Matayo 23:13 - KITABU KITAKATIFU

¹³ “O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Matayo 23:13 Iomraidhean Croise

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Zekaria 11:17

O, vayaayi, kilaamo keveeye ku mwayi utinyalizaa umali koleka chayo chiche! Uvulwani vulakadivizi zinguru zizie ziosi. Mukono gwigwe gulakuumi, kandi emoni yeeye inungi ilakavakuli.”

Matayo 23:16

“O, vayaye, kilaamo keveeye ku munyi aviimiliri vavoku! Munyi mwigizaa, ‘Niiva mundu yisuha ku Litembeli, liesuuha lilie silimuvohi mba. Navuzwa ni yisuha ku izahabu yu mu Litembeli, iliesuuha lilie limuvohi.’

Matayo 23:23

“O, vayaye kilaamo kenene keveeye ku munyi, avigizi vi Lilaga kandi Avafarisayo! Avagaadi munyi! Muhaanaa ku Nyasaye kidieli chi likomi kali izaka yi vitagwa vifunya mwayu ni vimuli, nu mudalasini, navuzwa muleki kugumira amigizu gaveeye amanene agi Lilaga kuli uvulungi, livelererwa, kandi uvusuuvirifu. Agene yaga nigo agamuduukira mukore vugira koleka agandi.

Matayo 23:25

“O, vayaye kilaamo kenene keveeye ku munyi avigizi vi Lilaga na Avafarisayo! Avagaadi munyi! Mwogizaa ichova we kekombe ni sahani, navuzwa mugati mwavio mwizuyi ivindu via munyooye kuzinguru ne mbodoka.

Matayo 23:27

“O, vayaye kilaamo kenene keveeye ku munyi avigizi vi Lilaga na Avafarisayo! Avagaadi munyi! Muveeye kuli vilindwa vivakiywi ichoka, vifanaa vulahi kwigulu, navuzwa mugati vizuyi vigumba kandi uvugundu vwi miviri ja vakuzu ijiguundaa.

Matayo 23:29

“O, vayaye kilaamo keveeye ku munyi, avigizi vi Lilaga kandi Avafarisayo! Avagaadi munyi! Mwumbakaa vilindwa vilahi via vaporofeti, kandi musiahaa ivifananyi viavazwa kwizuliza avalungi;

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Luka 11:52

“O, vayaye kilaamo keveeye ku munyi avigizi vi Lilaga! Kigira muvuguyi nukuvisa ulufungu lwu muliango gwi inyumba yo vogeri vwi limanya. Navuzwa munyi aveene simwingiraa mu mba, kandi mwigalira avaari nivingira vavuli kwingira.”

Yohana 9:22

Aviivuli veve vavoola ndio kigira vaatia avanene va Avayuda kigira avanene yavo vaali nivavugilirizani ndi mundu woosi uwiyama havulavu ndi asuviraa Yeso kuva Mesia, alakungwa kutura mu Lisinagogi.

Yohana 9:24

Kunangwa, valanga mundu waali mboku oyo haali kaviri nivavoora, “Ohe Nyasaye uvukumi. Kunyi kumanyi mundu okohonyi uyu aveeye mwoni.”

Yohana 9:34

Vaamutivulira, “Ivi wivulwa kandi nuvilukizwa mu wvoni vonene, unyala ndi kwigiza kunyi?” Maku vamukunga kutura mu lisinagogi.

Vikolwa 13:8

Navuzwa vahangalizwa nu musigitiri Elima kuli yalangwa mu Luguriki, uwageriza kwigalira munene wikisulu avuli koyeeka ku lisuuvira lia Kristo.

Vikolwa 5:28

“Kwamwiganihiza vudinyu ligali mutigiza ku lieta liu mundu uyu mba; na kalunu, heenzi aga mukoli! Mulandizi amigizu ginyu mu Jerusalemi mwosi, na mwenya koleta kisaalia chilikuza liu mundu uyu ku kunyi!”

Vikolwa 5:40

Valanga avatumwa viirane mu kiyaalo ni vahaana amalago vakuywi, ni vaviganihiza vatigiza kandi ku lieta lia Yeso mba. Maku vavaleka vazie.

Vikolwa 8:1

Saolo yalora kekolwa navugilira ku liitwa lia Sitefano. Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria.