Matayo 22:13 - KITABU KITAKATIFU

¹³ Hene yaho mwami yavolera avatumikiri veve: ‘Muvohi amakono ni virenge, mu siuvi mu kisundi ichova. Uwene yeyo alalira nu kudiedieyiza amiinu.’ ”

Matayo 22:13 Iomraidhean Croise

Zaburi 112:10

Mundu mudamanu alolaa yaga ma avihilirwa ligali; alumanyia amiinu kumanyia livihirirwa linene ma agota. Liegomba liu mundu mudamanu lilava hazwa.

Zaburi 37:12

Mundu mudamanu alohizaa mu vwivisu kokora uvudamanu ku mundu mulahi, kandi amuhenzaa nu kumudunyira.

Isaya 52:1

Avandu va Jerusalemi, muve nizinguru zinene kandi! Lidaala litakatifu lia Nyasaye, mwiviki munyi aveene vukumi! Avandu vatamanyi Nyasaye, sivalingira mu virivwa vivio kandi mba.

Danyeli 3:20

Kandi yalagiza vasaza vizingulu kutura mu vandu vi liihi lilie vavohe vasaza vavaga yava nu kuvasiuva mu kisambiru cho lomemo lwu muliru,

Matayo 12:29

“Anoho umundu anyala ndi kwingira munyumba yu mundu wundi wi zinguru nukumunyaga vindu vivie, naatatangi kovoha wi zinguru oyo kunangwa anyale limunyaga ivindu vivie zana?

Matayo 13:30

Leki viombi viviruki harara kuduuka ing'inga yi ligesa. Ing'inga yene yeyo ndakavoolere avagesi. Mutange kuvungiza amavanze, mugavohe mu zinganya gasambwi. Navuzwa ingano mugivungizi na mugeteere mu kedeera change.’ ”

Matayo 13:42

nukulaswa mu kisambiru chu muliru. Ahene yaho avandu valalira nu kudiedieyiza amiinu.

Matayo 13:50

na valasiuva avachamu zana mu kisambiru. Ahene yaho avandu valalira nu kudiedieyiza amiinu.”

Matayo 24:51

Alakamuhe amageri kandi alakamusiuvi ichova ma amuviiki mu kidieli kilala harara na vagadi. Halava ni lilira kandi lidiedieyiza amiinu.

Matayo 25:30

Umutumikiri uwavula koleta iviuvukala uyu, mu musiuvi ichova mu kisundi! Uwene yeyo alalira nu kudiedieyiza amiinu.’

Matayo 8:12

Navuzwa avaadukana vave mu Vwami yivwo valateevwa ichova mu kisundi. Wa valilira ni vadedeiza amiinu gaavo.”

Luka 13:28

Kunangwa kulava ho nukulira kandi nukudiedieyiza amiinu, lwa mulilora Aburahamu, Isaka na Yakobo, na avaporofeti vosi nivaveeye mu Vwami vwa Nyasaye, navuzwa munyi aveene nimuteveywi ichova.

Yohana 21:18

Ngovolera agiligali, nukikiri musoleri, waali nuwanala kwevoha musibi nukuzia hoosi aha wenyaa. Navuzwa lwa uliva musakulu ulakanyili makono googo, nu mundu wundi alakakovohe musibi nukukuhila aha utayaanzaa.”

Vikolwa 21:11

Yaza ku kunyi, navugura musibi gwa Paolo niyevoha virenge na makono, na avoora, “Roho Mutakatifu avoora ndi: ‘Avayuda va Jerusalemi valakavohe ndi mundu mwene musibi yigu, nu kumuviika mu makono ga avandu vi Zihiiri!’ ”

Vikolwa 7:54

Lwa avakulundu vi kiyaalo vahuliriza amakuva ga Sitefano, vavihilirwa ligali, nivalumanyia amiinu gaavo mu uvutima.

2 Vatesalonike 1:9

Valahevwa mageri agaveeye lidivizwa lie mihiga ni mihiga kandi kwavukanywa kutura imbiri wu Mwami kandi kutulizwa mu vukumi vwi zinguru zizie.

2 Petro 2:17

Avandu yava vaveeye kuli vidaho vitaveeye na mazi, kuli amalesi gi kihuzuzi kihiraa; Nyasaye yavavikira ovomenyo mu vogo vwi kisundi kenene.

2 Petro 2:4

Nyasaye siyavererera zingelosi ziakola vwoni mba, navuzwa vazisiuva mu gehena, wazialindwa mukisundi nizivoheywe minyororo kuduuka likalagirwa.

Yudasi 1:13

Avandu yavo vaveeye kuli iviguvuli vinene vie inyanza ivitiigalilangwa ni ivikolwa viavo vie zisoni vilolekaa kuli ulufulu. Vaveeye kuli zing'ereng'ani zivodong'ana nga, izia Nyasaye yavikira uvwiyangu mu kisundi mihiga ni mihiga.

Yudasi 1:6

Mwizurizi zingelosi avavura kulinda uvwiyangu vwu vunyali vwavo, navuzwa nivaleka havundu ho vomenyo vwavo: vavofwa ni minyororo mihiga ni mihiga mu kisundi ha Nyasaye yavavika valindi ilikalagirwa ku Lidiku linene yilio.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.