Matayo 26:10 - KITABU KITAKATIFU

¹⁰ Yeso yamanya zing'anagani ziavo, navavoolera, “Kigira ki mukubizaa mukali uyu kivi? Oyo ongoleeye ikindu ikilahi ligali.

Matayo 26:10 Iomraidhean Croise

Nehemia 2:18

Na ndavavolera kuli Nyasaye yaali harara ninzi kandi kuli yangoonya, kandi gu mwami yaali naamboleye. Vaativura, “Gendi kutange liumbaka vuhia!” Na vetegeka kutanga miyinzi milahi yiji.

Ayubu 13:7

Kigira ki munyi muvooraa ovovehi? Muganaganaa uvugadi vwinyu vulakonya Nyasaye?

Matayo 26:11

Munyi mulava na vadaka vuli kazozo, navuzwa simulava ninzi amadiku goosi mba.

Matayo 26:9

Amaguta gu mwayu yaga gaali ganyala kugulizwa mabese gigulu ma vahane ku avadaka.”

Marko 14:6

Navuzwa Yeso yavavolera, “Leki ave! Kigira ki mumukubizaa ikivi? Ongoleeye ikindu ikilahi.

Luka 8:49

Lwa Yeso yaali nakevoola yaga, mundu mulala yatumwa kutura munyumba ya Yairo, Munene wi lisinagogi, navoora, “Mukaana woovo ukuzi. Utanyangiza mwigizi mba.”

2 Vakorintho 9:8

Nyasaye anyala kumuha munyi vugasu vunyingi ligali, kunangwa muduuki kuva navio viosi via mwenya vuli kazozo; na ndio muduuki kuzizagilira kuhaana mu vunyingi ku miyinzi josi milahi.

Vagalatia 1:7

Mugiligali gene, sihaveeyeho ni “Ivangeri yindi mba”, navuzwa mboraa yaga kigira vaveeye ho avandu valala avamunyangizaa, kandi avagerizaa kugirung'anyia Ivangeri ya Kristo.

Vagalatia 5:12

Ndakayanzi yavo avamuhendizaa mwoyo vazie viilade aveene.

Vagalatia 6:17

Kutura kalunu mundu woosi, atanyangiza mba, kigira ng'ingi ku muviri gwange zimbala zimanyia ndi mbeeye mutugwa wa Yeso.

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

2 Vatesalonike 2:17

aleminye mioyo jinyu nu kumudinyiriza mukore imiyinzi josi imilahi kazozo kandi kovora makuva goosi amalahi.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Tito 3:1

Wizulizi avandu vovo vegehizi ku miihi kandi ku avami, vatie kandi vetegeke kokora gaveeye amalahi munzira yoosi.

Tito 3:14

Kuduuka avandu viitu vigi kutumikira zing'inga ziavo mu likora miyinzi milahi, kunangwa vakonye avandu vaveeye novogeheru. Vatava ni limenya liavuzwa mba.

Tito 3:8

Livoora yili liveeye lie ligali. Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.