Matayo 25:5 - KITABU KITAKATIFU

⁵ Lwa uwaseleraa umwiha yaalindagira, avakaana yavo vosi vateengeza, ma ni vagona.

Matayo 25:5 Iomraidhean Croise

Lwimbu lwa Solomoni 3:1

Ku kidali change vudiku, ndenyeleriza oyo wumwoyo gwangwe gwayaanza, ndamwenyeleriza, navuzwa sindamunyoora mba, ndamulanga, navuzwa si yahugira mba.

Lwimbu lwa Solomoni 5:2

Lwa ndagona, mwoyo gwange gwahenzaa. Ndalota ndi muyanze wange yigulihiza kumuliango. Muyanze wange, leka nzingili munyumba. Muyanze wu mwoyo gwange, likuulu liange. Lime lizuuyi ku mutwi gwange, kandi mazi ge lilumbi gizuyi mulisu liange.

Lwimbu lwa Solomoni 5:3

Inzi mali kutuliza zinguvu ziange; kigira ki nzirane kuzievika? Mali kwisaava vilenge viange, kigira ki nzirane kuvimwaminya?

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Matayo 24:48

Navuzwa naava mutumikiri mudamanu, alevoolera umwene mu mwoyo gwigwe, ‘Mwami wange akizia,’

Matayo 25:19

“Inyima wa madiku manyingi, mwami wa vatumikiri yavo yaza. Yaatanga koteeva kuli vuli mulala yatumikira ekegero cha yahevwa.

Matayo 25:4

Navuzwa avageri vaavugura amaguta gandi mu zi juba harara ni zitaya ziavo.

Matayo 25:6

“Navuzwa vudiku hagati, liali ho ni lilangilizana linene ‘Henza! Nguyio oyo osereraa umwiha yaazaa! Muturi muzie kumwaganira!’

Matayo 26:40

Yirana ku aviigi vavaga zana, nanyoora ni vagona, na yavolera Petero, “Simunyala kohenza kali isa ndala mba?

Matayo 26:43

Yirana kuvo kandi nanyoora vagona. Si vaali vanyara kohenza mba kigira izindoolo zinyingi.

Luka 1:21

Avandu valindilira Zakaria, nivagenya ku lilindagilira lilie mu Litembeli.

Luka 12:45

Navuzwa, niiva mutumikiri oyo alaganagana mu mwoyo gwigwe nokovoora, ‘Mwami wange alindagiyi kwirana,’ ma atange kukubaga avatumikiri vandi avikisaza na avikikali, atange kulia nu kunwa nukuhambika.

Luka 18:8

Inzi muvooleraa, alayaanza kuvakalagira uvulungi vwangu. Navuzwa lwa Mwana wa Adamu aliiza alakanyoole avandu ni vaveeye ni lisuuvira mu lirovai”

Luka 20:9

Maku Yeso yavolera avandu lugano yilu, “Yaali ho mundu wasimika kizabibu, naha avalimi vamulindili, maku yatura hango nazia ihale mu kivala kindi ku ing'inga indambi.

Varumi 13:11

Kuduuka mukore ndio, kigira mu manya ndi ing'inga imali kuduuka ya munyi muvuuka mu zindoolo zienyu. Ovohonyi vwitu voveeye ahimbi ligali ku kunyi kuvita lwa kwatanga kusuuvira.

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

Likunula 2:25

Navuzwa mugumiri cha muveeye nacho kuduuka lwa ndakaaze.