Matayo 27:1 - KITABU KITAKATIFU

¹ Lwa vwacha, avasaalisi vanene na vakulundu vaakora kiyaalo ku Yeso nivalomba zing'anagani kuli vanyara kumwita.

Matayo 27:1 Iomraidhean Croise

Zaburi 2:2

Avami vi lirova vibaara vene. Avamihi vaavo valomba zing'anagani mu vwivisu ukusuula Yahova Nyasaye Wuvunyali Viosi harara nu mwami mutovole weve.

Zaburi 31:13

Mbulira avasigu vanyingi nivamonyana; uvutihizi vungumbirizi zimbega ziosi. Valohiza kunzita mu vwivisu.

Zaburi 71:10

Avasigu vange venya kunzita; vamoloma uvudamanu ku inzi nukuunziira hasi.

Mika 2:1

O, vayaayi, kivi keve kuyavo avasavira kokora uvudamanu; kandi avalohizaa kokora uvudamanu mu vidali viavo! Lwa vuchezaa, nonoho lwa vaveeye nuvwiyangu, vakora uvudamanu vwavalohizi kokora.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Marko 15:1

Lwa vwaduuka mugambazuri, avasaalisi vanene harara navakulundu na avigizi vi Lilaga harara ni kiyaalo choosi, vateevana icha vanyara kokora. Kunangwa vavoha Yeso ni vaatura naye, kandi nivamuhila ku Pilato.

Luka 13:1

Ing'inga yeyo, avandu valala vaza nivavolera Yeso amakuva ga avandu va Galilaya ava Pilato yita lwa vaali nivahaanaa visiuviliru viavo ku Nyasaye na masahi gaavo gazugana na masahi gi visiuviliru viavo.

Luka 22:66

Lwa vwacha, avakulundu, avasaalisi vanene kandi avigizi vi Lilaga vavugana harara Yeso yaleetwa imbiri wi kiyaalo chavo kuyaalwa.

Yohana 18:28

Kunangwa, mugambazuri mu mavwevwe, Avayuda vatuliza Yeso munyumba ya Kayafa nivamuhila munyumba yuvwami iyalangwa Puritorio. Avanene va Avayuda vene sivingira mu Puritorio mba, kunangwa vavuli kwonogonywa, navuzwa vaduuki kulia chukulia chi Lipasaka.

Vikolwa 5:21

Lwa avatumwa vahulira yaga, vingira mu Litembeli mugambazuri mu mavwevwe, ni vatanga kwigiza. Musaalisi Munene na avache veve valanga harara livugana lie kiyaalo kenene cha vakulundu vosi va Vayuda; maku vaatuma amalago muvuhambe ndi valetwe imbiri wavo.

Vakalagi 16:2

Avandu va Gaza vahulira ndi Samusoni aveeye mu lidaala, na vaakumbuliza havundu zana, nivamulindilira uvudiku vwosi ha kilivwa chi lidaala. Vachiring'ana uvudiku vwosi nivaganagana aveene na vene, “Kulaliinda kuduuka vuchi, ma kumwiti.”

1 Samweli 19:11

Uvudiku vulala vwere yivwo Saolo yatuma vasaza valala kuzia kogoneka Daudi vamwiite mugambazuri. Mikali, mukali wa Daudi yaamwiganihiza; “Niiva siuliruka vudiku vwa lero, mugamba ulakuza.”