Matayo 27:4 - KITABU KITAKATIFU

⁴ Yavavolera, “Mali kokora uvwoni ku kuzaama umundu utaveeye na mahiolo akuzi!” Navuzwa vamuvolera, “Yago gaveeye ki ku kunyi? Agene yago nagoogo ivi umwene!”

Matayo 27:4 Iomraidhean Croise

1 Avami 21:27

Lwa Elija yamala komoloma, Ahabu yatandula zinguvu zizie, niyinavuula kandi niyiviika zinguvu zia magunia. Yasura kulia, naagona mu zinguvu zia magumia, nokogendagenda novovereri kandi mwoyo ni guukuzi.

2 Avami 24:4

na kuvita ligali kigira avandu va yaali ni yita avatali ni kisaalia kuvo. Yahova siyaali unyala kusamiha Manase ku yaga mba.

Ayubu 13:4

Munyi mwosi muveeye avandu vamakuva gu vugadi, kandi muveeye kuli avaahi vi zinyasi avatanyala kohonyia mundu mba.

Ayubu 16:2

Inzi mali kuhulira makuva manyingi kuli yaga, navuzwa lileminya mwoyo lienyu lia muhaana liveeye vuzwa vudinyu.

Zaburi 94:21

Avazilohizaa mu vwivisu kokolera avandu valahi uvudamanu. Kandi avakalagiraa avandu vataveeye niimbala likuza.

Kutwula 12:31

Uvudiku vwene yivwo Mwami yalanga Musa na Haruni navavoolera, “Singiri muzie, munyi na vandu va Isiraeli vinyu! Tuli mukivala change; muzie kusigamira Yahova, kuli mwateeva.

Kutwula 9:27

Maku mwami yatumana Musa na Haruni navoora, “Ing'inga yiyi mali kokora uvwoni; Yahova aveeye mulungi, na Inzi harara na avandu vange kokoli vudamanu.

Tsing'ano 12:8

Niiva oveeye mundu wovogeri, ulizominywa, navuzwa noveeye musiru vandu valakuchaya.

Jeremia 26:15

Navuzwa mumanye yaga: niiva mulanzita, munyi navandu vilidaala yili mulava nilihiolo liukwita umundu utaveeye nimbara, kigira ni Yahova uwanduma nduuki kumwiganihiza.”

Jona 1:14

Kunangwa vanira ku Yahova nivavoora, “O, Yahova, kukusaala, utahaana mageri gi likuza Kigira ligotiza livamwoyo liu mundu mulala uyu mba. Ivi, O, Yahova, niivi okoli yaga goosi, yili liveeye likora liilio.”

Matayo 27:19

Lwa Pilato yaali niyikaye kondeve yi Likalaga, umukali weve yamuletera amakuva namuvolera “Utakola ikindu ku mundu mulungi uyu mba, kigira lero nyooye ilisalirizwa ilinyingi mu maloto kigira ye.”

Matayo 27:54

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Luka 23:22

Pilato yavavolera lwa kavaga, “Kigira ki? Mundu uyu akoli vudamanu ki? Inzi sindoli uvudamanu muye uvuduukanaa nilikuza mba. Kigira yaga, ndaleka akuywi ma muvoholore.”

Luka 23:41

Kunyi ligali koheveeywe amaduywa gaduukanaa ni kunyi; kigira kunyi konyoora amadanyi gi miyinzi jietu midamanu. Navuzwa mundu uyu si yakola kindu kidamanu mba.”

Luka 23:47

Ahene yaho, lwu munene wa vasikari mia yalora gaali nigekoleki, yizominya Nyasaye navoora, “Ligali uyu yaali mundu mulungi.”

Yohana 19:7

Avayuda vaamutivulira, “Kunyi koveeye ni Lilaga, na kolondekana ni Lilaga yili, gaduukanaa akuze, kigira yekolaa mwene kuva Mwana wa Nyasaye.”

Vikolwa 13:28

Kali niiva sivanyoola kuye kivuni kigira vamwiti, vateva Pilato amukalagiri likuza.

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.

1 Yohana 3:12

Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi.

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.

1 Samweli 15:24

Saolo yavoola, “Yee, inzi mali kwona. Mali kutinguha lilago lia Yahova kandi amigizu googo. Ndaatia avandu vange, kandi ningora aga venya.

1 Samweli 15:30

Saolo yavoola, “Inzi mali kokora uvwoni. Navuzwa nuyanza, manyia utanzangalariza imbiri wa vimiliri va vandu vange kandi Isiraeli vosi. Yirana nainzi kunangwa nduuki kusigamira Yahova Nyasaye woovo.”

1 Samweli 19:5

Yavika livamwoyo lilie mu vuhimwa lwa yita Goliati, na Yahova yahaana liguuta linene ku Isiraeli. Lwa ivi walola inguuva yiyi, waasangala. Maku, kigira ki wenyaa kokora uvudamanu kalunu ku mundu utali niimbala, na wiite Daudi vugira kivuni kali kilala?”