Matayo 3:6 - KITABU KITAKATIFU

⁶ Viyama uvwoni vwavo, naye navabatiza mu mugera gwa Jorodani.

Matayo 3:6 Iomraidhean Croise

Ezara 10:1

Lwa Ezara yaali nasigami mu lisaala imbiri wi Litembeli lia Nyasaye, nalira kandi niyiyamaa uvwoni vwa avandu ku Nyasaye, muganda munene gwa vandu va Isiraeli vasaza, avakali kandi avana vaza nivamukumbiriza kandi nivalira vululu ligali.

Zaburi 32:5

Maku, ndiyama uvwoni vwange vwosi ku ivi, na sindavisa mahiolo aange mba. Ndavoora, “Ndiganira uvwoni vwange ku Yahova; na ivi wasamiiha uvwoni vwange vwosi.”

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Danyeli 9:4

Ndasaara ku Yahova Nyasaye wange kandi ndiyama uvwoni vwa vandu vange. Ndavoora “Yahova Nyasaye, ivi oveeye Munene, kandi kokohezaa luyali. Oveeye musuuvirifu ku lilangana liilio, oveeye nu vuyanzi vutaveeye nekeheri ku yavo avakuyanza, kandi okolaa agu mali kulaga.

Kyavalevi 16:21

Alaviika makono geege gombi ku mutwi gwi imburi eveeye mwoyo nokwiyamira kuyo vwoni vwosi, kandi uvwibaali vwosi vwa avandu va Isiraeli, na alavuvika ku mutwi gwi imburi yeyo. Maku imburi zana ilakungwa izie mwigendanyama nu mundu uva natovoleywe kokora muyinzi yigwo.

Kyavalevi 26:40

“Navuzwa aviisukulu vienyu viliganira uvwoni vwavo nu uvwoni vwa vaguuga vaavo vahing'ana inzi kandi nibaala ku Inzi.

Livalidza 5:7

gamudukira yiyame uvwoni vwivwe vwamali kokora kandi gamuduukira atungi mitungu josi; kandi alameedaku kidieli cha katano kuhaana ku oyo wamala kokolera uvudamanu.

Matayo 3:11

Inzi mubatizaa mu mazi kumanyia ndi mumali kwiganira. Navuzwa uyu uzaa inyima wange aveeye ni zinguru kuvita inzi. Inzi sindukana kali ku mugingira vilato vivie mba. Uyu alamubatiza mu Roho Mutakatifu kandi mu muliru.

Marko 1:5

Avandu vanyingi vaatura mu kivala choosi chi Vuyuda nu mu lidaala linene lia Jerusalemi nivazia kuhulira aga Yohana yavoola. Viyama uvwoni vwavo kuye, naye yaavabatiza mu Mugera gwa Jorodani.

Luka 1:16

Aliranyia avanyingi ku avandu va Isiraeli ku Mwami Nyasaye wavo.

Luka 3:16

Kunangwa Yohana yavavolera vosi, “Inzi mubatizaa na amazi, navuzwa mulala yazaa oveeye ni zinguru kuvita inzi, wandaduukanaa kali kovoholora migoye ji vilatu vivie. Mwene oyo alamubatiza na Roho Mutakatifu kandi nu muliru.

Vikolwa 1:5

Yohana yabatizaa na amazi, navuzwa mulabatizwa mu Roho Mutakatifu inyima wamadiku makekeeke.”

Vikolwa 11:16

Maku ndizuliza amakuva gu Mwami yavoola: ‘Yohana yabatizaa na amazi, navuzwa munyi mulabatizwa mu Roho Mutakatifu.’

Vikolwa 19:18

Vandu avasuuviraa avanyingi vaza niviyama havulavu vindu via vaali nivakora.

Vikolwa 22:16

Kalunu kigira ki ulindagira kandi? Singira ubatizwi, kandi wogizwi uvwoni vuvwo ku lieyama lieta lilie.’

1 Vakorintho 10:2

Vosi vabatizwa nivava valondi va Musa mu lilesi yilio, kandi munyanza yiyi.

Vakolosai 2:12

Munyi mwayavilwa harara na Kristo mu libatizwa, kandi mwasimugukizwa harara naye kuvitira mu lisuuvira lienyu, mu zinguru zia Nyasaye, wa simugukiza Kristo kutura muvakuzu.

Vahebraina 6:2

kandi gwa migizu gi libatiza na gi livikwa ku makono mba; nagilisimuguka lia vakuzu kandi likalagirwa lie mihiga ni mihiga.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.

Yakobo 5:16

Kunangwa, mwiyamirane uvwoni vwinyu aveene naveene kandi musaalirane aveene naveene, ku muduuki kohonywa. Lisaala liu umundu umulungi likonya ligali mu likora lie zinguru lialio.

Joshua 7:19

Joshua yamuvolera, “Mwana wange, mbolera agiligali, hano imbiri wa Yahova, Nyasaye wa Isiraeli, kandi wiganiri. Mbolera kalunu icha umali kokora. Utageriza kukivisa kutura ku inzi mba.”

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.