Matayo 3:11 - KITABU KITAKATIFU

¹¹ Inzi mubatizaa mu mazi kumanyia ndi mumali kwiganira. Navuzwa uyu uzaa inyima wange aveeye ni zinguru kuvita inzi. Inzi sindukana kali ku mugingira vilato vivie mba. Uyu alamubatiza mu Roho Mutakatifu kandi mu muliru.

Matayo 3:11 Iomraidhean Croise

Isaya 4:4

Yahova mu zinguru zizie, alakalagira kandi alatakasa ihiiri nukusamiiha mahiolo ga vandu va Jerusalemi kandi amasahi gataaza mu Jerusalemi.

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Matayo 3:6

Viyama uvwoni vwavo, naye navabatiza mu mugera gwa Jorodani.

Marko 1:4

Yohana Mubatizi yaloleka mwigendanyama, nabatizaa kandi niyilwaza. Yavavolera, “Mwiganiri kandi mubatizwi, Nyasaye aduuki kumusamiiha uvwoni vwinyu.”

Luka 1:17

Alimiira imbiri wu Mwami weve nu mwoyo kandi ni zinguru kuli ziu muporofeti Elija. Alakahambanyie avababa na avana vaavo kandi; alalomba avibaali na avatatiizaa Nyasaye vaganagane kuli avalungi vaganagana; alaketegekiziri Mwami avandu veve.”

Luka 3:16

Kunangwa Yohana yavavolera vosi, “Inzi mubatizaa na amazi, navuzwa mulala yazaa oveeye ni zinguru kuvita inzi, wandaduukanaa kali kovoholora migoye ji vilatu vivie. Mwene oyo alamubatiza na Roho Mutakatifu kandi nu muliru.

Luka 3:3

Kunangwa, Yohana yazia mu zimbega ziosi iziali ahimbi nu mugera gwa Jorodani, ni yilwaza ndi gaduukanaa avandu viganiri, vabatizwi kandi Nyasaye aduuki kusamiiha uvwoni vwavo.

Yohana 1:15

Yohana yamulolekiza ku avandu nahanzuka, “Uyu niye wandamuvoolera lwa ndavoora, uza inyima wange, aveeye munene ligali kumbita, kigira yaali ho ningikiri kwivulwa.”

Yohana 1:30

Uyu niye wa ndaamuvolera lwa ndavoora, ‘Inyima wange, yazaa mundu mulala oveeye munene ligali kumbita, kigira yaali ho ningikiri kwivulwa.’

Vikolwa 1:5

Yohana yabatizaa na amazi, navuzwa mulabatizwa mu Roho Mutakatifu inyima wamadiku makekeeke.”

Vikolwa 19:4

Paolo yavoola kandi, “Libatiza lia Yohana liali liu kumanyia ndi avandu vamali kwiganira. Yohana yavolera avandu va Isiraeli, uyu waali niyazaa inyima weve, naye ni Yeso.”

Vikolwa 8:36

Lwa vaali ni vakizizagilira no logendo, vaduuka havundu ha amazi gaali. Kiziri oyo yavoola, “Henza amazi ngaga yaaha, ni kindu ki ikinzigalira mburi kubatizwa?” [

Vikolwa 8:38

Kunangwa yalaga ligare lisingiri; navo vombi, Filipo ni kiziri viika mu mazi; Filipo yaamubatiza.

1 Vakorintho 12:13

Munzira ndala nzere, kunyi kwosi nikuva nikoveeye Avayuda anoho vandu vizihiiri, avatugwa anoho vavoholore, kwabatizwa na Roho mulala ma ni kuva muviri mulala kandi Nyasaye yahaana ku kunyi vosi Roho mulala mu mioyo jitu.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Tito 3:5

yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”