Matayo 23:12 - KITABU KITAKATIFU

¹² Oyo wenenehizaa, alagehizwa; naye uwegehizaa alanenehizwa.

Matayo 23:12 Iomraidhean Croise

Ayubu 22:29

Nyasaye yikizaa hasi avigingiri, navuzwa alahonyia yavo avegehizaa.

Zaburi 138:6

Kali noveeye igulu ligali, odendaa avadedekere. Navuzwa avigingiri sivanyala kwivisa kutura ku ivi mba.

Tsing'ano 15:33

Liitia Yahova liveeye konyoora miigizu. Gakuduukiraa ove muhocha nulanyoola luyali.

Tsing'ano 29:23

Mundu oveeye ni lielora luyali lugeha kuye, navuzwa oyo wegehizaa mu mwoyo alahevwa luyali.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Matayo 18:4

Ku vosi uwegehizaa kuli umwana mukekeeke uyu, aveeye umunene mu Vwami vwu mwigulu.

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Luka 14:11

Kigira ku vosi, uwenenehizaa, alagehizwa, na uwegehizaa alanenehizwa.”

Luka 18:14

Muvooleraa, musololi wu vusuuru uyu yirana yengo weve nakoleywi mulungi na Nyasaye kuvita Mufarisayo oyo. Kigira ku vosi wenenehizaa umwene, alagehizwa; na ku vosi uwegehizaa alanenehizwa.”

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

1 Petro 5:6

Mwegehizi hasi hu vunyali vwa Nyasaye, naye alamunenehiza mu ing'inga yeeye indahi iduuka.