Matayo 23:8 - KITABU KITAKATIFU

⁸ Navuzwa munyi mutalangwa Mwigizi mba, kigira mwigizi winyu ni mulala vuzwa, na munyi mwosi muveeye avamwavo.

Matayo 23:8 Iomraidhean Croise

Matayo 10:25

Gaduukiraa umwigi ave kuli mwigizi weve, nu mutugwa kuli mutugi weve. Niiva valangi mwene nyumba Belizebuli, na valalanga ndi avandu vinyumba yeeye? Avandu vandi si valalangwa amita amadamanu mbitilira mba!

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Matayo 23:10

Kandi mutalangwa avami kigira Mwami winyu ni mulala vuzwa, naye ni Kristo.

Matayo 23:7

Vayaanza kuchelizwa nu luyali mu iviitu kandi kulangwa ‘Mwigizi.’

Matayo 26:25

Yuda, muzaami yamuteeva, “Ligali Mwigizi! Uganaganaa ninzi noho?” Yeso yamutivulira, “Ivi ovooye.”

Matayo 26:49

Yuda yazia kilungika ku Yeso namuvolera “Mirembe jive ku ivi, Mwigizi,” kandi yamuvusa.

Marko 10:51

Yeso yamuteeva, “Wenyaa ngokolere ki?” Umboku oyo yamuvolera, “Mwigizi, nyenya ndore ka ndi.”

Marko 11:21

Petero yagwizuliza, navolera Yeso, “Mwigizi, henza! Umukuyu gwa walaama gula guniaye!”

Marko 14:45

Lwa Yuda yaduuka, yazia ku Yeso vwangu na namuvolera, “Mwigizi!” Ma naamuvusa.

Marko 9:5

Petero yavolera Yeso “Mwigizi, ni vulahi kove hano. Leka kwumbake ividioli vivaga. Kilala ichicho, ikindi cha Musa, ni ikindi cha Elija.”

Luka 22:32

Navuzwa inzi mali kukusaalira ku Nyasaye, Simoni, ndi lisuuvira liilio litageha mba. Lwa ivi wirana ku inzi, uladinyiriza mioyo ja avamwavo vovo.”

Yohana 1:38

Yeso yikivuka nalora aviigi zana nivamulondaa. Yavateva, “Mwenya ki?” Navo vaamutivulira, “Rabi, ivi omenyi hayi?”

Yohana 1:49

Nazanieli yamutivulira, “Mwigizi, ivi niyie Mwana wa Nyasaye! Ivi oveeye Mwami wa Isiraeli!”

Yohana 11:8

Aviigi vamuvolera, “Mwigizi, ing'inga engekeeke iviti kutura lwa Avayuda venya kukwita na magina, na ivi wenyaa kwilana yo kandi?”

Yohana 20:16

Yeso yamuvolera, “Maria!” Maria yagirung'ana namuhenza. Yamuvolera mu Luheburaina, “Raboni!” Yili ni likuva mu luheburaina livoora “Mwigizi.”

Yohana 3:2

Lidiku lilala yaza ku Yeso vudiku, namuvolera, “Rabi, kumanyi ivi oveeye mwigizi watura ku Nyasaye, kigira avulaho mundu unyala kokora vilolekizu via okolaa yivi, Nyasaye nataveeye harara naye.”

Yohana 3:26

Kunangwa aviigi yava vazia ku Yohana nivamuvoolera, “Mwigizi, wizulizaa mundu waali harara niivi ku lovega lwa ivugwi wu mugera gwa Jorodani, uwa ivi walolekiza amakuva gi iliiza lilie? Henza, kalunu abatizaa, na avandu vosi vazizaa kuye!”

Yohana 4:31

Ing'inga yene yeyo, aviigi veve vaali nivagoonyaa Yeso; “Mwigizi, ulie chukulia.”

Yohana 6:25

Lwa avandu yavo vanyoola Yeso kolovega lundi lwi inyanza vamuteeva, “Mwigizi, uduuki hano ng'inga ki?”

Yohana 9:2

Aviigi veve vamuteeva “Mwigizi! Nivwaha wakola vwoni, mundu uyu, anoho aviivuli veve, ma ni yiivulwa mboku?”

2 Vakorintho 1:24

Sikogerizaa kutumikira zingulu kumuvolera cha muduukana musuuviri mba, munyi musingiraa vudinyu mu lisuuvira lienyu. Muvogono yivwo kuyinziraa harara ni munyi muduuki kuva nu vusangali.

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

Vafeso 3:15

oveeye uvutangiliru vwa vuli ihiiri yu mwigulu kandi ya haasi enyooraa lieta liayo liagiligali.

Filemona 1:16

Sigaveeye kuli umutugwa, navuzwa aviti mutugwa ligali, aveeye amiitu umuyanze mu Kristo. Aveeye umuyanze ligali ku inzi ligali! Kandi ku ivi alava umuyanze ligali kuli mutugwa kandi kuli amiitu mu Mwami.

Yakobo 3:1

Avaamitu vange, vanyingi kumunyi mutava avigizi mba. Kuli mumanyi vulahi ndi kunyi avigizi kulakanyoola likalagirwa linene kuvita avandi.

1 Petro 5:3

Mutagerizi kwamiiha kandi gatava kuli mwekora avanene vamulinda mba, navuzwa muve kelolero chi ichayo.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.

Likunula 22:9

Navuzwa yambolera, “Utakola ndio mba! Inzi mbeeye vuzwa umutumikiri wacho, harara na avamwavo vovo avaporofeti, harara na yavo valonda amakuva gi kitabu yiki. Sigamira Nyasaye!”