Matayo 24:31 - KITABU KITAKATIFU

³¹ Naye alatuma zingelosi veve ni kisiriva chu mwoyo munene, navo valavungiza avatovole veve vatuli zimbega zine ziosi zie lirova, kutura ku keheri yiki kuduuka ku keheri kindi chi lirova.

Matayo 24:31 Iomraidhean Croise

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Zaburi 67:7

Nyasaye umali kugasiza kunyi; leka avandu vosi ku lirova vamuhe luyali

Zaburi 81:3

Mukubi kisiriva kigira lilia, lwu mweli gulavaa kandi lwu mweli guchelaa.

Kutwula 19:16

Kunangwa lidiku likora kavaga inyinga yu mugamba haali ho nilihirigana lienguba kandi loheni, ililesi liliduhu lialoleka ku kiguru, nu umwoyo munene ligali gwikisiliva gwahulirika. Avandu vosi avaari hokososa vaadegera nuvuti.

Isaya 11:12

Yahova alasingiriza kelolero chebendera ukumanyia zihiiri ndi avungiza avandu veve harara ulwa kaviri, avandu vasalanywa va Isiraeli ni Ivuyuda, na aviiranyiaa kutura mu zikona zine zie lirova.

Isaya 13:5

Amahi yaga galaaza kutura mu kivala chihale, kali kutura ku keheri chi lirova. Yahova alaza nu vutima harara ni viugi vivie kudiviza kivala choosi.

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Isaya 42:10

Mwimbiri Yahova lwimbu luhia; avandu vosi, mwizominye Yahova, avandu vosi aveelemaa ku inyanza, mwizominye Yahova. Vilombe viosi viu munyanza, mwizominye Yahova, avandu vosi avamenyi mu visulu mwimbi nu kwizominya Yahova.

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 49:18

Heenzi zimbega ziosi mulole agaakoleka! Avandu vinyu vazaa kwivungiza harara vazaa yengo; Ligali kuli inzi mbeeye Nyasaye oveeye mwoyo, munyi muligingilira avandu vinyu, kuli umwiha yiyanziza ni yisiahi iviuma.

Isaya 60:4

Heenzi ku zimbega ziosi mulole agaakoleka; avandu vinyu vivungiza harara kuza ku munyi. Avayaayi vinyu valaza kutura ihale, avakaana vinyu valagingwa kuli avana vakekeeke.

Danyeli 7:2

Ndalora malola vudiku, imbuza inene yajukanyia inyanza.

Zekaria 14:5

Mulakiluki ni muvitiraa mulivoona yili liagavula kiguru mu vidonye viviri. Mulakiluki kuli vaguuga vinyu vaakora lwi kivala chadegera ing'inga yu mwami Uzia yamiha kivala chi Ivuyuda. Maku Yahova Nyasaye wange alakaze harara ni zingelosi veve vosi.

Zekaria 2:6

Yahova yavolera vandu veve, “Hambi! Mwiluki kutura mu kivala chi Ivaale kigira inzi mali kumusalanyia mu zimbega ziosi zie kivala.

Zekaria 6:5

Yandivulira, “Yizi nizimbuuza zine zimali kuuza kutura imbiri wa Yahova wikivala choosi.”

Zekaria 9:10

Yahova avoora, “Ndakatulizi magare gu vulwani kutura mu Isiraeli, kandi ndavugura zibarasi kutura mu Jerusalemi; ndakononyie uvuta vwu vulwani. Mwami winyu alakaleete mirembe hagati hi zihiiri, alakamiihi kutura ku inyanza kuduuka ku inyanza, kandi kutura ku mugera gwa Efurate kuduuka ku keheri chi lirova.”

Zekaria 9:14

Yahova alakaloleke ku vandu veve; alakalase mivano jije kuli loheni. Yahova Wuvunyali alakahuliriki kuli kisiriva; alakagende mu imbuza enene kutura Isavaalu.

Matayo 13:41

Umwana wa Adamu alatuma zingelosi veve, navo valavungiza kutura mu Vwami vwivwe ivindu viosi ivileetaa uvwoni, na vosi avaakoraa uvudamanu,

Matayo 24:22

Navuzwa Nyasaye umali kwimbihiza amadiku yago. Alavula kokora ndio, ngano sihaveeyeho nu mundu woosi uwakahoni mba. Navuzwa kigira avatovole veve, Nyasaye alakimbihiza madiku yago.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Matayo 24:32

“Kalunu mwigi lugano yilu kutura ku mukuyu. Hene yaho lwu ulusia lwagwo lutanga kugwa lodoto ni lusivuka amatu, mumanya ndi ing'inga yi kivasu eveeye ahimbi.

Matayo 25:31

“Lwu Umwana wa Adamu aliiza kuli Umwami harara ni zingelosi vosi alikala ku endeve yu vwami vwivwe,

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Marko 13:27

Maku Kristo alatuma zingelosi veve kuvungiza avatovole veve kutura mu zimbega ziosi zine zie lirova kutura ku keheri chi lirova kuduuka ku kindi.

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Yohana 11:52

na sikoveeye ku yavo venyine, navuzwa kandi aduuki kuleeta harara avana va Nyasaye avasalana.

Varumi 10:18

Navuzwa ndeva: Gaveeye agiligali yavo sivali nivahulira makuva? Nagiligali vahulira; kuli Mang'oda Matakatifu gavoora: “Lilangiliza liu mwoyo gwaavo liahulirika mu lirova liosi; amakuva gaavo gaduukaa kokeheri chi lirova liosi.”

1 Vakorintho 15:52

Lwi kisiriva kilikubwa, avakuzu valakasimugukizwi, kandi sivalikuza kandi mba, na kunyi vosi kulakagilung'anywi.

Vafeso 1:10

Lilohiza yili, Nyasaye alakatwekiza lwi ing'inga indahi ilakaduuki. Alakavungizi vindu viosi harara, vindu viomuligulu kandi vindu viomulirova, na Kristo alakave mutwi gwavio.

Kwidzulitsa 30:4

Kali niiva mwasalanywa ihale ligali kuduuka ku keheri chi zikona zie lirova, Yahova Nyasaye winyu alamuvungiza harara kandi alamwilanyia,

Kwidzulitsa 4:32

“Mwenyelerizi amakuva ga madiku gaavita kale, ing'inga ya mwali nimukikiri kwivulwa, kutura ing'inga ya Nyasaye yalomba mundu ku lirova. Yenyelerizi ku lirova liosi. Inguuva enene kuli yiyi yayekoleka ku maziambiri? Mundu woosi, yahulira ku inguuva yu lugano yilu?

1 Vatesalonike 4:16

Gulakave ho nu mwoyo munene gwu kulanga, kandi nu mwoyo gwe engelosi Munene, kandi nugwi kisiriva cha Nyasaye, maku Mwami mwene aliika kutura mwigulu. Yavo vaakuza nivasuuvira mu Kristo valakasimuguki kutanga.

2 Vatesalonike 2:1

Kolondekana ni liza liu Mwami wiitu Yeso Kristo kandi ku liletwa harara lietu kuva naye: Ku mugoonyaa avaamitu, viitu,

Vahebraina 12:19

nukumwoyo gwikisiliva, kandi ku liyoga liu mwoyo. Lwa vandu va Isiraeli vahulira mwoyo zana vagoonya Musa ndi vatahulira likuva lindi kandi mba,

Likunula 1:20

Yaga nigo amivisu gi zing'ereng'ani saba ziololaa mu mukono gwange umulungi na agaviswa gi ivinaara saba, izing'ereng'ani saba ni zingelosi zia amakanisa saba. Nivinaara saba viveeye amakanisa saba.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 7:1

Inyima wa yaga ndaalora zingelosi vane ni vasiingi ku zimbega zine zie lirova. Vagumira izimbuuza zine zie lirova zivuli kuhuuza ku lirova nu kunyanza, kandi ku misaala josi.

Likunula 8:2

Maku ndaalora zingelosi saba nivasingira imbiri wa Nyasaye, kandi vahevwe ivisiliva saba.