Matayo 20:23 - KITABU KITAKATIFU

²³ Yeso yavavolera, “Agiligali mulanwera mu kekombe change, navuzwa kwikala ku mukono mulungi anoho ku mukono mumosi gwange, siaveeye inzi uhaanaa mba. Navuzwa vwiyangu yivwo voveeye ku yavo, ava Baba wange yalombera.”

Matayo 20:23 Iomraidhean Croise

Matayo 13:11

Yeso yavativulira, “Munyi muheveywi kumanya agaviswa gu Vwami vwu mwigulu, navuzwa yavo sivaheveeywi ndio mba.

Matayo 20:24

Lwa aviigi vandi avaari likomi vahulira yaga, vaavihilira avamwavo vaviri yavo.

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Marko 10:40

Navuzwa avaliikala ku mukono gwange mulungi anoho mumosi simbeeye nuvunyari kotovola nivwaha ulikala ku mukono gwange mulungi anoho mumosi mba. Ni Nyasaye ulihaana uvwiyangu yivu ku yavo ava yamala kwetegekizira.”

Vikolwa 12:2

Yita Yakobo amwavo Yohana ni kivavi.

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

1 Vakorintho 2:9

Navuzwa kuli Mang'oda Matakatifu gavoora, “Kindu chu mundu yavula kolola anoho kuhulira, kindu chu mundu yavula kuganagana kilekoleka, nicho kindu zana cha Nyasaye, yeetegekizira yavo ava muyanzaa.”

2 Vakorintho 1:7

Kunangwa lisuuvirizwa lietu mu munyi silinyala kodengeyizwa mba; kumanya ligali kuli musangaa mu vusaliri vwitu, kandi mulasanga ndio mu vokonyi vwa kunyi konyoora.

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.