Matayo 20:8 - KITABU KITAKATIFU

⁸ “Lwa gwaduuka mugolova, umwene kizabibu yavolera mulindi wi vindu vivie, ‘Langa avayinziri, uvatungi mitungu jaavo. Utangiri ku avasamuyi inyima, kuduuka ku avaari vukutanga.’

Matayo 20:8 Iomraidhean Croise

Litanga 15:2

Navuzwa Aburamu yativura, “O, Mwami Munene Yahova, madanyi yaga nagangonye naki? Kigira inzi si mbeeye nu mwana mba. Umundu wa inzi mbeeye naye weng'ine ni Elieza wa Damasiko. Uyu niyie ulivugula miandu jange.

Litanga 43:19

Kunangwa hakiliango chi inyumba, vavoolera mutumikiri wuvunyali,

Kyavalevi 19:13

“Mutadambizi avatende vinyu anoho kuvanyaga ivindu viavo mba. Mutahaanda ku mitungu ja vatumikiri vinyu kali lidiku lilala mba.

Matayo 20:7

Navo vaamutivulira. ‘Kigira sikoveeye nu mundu okoheeye miyinzi mba.’ Naye yavavolera, ‘Kali munyi muzie muyinziri mu mulimi gwange gwi mizabibu.’

Matayo 20:9

Maku vaza avasamulizwa zisa likomi na ndala, na vuli mulala kuvo yanyoora mutungu gwi lidiku liosi idinari ndala.

Matayo 25:19

“Inyima wa madiku manyingi, mwami wa vatumikiri yavo yaza. Yaatanga koteeva kuli vuli mulala yatumikira ekegero cha yahevwa.

Matayo 25:31

“Lwu Umwana wa Adamu aliiza kuli Umwami harara ni zingelosi vosi alikala ku endeve yu vwami vwivwe,

Luka 10:7

Mumenye munyumba zana. Mulie kandi munwi choosi cha muhevwa; kigira muyinziri adukanaa na madanyi geege. Mutavoyavoya kutura mu zinyumba yiyi niyi mba.

Luka 12:42

Mwami yamutivulira, “Nivwaha oveeye mutumikiri musuuvirifu na wovogeri uwu mwami weve aviikaa ave munene ku avatumikiri vinyumba yeeye, avahe viukulia viavo mu ing'inga yenyeka?

Luka 8:3

na Joana mukali wa Chuza, uwaali mulindi munene wuvutugi vwi inyumba yoosi ya Herodi, Susana kandi vandi avanyingi. Avakali yava vatumikira linyola liavo okokoonya Yeso harara na aviigi veve ku viukulia.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.

Kwidzulitsa 24:15

Vuli lidiku, liuva nilikiri koyeera, muvatuungi mitungu jie lidiku yilio. Venya mabese yago kandi vaviiki mioyo jaavo josi ku liganyoola. Gase nimuvula kuvatuunga, valanira ku Yahova kigira munyi, na mulava ni lihiolo liu vwoni.

Tito 1:7

Muheenzi wi likanisa aveeye mulindi wi miyinzi ja Nyasaye; gamudukira ave mundu utaveeye nimbara. Atava mutindi, anoho wuvutima vwa vwangu; atava muhambiki, anoho mukubani, atava mukayirwi, utaveeye musuuvirifu ku mabese anoho mwimani mba.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Petro 4:10

Vuli mundu, kuli umulindi mulahi wi vihaanwa via Nyasaye lugano lugano, kuduuka atumikiri ikihaanwa chiche ekenene yiki kulwo kugasiza avandi, ni kihanwa kilahi yiki chamali konyoora kutura ku Nyasaye.

Ruth 2:6

Mwimiliri oyo yativura navoora, “Aveeye mukaana mu Moabu uwaza harara na Naomi kutura mu kivala cha Moabu.