Matayo 4:3 - KITABU KITAKATIFU

³ Maku, Setani yaza kuye, namuvolera, “Ivi nuuva noveeye Umwana wa Nyasaye, laga amagina yaga gagwi uvuchima.”

Matayo 4:3 Iomraidhean Croise

Kutwula 16:3

ni vavavolera, “Vwali vove vulahi Yahova alakwitira mu Egebeti. Uwene yeyo kwaali kwakikaaye hasi nukulia zinyama ni viukulia vindi vinyingi. Navuzwa munyi mukoleti mu changalangwi yiki kwosi kukuziri mu ninzara?”

Matayo 14:33

Vosi avaari mu liato vaasigamira Yeso, ni vavoola, “Ligali ivi oveeye Umwana wa Nyasaye.”

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Matayo 26:63

Navuzwa Yeso yakiring'ana. Musaalisi Munene yamuvolera, “Ngwisuuhiza mu lieta lia Nyasaye oveeye mwoyo, okovolere niiva ivi niyie Mesia, Umwana wa Nyasaye.”

Matayo 3:17

Kandi henza, umwoyo gwatura mu ligulu ni govoora, “Uyu nu Umwana wange muyanze wandayanza.”

Marko 1:1

Yaga na makuva malahi ga Yeso Kristo, Mwana wa Nyasaye.

Marko 3:11

Lwa avandu avaari na mademoni vamulola, vaagwa hasi mam'mama imbiri weve ni vakuba lukwiri, “Ivi oveeye Mwana wa Nyasaye!”

Marko 5:7

nahanzuka nu mwoyo munene navoora, “Onyenyaa ki ivi Yeso Mwana wa Nyasaye, oveeye igulu Ligali? Ngogonya, imbiri wa Nyasaye, utandambiza mba!”

Luka 1:35

Engelosi yamutivulira, “Roho Mutakatifu alaza ku ivi, kandi zinguru zia Nyasaye oveeye igulu Ligali zilakukinga kuli kiriri. Kulwayago mwana wa ulivuula alakalangwe Mutakatifu, Mwana wa Nyasaye.

Luka 22:70

Ahene yaho, vosi vateva, “Ivi oveeye Mwana wa Nyasaye?” Yeso yavativulira, “Munyi muvooraa, inzi Mbeeye.”

Luka 4:3

Setani yamuvolera, “Niiva oveeye Mwana wa Nyasaye laga ligina yili ligwi mugadi.”

Luka 4:41

Mademoni gaturaa kuvandu vanyingi nigahanzuka, nigavoora, “lvi oveeye Mwana wa Nyasaye!” Navuzwa Yeso yagagondokera, siyagavugilira gamolome mba, kigira gaamanya aveeye Kristo.

Luka 4:9

Setani yamuhira Jerusalemi ku kesegese chi Litembeli namuvolera, “Niiva oveeye Mwana wa Nyasaye, tuma hasi.

Yohana 1:34

Mali kolola kandi muvooleraa ndi aveeye Mwana wa Nyasaye.”

Yohana 1:49

Nazanieli yamutivulira, “Mwigizi, ivi niyie Mwana wa Nyasaye! Ivi oveeye Mwami wa Isiraeli!”

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Yohana 9:35

Lwa Yeso yahulira ndi vamukungi, yavugana naye, namuteeva, “Ivi usuviraa mu Mwana wa Adamu?”

Vikolwa 9:20

Yaatanga kwilwaza mu masinagogi ndi Yeso aveeye Mwana wa Nyasaye.

2 Vakorintho 1:19

Yeso Kristo, Mwana wa Nyasaye, wilwaazwa na Sila, Timateo, harara ninzi, hagati hinyu siaveeye wa “Yee” anoho wa “Awa” mba; navuzwa gaali kazozo “Yee”;

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

1 Vatesalonike 3:5

Ku kivuni yiki, lwa ndaali si nyara, ndatuma Timateo, kunangwa nduuki kumanya kuli lisuuvira lienyu liveeye. Ndaali nuvuti, namusia mugerizi wamugeriza munzira yoosi, na miyinzi jietu ja kwa kola hagati hinyu jive ja vuzwa.

Vahebraina 12:16

Muhenze vulahi, gase alava ho nu mulala ku munyi oveeye ni kifavwi chovoheyi anoho uvula kutia Nyasaye kuli Esau, wagamana uvulungi vwivwe kuli muyaayi munene ku chukulia.

Vahebraina 4:14

Maku gendi kugumiri vudinyu ligali lieyama lisuuvira lietu lia kovora koveeye nu Musaalisi Munene ligali umali kuzia kuduuka mwigulu imbiri wa Nyasaye naye ni, Yeso Mwana wa Nyasaye.

Vahebraina 7:3

Siaveeyeho na vang'oda baba anoho na mama weve mba anoho mulala ku vaguuga veve mba; livulwa lilie anoho likuza lilie silimanyikani mba. Aveeye kuli Mwana wa Nyasaye; alava musaalisi mihiga ni mihiga.

1 Yohana 3:8

Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.