Matayo 23:14 - KITABU KITAKATIFU

¹⁴ O, vayaye, kilaamo keveeye ku munyi avigizi vi Lilaga na Avafarisayo! Avagaadi munyi! Mwonogonyia zinyumba zia avakunzakali nukuvanuula viosi, kandi mwekora avalahi ku lisaala masaala matambi! Kigira yaga, mulanyola amaduywa manene ligali kuvita.”

Matayo 23:14 Iomraidhean Croise

Ayubu 22:9

Ivi wakunga vakunzakali vugira kindu choosi, kandi wavunaga makono ga avavisandu.

Ayubu 31:16

“Sindasula kokonya avadaka mba; sindakola ku avakunzakali kukuza mioyo mba,

Kutwula 22:22

Mutakoleri mukunzakali anoho muvisandu uvudamanu woosi mba.

Matayo 11:24

Ku Lidiku lie Likalagirwa, Nyasaye alamanyia livererwa ku avandu va Sodoma kuvita munyi.”

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Matayo 23:33

Zinzoka munyi! Avana vi vihirigoma munyi! Mu lihononoka ndi ku likalagirwa liu muliru gwe gehena?

Marko 12:40

Vanuraa nukudambiza zinyumba zia vakunzakali ni vasaala masaala matambi nu vugadi! Mu lidiku lie likalaga, yavo valakanyore amaduywa manene kuvita.”

Luka 12:48

Navuzwa uyu uwavula kumanya aga yenyeka akole, ma akola agadukanaa lihevwa amageri, alakuywa hakekeke. Ku vosi uwahevwa vinyingi, alateevwa kuhaana vinyingi ligali. Na ku vosi uwa avandu vaheza kulinda vinyingi, kandi ndio alateevwa kuhaana vinyingi.

Luka 20:47

vavugura vindu viosi via vakunzakali kandi vavihira mu zinyumba ziavo, kigira venya kufumilira agavakolaa, vasaala amasaala matambi. Yava valanyora mageri manene ligali kuvita!”

Tito 1:10

Vaveeye ho avandu avanyingi ligali, mbitilira aviganiri kutura mu dini ya Avayuda, avibaaraa nukugaada avandu vandi namakuva gaavo guvusiru.

Yakobo 3:1

Avaamitu vange, vanyingi kumunyi mutava avigizi mba. Kuli mumanyi vulahi ndi kunyi avigizi kulakanyoola likalagirwa linene kuvita avandi.

2 Petro 2:14

Sivenyaa vaheenze ku kindu kindi mba, navuzwa avakali vaheyi venyine; kandi liegamba liavo ku likora uvwoni siliveeye ne keheri mba. Vagoonya nu kwimilira avandu vadedekere kwingira mu mutego gwu uvwoni. Imioyo jaavo jaanalizwa kuva mu vuhuvaali. Nyasaye yavalaama!

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.