Matayo 5:19 - KITABU KITAKATIFU

¹⁹ Kunangwa, ku vosi ulivunaga lilago likekeeke ku goosi, nu kwigiza avandi vakole ndio, umwene oyo alakalangwe mukekeeke ligali mu Vwami vwu mwigulu. Navuzwa ku vosi uligakola nu kwigiza avandi, mwene oyo alakalangwe munene mu Vwami vwu mwigulu.

Matayo 5:19 Iomraidhean Croise

Zaburi 119:128

kunangwa inzi nonda amigizu googo goosi, kandi ndunyiraa uvudamanu vwizing'ano ziosi.

Zaburi 119:6

Niiva ngumira malago googo goosi, sindaviikwa mu zisoni mba.

Danyeli 12:3

Avageri valakang'ereng'ane kuli vulavu vwu muvwerefu. Yavo avaliva nivigiza avandu vanyingi kokora agaveeye malungi, valakang'ereng'ane kuli zing'ereng'ani mihiga ni mihiga.”

Matayo 11:11

Agiligali muvooleraa, ku avana va vakali viivula, akikiri kuvaho oveeye umunene kuvita Yohana Mubatizi. Kali ndio, oyo oveeye umukekeke ligali mu vwami vwu mwigulu aveeye umunene kuvita Yohana.

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Matayo 20:26

Navuzwa munyi mutava kuli ndio mba. Niiva mulala ku munyi yenya kuva munene hagati hinyu, kuduuka ave umutumikiri winyu vosi,

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Luka 1:15

Alakave munene imbiri wu Mwami. Si alinwa iwaini anoho amalwa mba, naye aliizula Roho Mutakatifu kutura munda mwa mama weve.

Luka 11:42

“Navuzwa O, vayaye, kilaamo kenene keveeye ku munyi Avafarisayo, kigira muhaanaa ku Nyasaye Kidieli chi likomi kali vindu vilombaa viukulia kuva nu mwayu kuli izubira ni bilabili, umutere ni zinguza zindi ziosi ziu mu mulimi, navuzwa mwivilira kokora amakuva guvulungi naguvuyaanzi vwa Nyasaye. Vindu yivi gaduukanaa mukore vugira kwivilira kokora agandi.

Luka 9:48

Yavavolera; “Ku vosi ulingiriza mwana mukekeeke uyu kigira lieta liange, yingirizaa inzi. Ku vosi ulingiriza inzi kandi, yingirizaa uyu uwanduma. Oveeye mukekeeke ku munyi vosi, uyu niyie oveeye munene.”

Vikolwa 1:1

Ku amiitu Muyanze Zeofilo: Mu kitabu change chu kutanga, ndang'oda makuva gi vindu viosi via Yeso yakola nu kwigiza kutura naata nga miyinzi jije

Varumi 3:8

Kunangwa kigira ki kutavoola, “Leki kokole uvudamanu kuduuki konyoora uvulahi!” Avandu valala vamali konyega nu kunzala nokovoora makuva malala meele valakalagilwa kuli gaduukanaa.

Varumi 6:1

Kunangwa, kovoole ki? Kuzizagiliri komenya muvwoni kunangwa zimbavasi zia Nyasaye ziduuki komedeka?

Varumi 6:15

Kunangwa kovoole ki? Kokole uvwoni kigira si koveeye mu Lilaga, navuzwa mu zimbavasi zia Nyasaye? Sigaveeye ndio mba!

Kwidzulitsa 12:32

“Mukore goosi aga mali kumulaga; mutameeda kindu choosi kugo anoho kutuliza ku kindu choosi mba.

Kwidzulitsa 27:26

“ ‘Alaamwe oyo uvula kuhulira amalago na amigizu goosi ga Nyasaye.’ “Avandu vosi valavoora, ‘Amini!’

Tito 3:8

Livoora yili liveeye lie ligali. Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.

1 Yohana 3:4

Umundu woosi okola uvwoni aveeye nilihiolo liu kuvunanyia amalago ga Nyasaye, kigira uvwoni voveeye livunanyia amalago.

Likunula 2:20

“Navuzwa mbeeye ni likuva lidamanu liokovoola ku ivi. Wikuzira ku Jezebeli, uwilangaa umwene mutumwa wa Nyasaye. Mu amigizu geege agotizaa avatumikiri vange kokora ovoheyi, kandi kulia iviukulia vihaaniywi ku vifananyi.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.