu mundu kali mulala okolaa agaveeye malungi mba.

Zaburi 25:3

Utaleka yavo avasuuviraa mu ivi vanyoore zisoni kigira liguutwa. Navuzwa oleke yavo avaveeye vwangu ukwiibaala ku ivi, vave soni.

Zaburi 35:19

Utaleka avasigu valulu vange kusangalira liguutwa liange mba. Utaleka yavo avandunyira vugira kivuni vaangunukiri kigira liverera liange mba.

Zaburi 37:8

Utava ni lihenda mwoyo, anoho uvutima mba, kigira yivi viosi viviika mundu mu vudinyu.

Zaburi 49:10

Mundu woosi anyala kolola ndi; kali avovogeri vakuza, kuli avasiru navayingu vakuza. Vosi valeka vutugi vwavo ku visukululwi viavo.

Zaburi 69:4

Yavo avandunyira vugira kivuni, vaveeye avanyingi ligali kali kuvita liisu liu kumutwi gwange. Avasigu vange vavoola ovovehi ku inzi; vaveeye ni zinguru ligali kandi venya kunzita. Vamali konomba kali kwilanyia ivindu viandavula kwiva.

Zaburi 7:4

niiva ndakora uvudamanu ku mulina wange, anoho kulanya musigu wange vugira kivuni,

Zaburi 92:6

Yiki ni kindu chu musiru atanyala kumanya; umuyingu sianyala kumanyiriza mba.

Tsing'ano 14:16

Vandu vovogeri velehaa kutura ku vudamanu, navuzwa vandu vasiru vaveeye vugira lielinda kandi vakora vwangu vugira kuganagana.

Tsing'ano 18:6

Makuva gumundu musiru galetaa volembani, goosi agaavoola galetaa vudinyu kuye.

Jeremia 17:11

Mundu anyoora uvutugi munzira itaveeye isuuvirifu, aveeye kuli ilinyonyi ligoneraa amavuyu agaliavula kotera. Hagati hi limenya lilie alagotiza uvutugi vwivwe, kandi mu keheri chi limenya lilie alava vuzwa kandi umusiru.

Lisyoma lya Jeremia 3:52

“Kumali kugumirwa kuli linyonyi na yavo avaveeye avasigu viitu vugira kivuni.

Danyeli 3:13

Lwene yilwo, mwami yaali nu vutima vonene kandi nalaga vasaza vavaga yava valetwe imbiri weve

Danyeli 3:19

Maku Nebukadineza yaali nu vutima vonene ligali kali vwaloleka mu vweni vwivwe kigira Sadaraka, Meshaka, na Abedinego. Kunangwa yalagiza kesambilu kimedwe muliru keve kihiu papapa haali saba kuvita kazozo.

Obadia 1:10

“Kigira mwakolera avamwavo vinyu vudamanu, visukululwi via Yakobo, mulava mu zisoni, kandi muladivizwa mihiga ni mihiga.

Obadia 1:12

Ng'ano mwavura kohenzerera avamwavo vinyu lwa vaali mu kivi Ivuyuda. Ng'ano mwavura kusangalira lidiku lia vadivizwa: ng'ano mwavura koseka lwa vaali mu vusaliri.

Matayo 10:17

Mugerihi ku avandu, kigira valamuhira mu viina, na valamukuyila mu masinagogi gaavo.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 12:24

Navuzwa lwa Avafarisayo vagahulira, vavoola “Mundu uyu akunga amademoni kuzinguru zia Belizebuli, munene wa amademoni.”

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Matayo 18:21

Petero yaza ku Yeso, namuteeva, “Mwami, amwavo wange nanzonela ndamusamiiha haali kanga? Haali saba?”

Matayo 18:35

Yeso yamaliriza kovora, “Baba wange wu mwigulu alakola malala meere ku munyi niiva simulasamiiha avamwavo vinyu mugati mwi mioyo jinyu.”

Matayo 23:15

“O, vayaye, kilaamo keveeye ku munyi, avigizi vi Lilaga na Avafarisayo! Avagaadi munyi! Mwambukaa izinyanza kandi muvodong'anaa ilirova liosi muduuki konyoora umundu mulala ahambane ni lisuuvira lienyu. Navuzwa lwa mumunyoola, mumukolaa ave udukana kuzia mu gehena haali kaviri kuli munyi aveene muveeye.

Matayo 23:33

Zinzoka munyi! Avana vi vihirigoma munyi! Mu lihononoka ndi ku likalagirwa liu muliru gwe gehena?

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 26:59

Avasaalisi vanene ni kiyaalo choosi venyeleriza amakuva go vovehi kugina Yeso, vaduuki ku mwita;

Matayo 3:17

Kandi henza, umwoyo gwatura mu ligulu ni govoora, “Uyu nu Umwana wange muyanze wandayanza.”

Matayo 5:34

Navuzwa kalunu inzi muvooleraa ndi mutisuuha lwa mulomba lilagana mba. Mutisuuha ku ligulu, kigira liveeye endeve yu vwami vwa Nyasaye;

Matayo 5:44

Navuzwa inzi muvooleraa, muyanze avasigu vinyu, kandi musaliri avamudambizaa,

Marko 14:55

Vasaalisi vanene harara ni kiyaalo choosi venyeleriza amakuva gukuyalira ku Yeso vaduuki kumwita, navuzwa si vaganyoola mba.

Marko 15:1

Lwa vwaduuka mugambazuri, avasaalisi vanene harara navakulundu na avigizi vi Lilaga harara ni kiyaalo choosi, vateevana icha vanyara kokora. Kunangwa vavoha Yeso ni vaatura naye, kandi nivamuhila ku Pilato.

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

Luka 22:66

Lwa vwacha, avakulundu, avasaalisi vanene kandi avigizi vi Lilaga vavugana harara Yeso yaleetwa imbiri wi kiyaalo chavo kuyaalwa.

Yohana 11:47

Kunangwa avasaalisi vanene na Avafarisayo valanga livugana lie kiyaalo, nivavoora, “Kokora ndi? Mundu uyu akolaa vilolekizu vinyingi.

Yohana 15:25

Navuzwa yaga gaveeye kuduukiza likuva liang'odwa mu Lilaga liavo: ‘Vandunyiraa vuzwa vugira kivuni.’

Yohana 7:20

Avandu yavo vaamutivulira, “ Oveeye nilidemoni! Nivwaha wenyaa kukwita?”

Yohana 8:48

Avayuda vateva Yeso, “Si koveeye vulungi lwa kovora ndi ivi oveeye Musamaria, kandi oveeye nilidemoni?”

Vikolwa 17:18

Avalala ku vigizi vageri va Epikura na vigizi va Sitoiki, vahangalizana naye. Avalala vavoola, “Mudemanyi uyu yenya kovora ki?” Kigira Paolo yaali niyilwaza amakuva ga Yeso na gi lisimuguka, avandi vavoola, “Aveeye kuli wilwazaa makuva ga avanyasaye avageni.”

Vikolwa 22:30

Ku lidiku lialonda ku, munene wa avasikari va Varumi yenya kumanya kivuni kigira Avayuda ni vayaala Paolo. Yamuvoholora minyororo, nalaga avasaalisi vanene vi kiyaalo choosi kuvugana harara. Maku yavugula Paolo, naamusingiriza imbiri wavo.

Vikolwa 23:1

Paolo yumika avandu vi kiyaalo, ma navoora, “Avaamitu vange, inzi menyanga imbiri wa Nyasaye mu zing'anagani kandi numwoyo mulahi kuduuka lero.”

Vikolwa 24:20

Nigataveeye ndio, avandu yava vene vavoole uvudamanu vwa vanyoola ningoraa lwa ndaasingira imbiri wi kiyaalo kenene chavo.

Vikolwa 4:15

Kunangwa vavavolera vatuli mu kiyaalo, navo vatigara ni vavolerana aveene ku vene.

Vikolwa 5:21

Lwa avatumwa vahulira yaga, vingira mu Litembeli mugambazuri mu mavwevwe, ni vatanga kwigiza. Musaalisi Munene na avache veve valanga harara livugana lie kiyaalo kenene cha vakulundu vosi va Vayuda; maku vaatuma amalago muvuhambe ndi valetwe imbiri wavo.

Vikolwa 5:27

Valeta avatumwa yavo, ni vavasingiriza imbiri wi kiyaalo. Musaalisi Munene yavateveleriza,

Vikolwa 6:12

Munzira yiyi vagemehiza avandu, avakulundu na avigizi vi Lilaga. Maku vazia ku Sitefano, ni vamugumira, kandi ni vamuhira imbiri wi kiyaalo kenene.

Vikolwa 6:15

Avandu vosi avaari mu chikalo chi kiyaalo vuumika Sitefano, nivalora mumoni mwimwe muveeye kuli mumoni mwe engelosi.

Vikolwa 7:37

Musa oyo niyie wavolera avandu va Isiraeli, ‘Nyasaye alamutumira muporofeti kuli yanduma, kandi mulala ku avandu vinyu vene.’

Varumi 12:10

Muyaanzane aveene na veene kuli avamwavo mu Vukristayo; na mwegombe kuhaanirana uluyali munyi aveene naveene.

1 Vakorintho 6:10

anoho avanuuri, anoho avahuvali, anoho avahambiki, anoho yavehi, anoho aviivi; yava vosi sivalinyoola Uvwami vwa Nyasaye mba.

1 Vakorintho 6:6

Mu vogono yivwo, Mukristayo mulala ayaara Mukristayo wache mu kiyaalo nokoleka avatasuuvira vakalage makuva gi kiyaalo.

Kwidzulitsa 15:11

Valava ho kazozo vandu va Isiraeli vadaka kandi avaveeye nilienya, kulwayago mulagaa muve avahaani ligali kuvo.

Kwidzulitsa 16:18

“Mutovole avakalagi na vatumikiri vandi mu vuli lidaala lia Yahova Nyasaye winyu amuha. Avasaza yava kuduuka vakalagili avandu vugira liyaanzilira.

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

Tito 3:2

Uvavoolere vatavoola makuva madamanu ku mundu kali mulala mba, vatava avalembani mba, navuzwa vamenye ni mirembe mu uvulina, kandi valolekizi ovohooma ku avandu vosi.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

Yakobo 2:20

Umusiru ivi! Wenyaa umanywe ndi lisuuvira vugira ivikolwa liakuza?

Yakobo 3:6

Kandi ululimi loveeye kuli umuliru. Loveeye kivala chu vudamanu niloveeye kilala ku vivero vietu viu muviri. Lokolaa liiva liu mundu kuva lidamanu. Luviikaa livamwoyo lilie liosi mu umuliru gutulaa mu gehena.

1 Petro 2:23

Lwa vamunyega, siyavanyega mba; ing'inga ya yaasalirizwa, siyavatiihiza mba, navuzwa yavika lisuuvira lilie ku Nyasaye, oveeye mukalagi wu vulungi.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

1 Yohana 2:9

Oyo ovola aveeye mu vulavu, kandi adunyiraa amwavo weve, akikiri mu kisundi kali kalunu.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 5:16

Niiva mundu alolaa amwavo weve naakoraa uvwoni vutaveeye vumudukiza ku likuza, gamudukira amusaaliri ku Nyasaye, na Nyasaye alamuha livamwoyo litahera mba. Likuva yili mbolera yavo avakolaa uvwoni uvutavimiliraa kuduuka ku likuza. Navuzwa voveeye ho nu uvwoni vuhilaa vandu mu likuza. Simbolaa musaale Nyasaye ku vwene yivwo mba.

Yudasi 1:9

Kali Mikaeli, engelosi munene, siyakola ku yaga mba. Mu lihing'ana lilie na Setani, lwa vaahangalizanira ku muviri gwa Musa ndi nivwaha uguvugulaa, siyaaluvilira kukalagira Setani na amakuva ga amanyego mba; navuzwa yavoola, “Mwami mwene avagondokele!”

Likunula 20:14

Maku likuza ni kivala cha vakuzu viasiuvwa mu inyanza yu muliru. Inyanza yu muliru yiyi nilio likuza lia kaviri.