Matayo 24:21 - KITABU KITAKATIFU

²¹ Kigira ing'inga yene yeyo ikivi kenene kilakaveho likikiri kololeka ku kutura litanga lie lirova kuduuka lero. Silakaveho ing'inga yindi kandi mba.

Matayo 24:21 Iomraidhean Croise

Ezekieli 5:9

Kigira uvudamanu vwosi vwa mumali kokora, ndahaana mageri ku munyi agangikiri kumukoleraku kandi maziambiri; kandi si ndakakolendio ing'inga yindi mba.

Danyeli 12:1

Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Danyeli 9:26

Inyima wi ing'inga yiyi, mwimiliri mutovole wa Nyasaye alakitwi vugira likalaga lirungi. Lidaala kandi Litembeli vilakadivizwi, ni liihi lia vasigu vu mwamihi wi zinguru. Maku keheri kilakaduuki kuli amazi manene, kilakalete vulwani harara ni lidivizwa lia Nyasaye amali kolohiza.

Joeli 1:2

Muhuliri, munyi avandu vakulundu; avandu vosi vi Ivuyuda, huliri. Kindu kuli yiki chayekolekaku mu ing'inga yinyu, anoho ing'inga ya avaguuga vinyu?

Joeli 2:2

Na live lidiku lie kisundi kandi liovovereri, lidiku lia malesi kandi kisundi kenene. Zisigi zinyingi ziza kuli kisundi kenene kufumaa vigulu. Sihaalikuho ni kindu kuli yiki mba, kandi sikilivaho mba.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Matayo 24:20

Musaale Nyasaye ndi iliiruka lienyu litakave ing'inga yu vukindu, anoho ku ilidiku lie Lisabato!

Matayo 24:29

“ Inyima wi linyang'ana lia madiku yago, iliuva lilamwaminywa, mweli si guliaka; zing'ereng'ani zilakaaguluki kutura mwigulu; ni vindu viosi viezingulu viu mwigulu vilakadengeyizwi.

Marko 13:9

“Munyi aveene muve avageri. Avandu valakamuzaame, nukumugumira nukumuhira mu viyaalo. Kandi valakamukuyiri mu masinagogi. Mulakasingiri imbiri wa vamiihi na avami vanene vikivala kigira inzi, muduuki kuva avalolekizi vange kuvo.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.

Likunula 16:18

Viali ho zimbeni, zinguba ni lidegera lie kivala kandi yili liali lidegera linene lie lirova ilikiri kuva ku ho kutura ing'inga Nyasaye yalomba umundu mu lirova. Yili liali lidegera lie lirova linene ni lidamanu kuvita agandi goosi.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.