Matayo 24:36 - KITABU KITAKATIFU

³⁶ “Navuzwa lidiku yilio ni ing'inga yeyo sihaveeyeho nu mundu umanyi kali zingelosi vu mwigulu, kali Umwana, navuzwa Baba yenyine.

Matayo 24:36 Iomraidhean Croise

Zekaria 14:7

anoho kisundi mba. Muvasu gulakave ho ing'inga yoosi kali ing'inga yu vudiku. Yahova weng'ine niye umanyi lwa yaga galakekoleke.

Matayo 24:42

“Kigira yaga, lindi, kigira si mumanyi lidiku liu Mwami winyu aliiza mba.

Matayo 24:44

Kunangwa, munyi mwetegeke kandi kazozo, kigira Umwana wa Adamu alakaze ing'inga ya mutaganagana.”

Matayo 25:13

Kunangwa Yeso yamaliriza navoora, “Mugerihi, mulindi, kigira si mumanyi lidiku anoho ing'inga mba.”

Marko 13:32

“Navuzwa sihaveeyeho nu mundu umanyi lwi lidiku yilio anoho ing'inga yeyo iliduuka mba kali zingelosi vu mwigulu, anoho Mwana, natali Baba yenyine niyie umanyi.

Vikolwa 1:7

Navuzwa Yeso yavavolera, “Sigaveeye aginyu munyi kumanya zing'inga anoho madiku ga Baba yavika ho mwene mu zinguru zizie.

1 Vatesalonike 5:2

Munyi aveene mumanya vulahi ndi Lidiku liu Mwami lilakaze kuli mwivi yaazaa vudiku.

2 Petro 3:10

Lidiku liu Mwami lilakaze kuli umwivi. Ku Lidiku yilio, ligulu lilatulizwa ho nu mufuumu munene. Ni miviri josi ju mwigulu jilasaambwa nu kudivizirwa mu muliru munene; lirova ni vindu vialio viosi vilasambwa.

Likunula 16:15

Mwami avoora, “Henza! Nziza kuli umwiivi!” Aveeye nuvugasu umundu ulindilira, nu kwivika zinguvu zizie ku avuli kogendagenda chahonyo, ma alole zisoni imbiri wa avandu.

Likunula 3:3

Kunangwa wizulizi amigizu agiligali ga wavugula, kandi agawahulira nu kwiganira. Navuzwa nuvula kulinda nu kusaala, ndaaza ku ivi kuli umwiivi, na ivi siulamanya ing'inga ya nziza ku ivi mba.