Matayo 22:3 - KITABU KITAKATIFU

³ Yatuma avatumikiri veve avaari nivagerihiziywi kuuza mu keserero. Navuzwa si venya kuuza mba.

Matayo 22:3 Iomraidhean Croise

Zaburi 68:11

Yahova yalaga, na avakali vanyingi valandiza makuva zana:

Isaya 30:15

Yahova Mwami Wuvunyali, Nyasaye Mutakatifu wa Isiraeli, avooreraa avandu, “Mwirane ku inzi galaha, kandi musuuviri inzi. Nimukora ndio, mulava ni zinguru kandi mulava mulikingwa.” Navuzwa si mwenya kokora ndio mba!

Jeremia 25:4

Kali niiva Yahova yaazizagilira kutuma ku mwinyi avatumikiri veve avaporofeti, navuzwa si mwenya kuhuliriza mba.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Hosea 11:2

Navuzwa lwa ndameda kumuvalanga, nilwo lwayazizagilira kutura ku inzi. Avandu vange vahaana visiuviliru ku Baali, kandi vasamba vifunya mwayu ku vifananyi.

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Zefania 1:7

Lidiku liveeye ahimbi lia Yahova ahaanaa likalaga, kulwayago muchiring'ane imbiri weeve. Yahova alohizaa kuhaana vandu veve kuli kisiuviriru, kandi umali koleta vasigu kwingilira kivala chi Ivuyuda.

Matayo 21:34

Lwi ing'inga yi ligesa mazabibu yaduuka, yatuma avatumikiri veve ku valimi ndi vamuhe ku mazabibu geege.

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Matayo 3:2

“Mwiganiri, kigira Uvwami vwu mwigulu voveeye ahimbi.”

Matayo 9:15

Yeso yavativulira, “Avageni valangiywi mu lisavo lie keserero, vanyara kovelera lwa osereeywi aveeye harara navo? Awa! Navuzwa lidiku liladuuka lwa oyo oseleraa umwiha alitulizwa kuvo, ulwene yilwo nilwo lwa valihonga lilia.

Luka 13:34

“O, vayaye munyi avandu va Jerusalemi! Ivi Jerusalemi, wita avaporofeti, nulasa amagina avatumwa va Nyasaye atumaa ku ivi! Ndayeenyaa kuvungiza harara avana vovo kuli engoko ivungizaa viminyu viayo muzimbaha ziayo haali kanga, navuzwa munyi simwa mbugilira!

Luka 15:28

“Muyaayi munene uyu yavihilirwa ligali nasuura kwingira munyumba. Navuzwa baba weve yatura ichova namugoonya yingiri.

Luka 19:27

Navuzwa avasigu vange avatayaanzaa inzi nzamiihi kuvo, mu valeete hano, muviitiri imbiri wange.’ ”

Yohana 5:40

Kali ndio, munyi simwenya kuuza ku inze muduuki konyoora livamwoyo mba.

Vikolwa 13:45

Navuzwa Avayuda lwa valora viduma via avandu, vizura embodoka, nivahangaliza makuva ga Paolo yavoola, nivamunyega.

Varumi 10:21

Navuzwa ku Isiraeli avoora, “Umbasu gwosi ndegomba kuhambana na vandu vavura kuhulira kandi avibaali.”

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Vahebraina 9:15

Kigira yaga, Kristo niyie olohizaa lilagana lihia, kunangwa yavo ava Nyasaye amali kulanga vaduuki konyoora vugasu vwi mihiga ni mihiga, vwa Nyasaye yavasuuviriza. Yaga ganyala kokolwa kigira likuza limali kuva ho; ilivohololaa avandu kutura mu mahiolo gavakolaa lwa lilagana liukutanga liali nilikikiri ho.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.

1 Samweli 9:13

Nonoho lwa mwingira mu lidaala, mulamunyoola vwangu nakikiri kuzia ku vwali kulia. Avandu vagenihiziywi si valatanga kulia nakikiri kuuza mba, kigira kuduuka agaasizi kihanwa kutanga. Mwanigiri kalunu; mulamunyoola ing'inga yiyi.”