Matayo 3:10 - KITABU KITAKATIFU

¹⁰ Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Matayo 3:10 Iomraidhean Croise

2 Samweli 23:7

Kuduuka utumikiri ikiju chi kivia anoho litimu; vilasambwa ligali.

Zaburi 1:3

Alafananywa numusaala gwasimikwa ahimbi ni migera ja mazi, gwamaa ku muhiga gwagwo matu gagwo siganialaa mba, na viosi via akola vilagasa.

Zaburi 140:10

Leka amanda gakaa muliru gavagwiri aveene, leka vasiuvwi mbogo kandi vavuli kutura ichova kali hakuzu.

Zaburi 92:12

Avalungi valamedeka ni miandu kuli misaala ja makindu; valaviruka kuli misaala ji midaragwa ja Lebanoni.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 17:8

Aveeye kuli musaala gwasimikwa ahimbi ni migera ja mazi kandi gwahila miri ligali kuduuka ku mazi. Siguveeye nu vuti mu ing'inga ye kivasu mba kigira amatu gagwo si ganiara mba. Si guhenda mwoyo lwi imbura itaveeye ho mba; navuzwa guzizagiliranga kwama amakuyu.

Danyeli 4:14

Nevoola nu mwoyo munene, tema musaala yigu gugwi hasi kandi uhaluri iziisia na matu gagwo kandi usalanyie makuyu gagwo. Ukungi zinyama ziosi kutura isi wa gwo kandi manyonyi kutura ku zisia ziagwo.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Matayo 21:19

Yalora mukuyu kunyasi kwi inzira, maku yazia kugwo, navuzwa si yanyoora kindu kugwo mba, nigatali amatu geng'ine. Yagovoolera, “Utama kandi amakuyu mihiga josi mba!” Ahene yaho, mukuyu gwaniala.

Matayo 7:19

Ku misaala josi, ugutama makuyu malahi gulatemagwa nokoteevwa mu muliru.

Luka 23:31

Ligali, niiva avandu vakora vindu yivi ku musaala muvisi, na galava ki ku musaala mwumu?”

Luka 3:9

Navuzwa kalunu imbaazi etekekeywi kotemaga imiri jimisaala. Musaala gwosi ugutamaa amakuyu malahi gulatemagwa nokoteevwa mu muliru.”

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Vahebraina 6:8

Navuzwa niiva lilamera amafa ni ikayongo anoho indiva ya matagalu siliveeye novokoonyi, kandi liveeye ahimbi kulaamwa na Nyasaye. Mu keheri chalio lilakasambwe nu muliru.