Matayo 27:2 - KITABU KITAKATIFU

² Vaamuvoha ni minyororo, nivamwimiriza nu kumuhaana ku Pilato, uwaali mwamihi wa Varumi.

Matayo 27:2 Iomraidhean Croise

Litanga 22:9

Lwa vaduuka havundu ha Nyasaye yaali namuvooleye, Aburahamu yumbaka vwali kandi nalohiza zingu. Yavoha muyaayi weve kandi namuviika ku vwali, igulu ku zingu.

Matayo 20:19

Valamuhaana ku avandu vizihiiri zindi, akolerwe kehenyahenye, akuywi kandi avaambwi. Navuzwa ku lidiku lia kavaga, alasimugukizwa.”

Matayo 28:14

Niiva amakuva yaga galaduuka ku mwamihi, kunyi kulamuvoolera munyi muvura imbara, na munyi simulava ni kindu kimudegeliza mba.”

Luka 13:1

Ing'inga yeyo, avandu valala vaza nivavolera Yeso amakuva ga avandu va Galilaya ava Pilato yita lwa vaali nivahaanaa visiuviliru viavo ku Nyasaye na masahi gaavo gazugana na masahi gi visiuviliru viavo.

Luka 20:20

Kunangwa venyeleriza vwiyangu vatuma avatunyirizi nivekola kuva vasuuvirifu vaduuki kumugumira kigira gavoora kunangwa vamuhira ku avuvunyali kandi kumuviika mu zinguru ziu Mwami wu vwamihi vwavo Rumi.

Luka 23:1

Kiduma choosi chasingira nivahira Yeso imbiri wa Pilato.

Luka 23:12

Ku lidiku liene yilio, Herodi na Pilato vahambana uvulina, kigira kutura hanyima vaali vasigu.

Luka 3:1

Gwaali muhiga gwa komi na tano mu vwamihi vwu mwami munene Tiberio. Pontio Pilato yaali mwami wi kivala chi Ivuyuda, Herodi yaali mwamihi munene wi kivala cha Galilaya, na Filipo amwavo weve yaali munene wi kivala cha Turea na Tarakoniti; Lusania yaali munene wa Abilene, na Anasi na Kayafa vaali avasaalisi vanene.

Yohana 18:12

Kunangwa muganda gwa avasikari harara nu munene wagwo, na avalindi va Avayuda vagumira Yeso nivamuvoha.

Yohana 18:24

Kunangwa, Anasi yaahira Yeso, nakevoheywi, ku Musaalisi Munene Kayafa.

Yohana 18:28

Kunangwa, mugambazuri mu mavwevwe, Avayuda vatuliza Yeso munyumba ya Kayafa nivamuhila munyumba yuvwami iyalangwa Puritorio. Avanene va Avayuda vene sivingira mu Puritorio mba, kunangwa vavuli kwonogonywa, navuzwa vaduuki kulia chukulia chi Lipasaka.

Vikolwa 12:6

Vudiku yivwo, Herodi nakikiri kutuliza Petero muvuhambe amuleete mu kiyaalo aduuki kuyaalizwa, Petero yaali naagoni hagati ha avasikari vaviri. Yaali navoheywi ni minyororo giviri, kandi avalindi vaali nivalindi vulahi kiliango chu muvuhambe.

Vikolwa 21:33

Munene wu muganda yazia ku Paolo namugumira, nalaga avofwi ni minyororo giviri. Maku yateeva, “Mundu uyu ni vwaha, kandi akoli ki?”

Vikolwa 22:25

Navuzwa lwa vaali nivakamara kumuvoha akuywi nizingova, Paolo yateeva munene wa avasikari mia, uwaali nasingiyi ahene yaho, “Ni lilago ku munyi kukuya mundu Murumi nakikiri kukalagirwa ku vudamanu vwa yakola?”

Vikolwa 22:29

Na ahene yaho avasikari yavo, avenya koteveleriza Paolo vamuleka. Lwu munene wa avasikari oyo yamanya ndi Paolo nu Murumi, yatia ligali, kigira yaali naamuvohi ni minyororo.

Vikolwa 24:27

Navuzwa lwi mihiga giviri jaali nijakavita Porokio Fesito yavugula vwiyangu vwa Felikisi kuli mwamihi. Kigira Felikisi yenya kuyaanziza Avayuda, yaleka Paolo mu vuhambe.

Vikolwa 28:20

Kigira yaga nyenyi kololana no komoloma ni munyi, kigira mboheywi ni minyororo yiji kurwi lisuuvirizwa lia Isiraeli.”

Vikolwa 3:13

Nyasaye wa Aburahamu, Isaka na Yakobo, Nyasaye wa avaguuga viitu, uhaani vukumi vwu vunyasaye ku Mutumikiri weve Yeso. Navuzwa mwamuzaama kandi nimumuhaana ku vamiihi kandi mwamwambakana imbiri wa Pilato, kali lwa Pilato yaali niyakaganagana kumuvoholora.

Vikolwa 4:27

“Kigira ligali, nindio Herodi Pontio Pilato, vavugana harara mu lidaala yili na Avizihiiri kandi avandu va Isiraeli, kuhingira Yeso, Mutumikiri woovo mutakatifu wa wakola ave Mesia.

Vikolwa 9:2

naasava ahevwe zibarwa ziu kwimanyia mu masinagogi ga Damasiko, ku nanyoora yo avasaza anoho avakali vava ni valonda amigizu gu Mwami Yeso, aduuki kuvagumira nu kuvaleeta Jerusalemi ni vavoheywi.

Vahebraina 13:3

Mwizurizi yavo avaveeye muvuhambe, kuli avamuvoheywi harara navo. Mwizurizi yavo avakubaa kivi kuli musaliraa navo.

Vakalagi 15:12

Vamuvolera, “Kuuzi hano kuduuki kukugumila.” Na Samusoni yavavolera, “Munzisuhili ndi munyi aveene simulanzita mba.”