Matayo 26:72 - KITABU KITAKATIFU

⁷² Petero yambakana kandi ni yisuha, “Inzi nzisuha ndi, si manyi umundu uyu mba!”

Matayo 26:72 Iomraidhean Croise

Kutwula 20:7

“Mutatumikiri lieta liange vuzwa mba, kigira Inzi, Yahova Nyasaye winyu, ndahaana amageri ku mundu woosi utumikira lieta liange vudamanu.

Isaya 48:1

Munyi avandu va Isiraeli, avaveeye visukululwi kutura Ivuyuda, muhuliri yaga. Mwisuuha ku lieta lia Yahova kandi ni muvooraa ni minwa jinyu ndi, mulasigamira Nyasaye wa vandu va Isiraeli, navuzwa simwavoola agiligali mba.

Zekaria 8:17

Mutaganagana kokora vudamanu ku mundu mulala nu wache mba, kandi mutayanzilira kwisuuha nu vugadi mba. Kigira vindu yivi viosi ndaavisula.”

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 26:71

Lwa yaali natura ichova mu kiliango chu mugizi, mutumikiri mukaana wundi yamulola navolera avandu vasaza vaali ho, “Mundu uyu ligali yaali harara na Yeso wa Nazareti.”

Matayo 26:73

Ing'inga engekeeke, avandu vasaza avaari nivasingiyi ho vaza ku Petero ni vamuvolera, “Agiligali ivi oveeye mulala kuvo kigira livoora liilio limanyia ndio.”

Matayo 26:74

Maku Petero yaatanga kwilaama nu kwisuuha, na avoora, “Nzisuha ligali nokovoora agiligali! Gaduukanaa Nyasaye asalirizi niiva simbolaa agiligali! Inzi manyi umundu uyu mba!” Ahene yaho idaywa yalagula,

Luka 22:34

Yeso yamutivulira, “Ngovolera agiligali, Petero, uvudiku vwa lero, idaywa nitalagula, ulanyambakana haali kavaga ndi, si umanyi inzi mba.”