Matayo 5:18 - KITABU KITAKATIFU

¹⁸ Agiligali muvooleraa, kuduuka lwi ligulu ni lirova vilihera, induguta anoho kedonye kilala kekekeeke ligali chi induguta yi Lilaga, sivinyala ligali kogota, kuduuka lwa viosi vilitwekizwa.

Matayo 5:18 Iomraidhean Croise

Zaburi 102:26

Yivi viosi viladiva, navuzwa ivi ulahindira mihiga ni mihiga. Yivi viosi vilakunguha kuli inguvu. Ulavisiuva kuli zinguvu kandi vilagota;

Zaburi 111:8

Malago geege gahindiraa ku zing'inga ziosi; na gaduukanaa galondwe mu vulungi nagiligali.

Zaburi 119:152

Kutura kale, inzi ndiiga kandi nimanyiriza amigizu googo, ivi wagaloomba gahindiri mihiga ni mihiga.

Isaya 40:8

Yaga gaveeye agiligali, kigira uvunyasi vuniara, namaua guuma, navuzwa Likuva lia Nyasaye lilamenya mihiga ni mihiga.”

Isaya 44:26

Navuzwa lwu mutumikiri wange aporofetaa, kandi lwa nduma mutumwa wange kuvuula lilohiza liange, ngolaa ovolohizi yivwo novoporofeti yivwo kuva vwa giligali. Mbolera Jerusalemi ndi avandu valamenya yo kandi; kandi mbolera madaala manene gi Ivuyuda ndi galumbakwa vuhia kandi. Madaala manene yago gasingirizwa kutura mu mang'anye.

Isaya 51:6

Mugiingi zimoni zienyu muhenze mu ligulu; muhenze hasi ku lirova! Ligulu lilavuya kuli mwoki lirova lilakunguha kuli inguvu ingulu. Avandu vaveeye mu kivala vosi valakuza kuli ziinji. Navuzwa vohonyi vwa ndileeta, vulahindira mihiga ni mihiga; liguuta liange lilava liu kumalirika.

Matayo 10:15

Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.

Matayo 10:23

“Navuzwa avandu ni vamudambiza mu lidaala lilala, mwirukiri mu lidaala lindi. Agiligali muvooleraa, si mulimala ligenda lienyu mu madaala goosi aga Isiraeli, Umwana wa Adamu nakikiri kuuza mba.

Matayo 10:42

Ligali muvooleraa, ku vosi ulinwehiza mulala ku avakeekeke yava kisanda cha mazi makindu kigira aveeye umulondi wange, alakanyoole amadanyi geege.”

Matayo 11:11

Agiligali muvooleraa, ku avana va vakali viivula, akikiri kuvaho oveeye umunene kuvita Yohana Mubatizi. Kali ndio, oyo oveeye umukekeke ligali mu vwami vwu mwigulu aveeye umunene kuvita Yohana.

Matayo 13:17

Kigira ligali muvooleraa, avaporofeti na avandu vanyingi valungi venya kolola ivindu via munyi muloraa, navuzwa si vavilola mba, kandi kuhulira aga munyi muhulira, navuzwa sivahulira mba.

Matayo 16:28

Muvooleraa agiligali, vaveeye ho valala ku avasingiyi hano avalivula kolola ilikuza kuduuka lwu Umwana wa Adamu alakaze kuli Mwami Munene.”

Matayo 17:20

Yeso yavativulira, “Yago gaali ndio kigira ilisuuvira lienyu liveeye ilikekeeke. Muvooleraa agiligali, ni muva vuzwa ni lisuuvira, kali live likekeeke vuzwa kuli luguza lwi lisaazi, munyala kovoolera kiguru yiki, ‘Tula yaaha, wisundi hala!’ Nacho kilisunda. Si keveeye ho ni kindu choosi ikitanyala kunyalika ku munyi mba. [

Matayo 18:18

“Muvooleraa agiligali, kindu ku viosi, icha muvoha mu lirova kilavofa kandi mwigulu; kandi kindu ku viosi cha muvholoraa mu lirova, kilavoholorwa mwigulu kandi.

Matayo 18:3

navoora, “Muvooleraa agiligali ndi, ni mutagirung'ana mugwi kuli avana vakekeeke, munyi simulingira ligali mu vwami vwu mwigulu mba.

Matayo 19:23

Yeso yavolera aviigi veve, “Ligali muvooleraa, vulakave vudinyu ligali ku vatugi kwingira mu Vwami vwu mwigulu.

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Matayo 21:21

Yeso yavativulira, “Ligali muvooleraa, munyi ni muva ni lisuuvira vugira kuhayahayiza, si munyala kokora yaga geng'ine agakoleywi ku mukuyu, navuzwa kali munyala kovoolera kiguru yiki, ‘Yigingi wisigisi mu inyanza,’ na galakolwa ndio.

Matayo 21:31

Ku ni mwana ki ku vaviri yava wakola lienya lia baba weve?” Vaamutivulira, “Umwana wimbiri.” Kunangwa Yeso yavavolera, “Agiligali muvooleraa, avasololi vuvusuuru na avaheyi valingira mu Vwami vwa Nyasaye imbiri winyu.

Matayo 23:36

Muvooleraa agiligali, likula yili lilanyoola amaduywa yaga goosi kigira iliitwa lia vandu yava.

Matayo 24:2

Navuzwa yavativulira, “Muloraa ivindu yivi viosi? Agiligali muvooleraa, si lilakatigale hano ligina kali lilala ni lisiingiyi mu vogono vwalio mba; goosi galakavunguluki.”

Matayo 24:47

Agiligali muvooleraa, alaviika mutumikiri oyo asingiliri ivindu vivie viosi.

Matayo 25:12

Navuzwa yavativulira, ‘Agiligali muvooleraa, Inzi si mumanyi mba!’ ”

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Matayo 25:45

Umwami alakavavoolerc, ‘Muvooleraa, choosi cha mwavura kokolera mulala ku vakekeeke yava, mwavura kokolera inzi.’

Matayo 5:26

Ligali ngovolera, si ulatula yimwo mba, kuduuka lwa utuunga esendi yu kumaliriza.

Matayo 6:16

“Lwa muhongaa lilia, mutaverera kuli avagaadi mba. Yavo vaakuunyaa mu zimoni ziavo, valoreke ku avandu ndi vaahongi lilia. Agiligali muvooleraa, aveene yavo vamali konyoora madanyi gaavo.

Matayo 6:2

“Lwa okonyaa mudaka mutevoola kuli avagaadi vakora mu masinagogi nu muzinzira kunangwa avandu vaduuki kuvizominya mba. Muvooleraa ligali, vamali konyoora amadanyi gaavo.

Matayo 8:10

Lwa Yeso yahulira yaga, yaagenya ligali navolera avandu vaali ni vamulonda, “Agiligali muvooleraa, ngikiri konyoolaku umundu woosi mu Isiraeli oveeye ni lisuuvira kuli yili.

Marko 10:15

Muvooleraa agiligali, umundu woosi utavugilira Uvwami vwa Nyasaye kuli umwana mukekeeke, sialingira muvwo mba.”

Marko 10:29

Yeso yavoola, “Yee kandi muvooleraa agiligali ndi, ku vosi mundu oleka hango anoho avamwavo kinga vavoozo, anoho mama weve, anoho baba weve, anoho avana veve, anoho umulimi kigira inzi, kandi kigira Ivangeri,

Marko 11:23

Muvooleraa agiligali niiva mundu woosi alavolera ikigulu yiki chigingi ichene kigwi munyanza vugira kuhayahayiza mu mwoyo gwigwe, navuzwa asuuviri ndi agaavoola galakolwa, alakolerwa agene yago.

Marko 12:43

Yeso yalanga aviigi veve navavoolera, “Muvooleraa agiligali mukunzakali mudaka uyu uhaani isadaka iviti ya vandi vosi avaari kutunga mu livikiru lie Litembeli.

Marko 13:30

Mwizurizi ndi ivindu yivi viosi vilakakolekane avandu avaveeye mwoyo nivakili kukuza.

Marko 14:18

Nivaveeye komesa ni valiza, Yeso yavavolera, “Ligali muvooleraa mulala ku munyi alaanzaama, uyu uliizaa harara ninzi.”

Marko 14:25

Ligali muvooleraa, sindanwa kandi iwaini yi mizabibu kuduuka lidiku yilio lwa ndakanwi iwaini imbia mu Vwami vwa Nyasaye.”

Marko 14:30

Yeso yamuvolera, “Ligali ngovolera, uvudiku vwa lero, idaywa ni kikiri kulagula haali kaviri, ivi ulanyambakana haali kavaga.”

Marko 14:9

Muvooleraa, hoosi mu lirova ahi Ivangeri ya Nyasaye ilakilwazwe, kekolwa chu mukali uyu akoli yiki kilakavolwe ku mwizulizaa.”

Marko 3:28

“Ligali, ligali inzi muvooleraa, avandu vanyara kusamiifwa uvwoni vwavo vwosi harara na mahiolo gaavo goosi.

Marko 6:11

Navuzwa hoosi ha vandu valivula kumwingiriza anoho ku muhulira, muturi ho namweye uluguchi lwu mu zinduvatiru zienyu, yaga gave ekelolero kuvo.”

Marko 8:12

Yeso yatura umwika ligali kutura mugati mwimwe navoora, “Kigira ki likula yili lienyaa ekelolekizu? Muvooleraa agiligali, likula yili sililahevwa ekelolekizu choosi mba.”

Marko 9:1

Yeso yavavolera kandi, “Ligali ligali inzi muvooleraa, valala ku munyi avasingiyi hano sivalizazama ilikuza kuduuka lwa valilola Uvwami vwa Nyasaye ni vuzaa mu zinguru.”

Marko 9:41

Ligali muvooleraa, ku vosi umuha ekekombe cha mazi munwi kigira muveeye harara ninzi, alanyoola amadanyi.”

Luka 11:51

kutura ku liitwa lia Habili kuduuka ku likuza lia Zakaria wa viitira hagati huvwaali na havundu ahatakatifu. Yee ligali muvooleraa, likula yili lilakanyoole mageri ku vikolwa yivi.

Luka 12:37

Vaveeye nuvugasu avatumikiri yavo avu Mwami alinyoora nivahenza kandi nivetegeki lwa aliiza. Agiligali muvooleraa, Mwami oyo aliviika vulahi, na alavikaliza ku viukulia komesa nukuvatumikira.

Luka 13:35

Kunangwa, litembeli lienyu lilakave mang'anye! Agiligali muvooleraa, simulandola kandi kuduuka ing'inga yamulivoola, ‘Agasizwi oyo uzaa kulieta liu Mwami.’ ”

Luka 16:17

Navuzwa nivodoto ligali ligulu nilirova kuvita, kuvita induguta kali ndala yi Lilaga kusiminywa.

Luka 18:17

Muvooleraa agiligali, mundu ku vosi utavugilira uvwami vwa Nyasaye kuli avana vakekeeke, sialingira mu Vwami yivwo kali hakuzu mba.”

Luka 18:29

Yeso yavavolera, “Agiligali muvooleraa, sihali nu mundu uwaleka inyumba yeeye, anoho mukali, anoho amwavo weve anoho aviivuli veve, anoho avana kigira Vwami vwa Nyasaye,

Luka 23:43

Yeso yamuvolera, “Ligali ligali ngovolera, kalunu ulava ninzi mu Paradiso.”

Luka 4:24

Yaazizagilira kovora, “Agiligali muvooleraa, muporofeti siavugilirwaa mu lidaala lilie mba.

Yohana 1:51

Yeso yaazizagilira kovora, “Agiligali muvooleraa, Mulalora ligulu niliguliywi nizingelosi va Nyasaye nivanina nu kwika kutura ku Mwana wa Adamu.”

Yohana 10:1

Yeso yavoola, “Muvooleraa agiligali, mundu ku vosi uvula kwingilira mu kirivwa che ekego cha magondi, navuzwa afudula ma yingilira halovega, uyu aveeye mwivi kandi mwiguliri.

Yohana 10:7

Kunangwa, Yeso yavavolera kandi, “Muvooleraa, agiligali, inzi ni kirivwa cha magondi.

Yohana 12:24

Muvooleraa agiligali, enzori yi ingano itigalaa yenyine vuzwa nitagiywi mu marova ma ikuze, itigalaa yeng'ine. Navuzwa niiva ilakuza, yaama ingano inyingi.

Yohana 13:16

Muvooleraa agiligali, mutugwa siaveeye munene ligali kuvita mwami uwamutuga mba. Anoho mutumwa siaveeye munene kuvita uwamutuma.

Yohana 13:38

Yeso yamutivulira, “Hene ligali ulahaana livamwoyo liilio kigira inzi? Ngovolera agiligali, idaywa nikikiri kulagula, ulanyambakana haali kavaga.”

Yohana 14:12

Muvooleraa agiligali, uyu usuviraa mu inzi alakola miyinzi ja inzi ngolaa. Yee, alakola kali minene ligali kuvita kigira inzi nziza wa Baba.

Yohana 16:20

Agiligali muvooleraa, munyi mulalira nu kusioma, navuzwa avumukivala valasangala; mulaverera, navuzwa ovovereri vwinyu vulagirung'ana kuva uvusangari.

Yohana 16:23

“Mu lidiku liene yilio si muliteeva kindu choosi kutura ku inzi kali hakuzu mba. Agiligali muvooleraa, nimuteeva kindu choosi ku Baba ku lieta liange, alamuha.

Yohana 21:18

Ngovolera agiligali, nukikiri musoleri, waali nuwanala kwevoha musibi nukuzia hoosi aha wenyaa. Navuzwa lwa uliva musakulu ulakanyili makono googo, nu mundu wundi alakakovohe musibi nukukuhila aha utayaanzaa.”

Yohana 3:11

Ngovolera ligali, kunyi komolomaa ku aga kumanyi kandi kololekizaa aga kwalola, navuzwa munyi simuyaanzaa kuvugilira amakuva gililolekiza lietu mba.

Yohana 3:3

Yeso yamutivulira, “Ngovolera agiligali, mundu navula kwivulwa vuhia, sianyala kolola Uvwami vwa Nyasaye mba.”

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Yohana 5:19

Kunangwa Yeso yavavolera, “Muvooleraa agiligali: Mwana sianyala kokora kindu ku vwivwe mwene; navuzwa anyala kokora vuzwa kindu chalolaa Baba weve nakora. Kigira ku viosi via Baba akolaa, Mwana avikolaa kandi.

Yohana 6:26

Yeso yavativulira, “Muvooleraa agiligali, simunyenyaa kigira muloli vilolekizu, navuzwa kigira muliiyi migadi nimwiguta.

Yohana 6:32

Yeso yavavolera, “Muvooleraa Agiligali, si yaali Musa uwamuha mugadi kutura mwigulu mba navuzwa; ni Baba wange niyie umuheezaa mugadi gwa agiligali kutura mwigulu.

Yohana 6:47

Muvooleraa agiligali, uyu usuviraa, aveeye ni livamwoyo litahera mba.

Yohana 6:53

Yeso yavavolera, “Muvooleraa agiligali, nimutalia muviri gwu Mwana wa Adamu kandi munwi amasahi geege, si muveeye ni livamwoyo mba.

Yohana 8:34

Yeso yavativulira, “Agiligali muvooleraa, mundu ku vosi okola uvwoni aveeye mutugwa wu vwoni.

Yohana 8:51

Agiligali muvooleraa, ugumira amigizu gange sialakuza mba.”

Yohana 8:58

Yeso yavavolera, “Agiligali muvooleraa, imbiri wa Aburahamu akikiri kwivulwa, inzi ndaali ho.”

1 Petro 1:25

navuzwa likuva lia Nyasaye lihindiraa mihiga ni mihiga.” Likuva yili liveeye Makuva Malahi ya mwilwazirwa.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.