Matayo 4:23 - KITABU KITAKATIFU

²³ Yeso yavodong'ana hoosi mu Galilaya, ni yigizaa mu masinagogi gaavo, kandi yilwaza Ivangeri yu Vwami vwa Nyasaye. Yahonyia zing'ano ziosi zie zinguzu no vulwaye kandi ovodekeranu vwosi vwa avandu.

Matayo 4:23 Iomraidhean Croise

Zaburi 103:3

Yahova asamiiha uvwoni vwange vwosi, kandi ahonyia uvulwaye vwange vwosi.

Zaburi 74:8

Vavoola mu mioyo jaavo, “Kulavaduvulanyia ligali!” Vasamba vuli havundu hatakatifu ha ivi Nyasaye usigamirwa mu kivala choosi.

Matayo 11:5

Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye.

Matayo 12:9

Yeso yatura ahene yaho, nazia niyingira mu lisinagogi liavo.

Matayo 13:19

Ku vosi uhuliraa likuva liu vwami, na avula kulimanya, aveeye kuli uvuguza vwamizwa nivugwa kunzira. Mudamanu yazaa mamunyaga iliamiizwa mu mwoyo gwigwe.

Matayo 13:54

yirana mu lidaala lia yengo wavo. Yigiza avandu mu lisinagogi liavo kuduuka nivagenya nivavoora, “Mundu uyu yaatuliza hayi ovogeri yivu kandi vilolekizu vie zinguru yivi?

Matayo 14:14

Yeso yatura mu liato, kandi lwa yalora ikiduma kenene cha vandu, umwoyo gwigwe gwizura ovovereri, kandi yahonyia vosi avaari avalwaye.

Matayo 24:14

Ekeheri ni kikiri kuduuka, Ivangeri yu Vwami vwa Nyasaye iliilwazwa mu lirova liosi eve ekelolero ku zihiiri ziosi, maku keheri kilakaduuki.

Matayo 3:2

“Mwiganiri, kigira Uvwami vwu mwigulu voveeye ahimbi.”

Matayo 9:35

Yeso yavodong'ana mu madaala goosi kandi mu tudaala; hiyigiza mu masinagogi gaavo niyilwaza Ivangeri yu Vwami vwa Nyasaye, nahonyia zinguzu ziosi kandi uvulwaye vwi zing'ano ziosi.

Marko 1:14

Kunangwa, lwa Yohana yaali namali kovofwa mu vuhambe, Yeso yazia Galilaya ni yilwaza Ivangeri ya Nyasaye.

Marko 1:21

Yeso harara na aviigi veve vazia Kaperinaumi na lwi Lisabato liaduuka, Yeso yingira mulisinagogi ni yigiza.

Marko 1:39

Kunangwa Yeso yagenda mu Galilaya mwosi, ni yilwaza mu masinagogi gaavo, kandi nakunga amademoni.

Marko 3:10

Yaali niyakohonyia avandu avanyingi. Avalwaye vosi vamiinana nivenya kuzia vaduuki ahimbi kuye vamudiiri.

Marko 6:2

Ku lidiku lie Lisabato, yaatanga kwigiza mu lisinagogi. Avandu avanyingi avamuhulira vagenya ni vavoola, “Mundu uyu yaatuliza hayi amakuva yaga goosi? Ni vogeri ki vwa yahevwa yivu? Akokoraa ivilolekizu kuturana kuliha?

Marko 6:6

Yaagenya ligali kigira sivali ni lisuuvira linene mba. Yeso yavodong'ana mu madaala agaali ahimbi, ni yigiza avandu.

Luka 10:9

Muhonyie avalwaye vaveeye mu lidaala yilio. Muvavoolere ‘Uvwami vwa Nyasaye vuuzi ahimbi ku munyi.’

Luka 13:10

Yeso yaali niyigiza mu lisinagogi lilala lidiku lie Lisabato.

Luka 16:16

“Lilaga lia Musa na mang'oda ga avaporofeti vialiho kuduuka ing'inga ya Yohana Mubatizi. Kutura ing'inga yeyo, Makuva Malahi gu Vwami vwa Nyasaye yilwazwa, kandi vuli mundu avuvugulaa kuzingulu.

Luka 20:1

Lidiku lilala, lwa Yeso yaali ni yigizaa avandu mu Litembeli kandi niyilwaza Ivangeri, avasaalisi vanene, na avigizi vi Lilaga harara na vakulundu vaza kuye.

Luka 4:14

Yeso yirana Galilaya niyizuuyi zinguru zia Roho Mutakatifu, kandi amakuva geege galaanda muzimbega ziosi zia vodong'ana kivala yicho.

Luka 5:17

Lwa Yeso yaali niyigizaa, Avafarisayo na avigizi vi Lilaga kutura mutudaala twosi twa Galilaya, Ivuyuda na Jerusalemi, vaali nivikaye ho. Zinguru ziu Mwami ziali harara na Yeso kohonyia valwaye.

Luka 6:17

Lwa Yeso yaali niyakamara ku sulunguta kutura ku kiguru, harara na aviigi, yasingira mu kereremo harara ni kiduma kenene cha aviigi veve. Kiduma kenene cha avandu chaali ho kutura muzimbega, ziosi zie Ivuyuda na Jerusalemi kandi kutura mu madaala manene gukunyanza aga Tiro na Sidoni.

Luka 6:6

Lidiku liridi lie Lisabato, Yeso yingira mu lisinagogi niyigiza. Yaali ho mundu wumukono gwigwe mulungi gwaali nigwang'era.

Luka 7:21

Ing'inga yene yeyo, Yeso yahonyia avandu vanyingi avaari nu vulwaye, ni zinguzu na roho midamanu nahaana lilola ku avandu vanyingi avaari nivaavakula.

Luka 7:22

Maku yativura navolera avatumwa yavo, “Muzie kovoolera Yohana aga mumali kolola kandi aga mumali kuhulira: avavoku valora, avalema vagenda, avaveeye no vogere vatakasangwa, avahana amatu vahulira, avakuzu vasimugukizwa, na Makuva Malahi ga Nyasaye gilwazwa ku avadaka.

Luka 8:1

Inyima wa yaga, Yeso yagendagenda kuvitira mu madaala kandi mutudaala, niyilwaza Makuva Malahi kigira Vwami vwa Nyasaye. Aviigi veve likomi na vaviri vazia harara naye,

Luka 9:11

Navuzwa lwi viduma via avandu vamanya yaga, vamulondelera. Yeso yavingiriza navavoolera amakuva guvwami vwa Nyasaye, kandi yahonyia yavo avaari ni lienya vahonywe.

Luka 9:60

Yeso yamuvolera, “Oleke vakuzu vate avakuzu vaavo aveene. Navuzwa ivi uzie kwilwaza uvwami vwa Nyasaye.”

Yohana 18:20

Yeso yamutivulira, “Inzi ndaamoloma havulavu kazozo ku avandu vumukivala vosi. Vuli ing'inga ndigiza mu Masinagogi kandi mu Litembeli, havundu ha Avayuda vosi vavugana harara; na ngikiri kovora ku kindu choosi mu vwivisu mba.

Yohana 6:59

Yeso yavoola agene yago lwa yaali ni yigizaa mu lisinagogi lia Kaperinaumi.

Yohana 7:1

Inyima wa yaga, Yeso yaali nagendagendaa mu Galilaya. Si yenya kuzia mu kivala chi Vuyuda kigira avanene va Avayuda venya kumwita.

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

Vikolwa 18:4

Yamoloma nizinguru mu lisinagogi Masabato goosi, nageriza kokora Avayuda na Avaguriki vandu Vasuuvira.

Vikolwa 20:25

“Ndaavodong'anangi yiyi niyi mu munyi ninzilwaza Uvwami vwa Nyasaye. Navuzwa, kalunu siaveeyeho kali mulala ku munyi ulindola kandi.

Vikolwa 28:31

Yilwaza Uvwami vwa Nyasaye nu kwigiza amakuva gu Mwami Yeso Kristo nu vuluviliri, kandi vugira kwigalirwa.

Varumi 10:15

Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”