Matayo 4:10 - KITABU KITAKATIFU

¹⁰ Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

Matayo 4:10 Iomraidhean Croise

1 Kyetsinyinga 21:1

Setani yenya koleta kivi ku avandu va Isiraeli, kunangwa yazuva Daudi kuvaliza vandu.

Ayubu 1:12

Yahova yavolera Setani, “Vulahi ligali, viosi via aveeye navio viveeye mu zinguru zizio; utasaliriza Ayubu mwene kali hakuzu mba.” Kunangwa Setani yatura imbiri wa Yahova.

Ayubu 1:6

Lwa lidiku liaduuka lie zingelosi va Nyasaye vazia kwimanyia imbiri wa Yahova, Setani naye kandi yazia harara navo.

Ayubu 2:1

Lwi lidiku liaduuka, zingelosi va Nyasaye vazia kwagana harara imbiri wa Yahova kandi, Setani yaliho hagati haavo.

Zaburi 109:6

Otovole mukalagi mudamanu ayaalizi musigu wange, na oleke mulala ku vasigu veve mwene amuyaale.

Kutwula 23:25

Niiva mulasigamira inzi, Yahova Nyasaye winyu ndamugasiza ni viukulia kandi amazi, kandi ndatuliza uvulwaye vwinyu vwosi ku munyi.

Isaya 30:22

Maku mulavugula vifananyi vienyu iviavakwa ku ifeza, kandi vifananyi viavakwa izahabu, ma muvisiuve ihale ligali kuli kindu kifunyi na muvoore, “Tuli muzimoni ziange!”

Matayo 16:23

Navuzwa Yeso yikivuka navolera Petero, “Tula ku inzi Setani! Oveeye chu kwikigitariza ku inzi. Zing'anagani zizio si ziveeye zia Nyasaye, nitali ni zia avandu!”

Marko 1:13

naye yaali mwigendanyama ku lwa madiku arubaini, Setani namugerizaa. Yaali harara nizinyama ziu mu vulimu, navuzwa zingelosi vaza nivamutumikira.

Luka 10:18

Yeso yavativulira, “Ndaalora Setani niyaguluka kutura mwigulu kuli oloheni.

Luka 11:18

Setani niyilwaana umwene, uvwami vwivwe vulasingira ndi? Inzi muvooleraa yaga kigira munyi mumbolera ndi, inzi ndulizaa amademoni kuzinguru zia Belizebuli.

Luka 13:16

Sivoveeye vulahi mukali uyu, kisukururwi cha Aburahamu, wa Setani yaali niyavoha ku mihiga likomi na munane, avohololwe kutura mu livofa liu vulwaye vwivwe ku lidiku lie Lisabato?”

Luka 22:3

Maku, Setani yingira mu Yuda, uwalangwa Esikarioti, mulala ku aviigi likomi na vaviri.

Luka 22:31

“Simoni, Simoni! Hulira, Setani ateevi munwa ku Nyasaye agerizi munyi vosi kwavukanyia vandu valala kutura ku vandu vadamanu, mulimi asesaa ingano.

Luka 4:8

Yeso yamutivulira, “Gang'odwa mu Mang'oda Matakatifu, ‘Ulasigamira Mwami Nyasaye woovo kandi utumikiri oyo yeng'ine!’ ”

Yohana 13:27

Lwa Yuda yaali niyakamara kuvugura ketonge yicho, Setani yamugeriza. Yeso yamuvolera, “Ichawenyaa kokora, kola vwangu!”

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Vikolwa 5:3

Petero yamuteeva, “Anania, kigira ki oleki Setani akwamihi mu mwoyo gugwo uduuki kovoolera Roho Mutakatifu ovovehi, mu livaasa kedonye cha mabese gonyooye ku mulimi?

1 Vakorintho 5:5

gamudukira muhaane mundu uyu ku Setani. Na ndio iliiva lilie liu vwoni liduuki kwononywa, kandi umwoyo gwigwe guduuki kohonywa ku Lidiku lie likalagirwa liu Mwami wiitu Yeso.

1 Vakorintho 7:5

Mutasuulani aveene naveene ku likolerana agamuduukira mba, nigataveeye ku lihulirizana lia mulagani kutanga ku ing'inga ngekeeke, muduuki kuva nu vwiyangu vulahi vwu kusaala; ma inyima muve harara kandi, kunangwa Setani avuli kuva nu vwiyangu ku mugerizaa kigira livula kwilinda kwinyu.

2 Vakorintho 11:14

Sigaveeye gokogenyia kandi, kigira kali Setani yigirung'anyia umwene ave kuli engelosi yu vulavu!

2 Vakorintho 12:7

Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.

2 Vakorintho 2:11

kunangwa Setani avuli konyoora uvwiyangu vwu kuguuta kunyi, kigira kwamanya lienya lilie kuli liveeye.

Kwidzulitsa 10:20

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Yakobo 4:7

Kunangwa, mwegehizi ku Nyasaye; Muhingiri Setani, naye alamwiruka.

Joshua 24:14

Joshua yaazizagilira kovora “Kunangwa kalunu; mutie Yahova kandi mumutumikiri. Muve nagiligali kandi nu vusuuvirifu. Mutulizi avanyasaye va vaguuga vinyu vagira kusigamira mu Mesopotamia kandi mu Egebeti; kandi mutumikiri Yahova yeng'ine.

1 Petro 5:9

Musingiri nu vuluviliri mu lisuuvira lienyu kandi mumwigaliri kigira mumanya Avakristayo vandi mu kivala choosi vavitira mu vusaliri vulala vwere kuli munyi.

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”