Matayo 24:39 - KITABU KITAKATIFU

³⁹ kali sivamanya ichaali ni chekoleka mba, kuduuka lwa amazi gaaza ni gavahila vosi. Galakave ndio kandi ku lidiku liu Umwana wa Adamu alakaaze.

Matayo 24:39 Iomraidhean Croise

Litanga 7:23

Yahova yadiviza vindu viosi viveeye mwoyo ku lirova: avandu, zinyama, vimolaa, kandi amanyonyi gu mu ligulu. Nuhu yeng'ine harara na vandu vinyumba yeeye, kandi viosi viali mu liato viahona.

Tsing'ano 23:35

Ulavoola, “Vakunduya, navuzwa sisaliyi mba, vakunguya navuzwa simbuliyi mba. Ndavuka ing'inga ki? Inzi ndeenya iwaini yindi nwi.”

Tsing'ano 24:12

Unyala kovora yaga ngamanyi mba, navuzwa Nyasaye yamanya, kandi akalagira lienya liilio. Akohenzerizaa kandi yamanya. Alakuha amadanyi kolondekana ni miyinzi jijo.

Tsing'ano 29:7

Mundu mulungi yamanya lienya lia vadaka, navuzwa vandu vachamu sivanyala kumanya lienya kuli yili mba.

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Matayo 24:3

Lwa Yeso yaali niyikaye mu Kiguru cha Mizeituni, aviigi veve vaza kuye machiriri nivamuteeva, “Kovolere, ivindu yivi vilakakoleke ing'inga ki? Ni kelolekizu ki ikilimanyia iliiza liilio, kandi ekeheri chi lirova?”

Matayo 24:30

Maku kelolekizu chu Umwana wa Adamu kilakaloleke mwigulu, na ahene yaho zihiiri ziosi zie lirova zilakaliri, lwa valilola Umwana wa Adamu ni yazaa ku malesi ni zinguru nu vukumi vonene.

Matayo 24:37

Kuli gaali mu madiku ga Nuhu kandi liduka liu Umwana wa Adamu lilava kandi kuli ndio.

Matayo 24:40

Ing'inga yeyo, avandu vaviri valakave nivayinziraa mu mulimi; mulala alakavugulwi, nu wundi alakatigale.

Luka 19:44

Valamudiviza ligali harara na vana vinyu avaveeye mu madigi ginyu. Sivalileka ligina kali lilala ku lindi mba kigira simwamanyiriza ing'inga yiliiza lia Nyasaye ku munyi mba!”

Yohana 3:20

Mundu woosi okola uvudamanu adunyiraa uvulavu, kandi sianyala kuuza ku vulavu mba, kigira siyenya vikolwa vivie vidamanu vimanyikane havulavu mba.

Vikolwa 13:41

‘Huliri, munyi avachayi, mugenye ma mudivi! Kigira icha ngolaa kalunu mu madiku ginyu, ni cha munyi mutanyala ligali kusuuvira, kali lwu mundu ava namuvolera.’ ”

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

2 Petro 3:5

Avandu yavo aveene vivilira kumanya ndi lwimbiri Nyasaye yahaana lilago, na ligulu kandi lirova vialombwa. Lirova lialombwa kutura ku mazi kandi na mazi,

Vakalagi 20:34

Avandu 10,000 avaatovolwa kuvudukiru vwavo kutura mu Isiraeli yoosi vingilira Gibea, nu uvulwani vwali vululu ligali. Avandu va Benjamini sivamanya vaveeye ahimbi kudivizwa mba.