Matayo 21:12 - KITABU KITAKATIFU

¹² Yeso yingira mu Litembeli lia Nyasaye, nakunga avandu vosi avaari nivagulizaa nukugula ivindu. Yaatung'aminya izimesa zia vakiranyi va mabese, ni zindeve zia yavo avagulizaa vidudi.

Matayo 21:12 Iomraidhean Croise

Kutwula 30:13

Vuli mundu uvalizwa kuduuka atuungi mutungu gwa mabese genyekaa, nigabimiywi kolondekana ku vuguli vwavugilirwa na vanene. Vuli mundu kuduuka atuungi yaga kuli kihanwa ku Inzi.

Kyavalevi 1:14

Niiva mundu alahaana ku Yahova kihanwa chu kusambwa chi linyonyi, kuduuka keve likuulu anoho kidudi.

Kyavalevi 12:6

Lwi ing'inga yi litakaswa lilie iva niyakafa, naave mwana muyaayi anoho mwana mukaana alaleeta kememe chi ligondi chu muhiga mulala ku musaalisi ha vwingiliru vwi Lihema liukuvuganira mu na Yahova, kuva kihanwa chu kusambwa. Alaleeta kandi, likuulu lilala litugi anoho liumbulimu kuva kihanwa chu vwoni.

Kyavalevi 12:8

Niiva mukali oyo sianyala konyoora kememe chi ligondi chumuhiga mulala, alaleeta makuulu matugi gaviri anoho makuulu gu muvulimu gaviri; lilala kuva kihanwa chiche chukusambwa, na lindi kuva kihanwa chiche chuvwoni. Na musaalisi alamulombera chukutulizaho uvwoni vwivwe, naye alatakaswa.

Kyavalevi 14:22

Alaleeta kandi makuulu gaviri gu muvulimu, anoho makuulu gaviri matugi, lilala kigira kihanwa chu uvwoni ni lindi kigira kihanwa chu kusambwa.

Kyavalevi 14:30

Maku alahaana lilala ku makuulu matugi anoho gumuvulimu

Kyavalevi 15:14

Ku lidiku lia munane alavugula makuulu gaviri gu muvulimu anoho makuulu gaviri matugi na alazia nago ha vwingiliru vwi Lihema liu kuvuganira, imbiri wa Yahova, nokugahaana ku Musaalisi.

Kyavalevi 15:29

Ku lidiku lia munane alavugula makuulu gaviri gumuvulimu anoho makuulu gaviri matuge na agahili ku musaalisi ha vwingiliru vwi Lihema liu kuvuganiramu na Yahova.

Kyavalevi 5:11

Niiva mundu sialanyaliza koleta makuulu gaviri matugi anoho makuulu gaviri gu muvulimu alaleeta ikilo ndala yuvusie kuli kihanwa chu uvwoni. Sialazuganyia na maguta ga muzeituni anoho kimuli mba, kigira keveeye kihanwa chu uvwoni. Sikeveeye kihanwa chu vuswage mba.

Kyavalevi 5:7

Niiva mundu sialanyala konyoora kememe chi ligondi anoho imburi, alaleeta ku Yahova kuli mutungu gwu vwoni vwivwe, makuulu gaviri matugi anoho makuulu gaviri gumuvulimu. Lilala lilava kisiuviriru chu uvwoni nilindi lilava kisiuviriru chu kusambwa.

Marko 11:11

Yeso yingira mu lidaala lia Jerusalemi, nazia kali mu Litembeli, nahenza ku vindu viosi. Navuzwa kigira isi yaali ni yakamwama, yazia Bezani harara na avaari aviigi likomi na vaviri.

Luka 2:24

Vazia vaduuki kuhaana kihanwa chukusaalisa: amakuulu gaviri gumbulimu, anoho vidudi viviri kolondekana ni lilago liu Mwami.

Yohana 2:13

Lisavo lia Vayuda lilangangwa Lipasaka liali ahimbi, kunangwa Yeso yazia Jerusalemi.