Matayo 27:52 - KITABU KITAKATIFU

⁵² ivilindwa viakunuka kandi, na avatakatifu vanyingi avaari ni vaakuza kale vasimugukizwa.

Matayo 27:52 Iomraidhean Croise

2 Avami 13:21

Ing'inga ndala lwa Vaisiraeli valala vaali ni vatezaa mundu, nonoho valora kiduma cha Vamoabu yavo, kunangwa vasiuva muviri gwu mukuzu zana mu kilindwa cha Elisha. Lwu muviri yigwo gwadiira ku vigumba via Elisha, mundu oyo yasimuguka, kandi nasingira ku virenge vivie.

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Yohana 11:11

Lwa Yeso yamala kovora yaga, yavavolera, “Mulina wiitu Lazaro agoni, navuzwa inzi ndaazia kumuvuukiza.”

Vikolwa 7:60

Yasigama, nahanzuka nu mwoyo munene na avoora, “Mwami! Utavaliza vwoni yivu kuvo mba.” Lwa yamala kovora yaga, yakuza.

1 Vakorintho 11:30

Yiki nicho ikigiraa avanyingi ku munyi muveeye avadedekere kandi avalwaye. Na valala vamali kukuza.

1 Vakorintho 15:20

Navuzwa agiligali gaveeye ndi Kristo umali kusimugukizwa kutura mu likuza, kandi aveeye kimanyiru ndi, yavo avagonaa mu likuza, kandi navo valakasimukizwi.

1 Vakorintho 15:51

Huliri muvooleraa makuva giligali gaviswa yaga: kunyi sikulakuza kwosi mba. Lwi kisiriva chukumaliriza kilikubwa, vosi kulagirung'anywa, vuzwa kuli mundu avunavunyia emoni.

1 Vatesalonike 4:14

Nikuva nikusuuvira ndi Yeso yakuza ma nasimuguka, kunangwa. Kusuuviri ndi Nyasaye alakavaleete harara na Yeso, yavo vosi avakuzaa nivasuuvira muye.

1 Vatesalonike 5:10

uwa kukuzira, kunangwa komenye harara naye kali nikuva mwoyo anoho ni kukuza lwa aliiza.