Matayo 20:21 - KITABU KITAKATIFU

²¹ Yeso yamuteeva, “Wenyaa ki?” Mukeere oyo yamuvolera, “Uhaane lilagana ku avana vange vaviri yava ndi, mulala aliikale ku mukono mulungi, nu wundi ku mukono mumosi mu Vwami vuvwo.”

Matayo 20:21 Iomraidhean Croise

1 Avami 2:19

Kunangwa Bazisheba yazia komoloma ku mwami mu vogono vwa Adonija. Mwami yasingira kucheliza mama weve, kandi namwinamira. Maku yikala kondeve yeeye yu vwami, kandi nalaga iyindi eleetwe mama weve yikare ku mukono mulungi gwigwe.

1 Avami 3:5

Vudiku yivwo, Yahova yaloleka kuye mu maloto kandi namuteeva, “Wakayaanzi ngohe kindiki?”

Esther 5:3

Nu umwami yamuteeva, “Esiteri, ni kindu ki cha wenyaa? Mbolera cha wenyaa, na ulaheevwa, kali niiva ni nusu yu vwami vwange.”

Zaburi 110:1

Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

Zaburi 45:9

Avakaana va vami vaveeye valala ku vakali vinyumba yooyo vuluyali kandi mukali wu mwami usingiyi ku mukono gugwo mulungi; niyiviiki liesiaha lie zahabu indahi ligali.

Jeremia 45:5

Weyenyela likolerwa vulahi ivi mwene? Utakola ndio mba. Inzi ndeta kivi ku avandu vosi, navuzwa ndakohonyia vuli havundu hoosi ha uzia. Inzi, Yahova mali kovora.”

Matayo 18:1

Ing'inga yeyo aviigi vaza ku Yeso, ni vamuteeva, “Ni vwaha oveeye munene mu Vwami vwu mwigulu?”

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Matayo 20:22

Yeso yativulira avayaayi zana, “Mumanyi cha muteeva mba. Munyi munyala kunwa ekekombe chu vusaliri icha mbeeye ahimbi kunwa?” Navo vamutivulira, “Kunyala.”

Matayo 20:32

Maku Yeso yasingira navalaanga kandi navateeva, “Mwenya mukolere ki?”

Marko 10:51

Yeso yamuteeva, “Wenyaa ngokolere ki?” Umboku oyo yamuvolera, “Mwigizi, nyenya ndore ka ndi.”

Marko 16:19

Lwu, Mwami Yeso yaali niyakamoloma navo, yavugurwa kuzia mwigulu, ni yikala ha mukono mulungi gwa Nyasaye.

Marko 6:22

Mukaana wa Herodia yingira navina, nayaanziza Herodi harara na avageni veve ligali. Mwami yavolera mukaana oyo, “Usave inzi choosi cha wenyaa nainzi ndakuha.”

Luka 18:41

“Wenyaa ngokolere ki?” Naye yamutivulira, “Mwami, ngogonya nduuki kolola kandi.”

Luka 19:11

Lwa avandu vaali nivakihuliriza ku ivindu yivi Yeso yaazizagilira navavoolera lugano. Yaali naveeye ahimbi kuduuka Jerusalemi ligali kandi avandu vaganagana ndi uvwami vwa Nyasaye vuzizaa kololeka vwangu.

Luka 22:24

Lihangalizana liatulira hagati ha aviigi ndi ni uliha kuvo unyala kuganaganwa aveeye munene ligali hagati haavo.

Yohana 15:7

Nimumenya mu inzi na amigizu gange nigamenya mu munyi, musaale choosi cha mwenya na munyi mulahevwa.

Vikolwa 1:6

Lwa avatumwa vavugana harara na Yeso, vamuteeva, “Mwami, ing'inga yiyi uliranyira Isiraeli Uvwami?”

Varumi 12:10

Muyaanzane aveene na veene kuli avamwavo mu Vukristayo; na mwegombe kuhaanirana uluyali munyi aveene naveene.

Varumi 8:34

Nivwaha ulikalaga? Ni Kristo Yeso wakuza yee, wasimugukizwa kutura mu vakuzu, oveeye ha mukono mulungi gwa Nyasaye, ukusaaliraa?

Vakolosai 3:1

Kunangwa ni muva ni mwasimugukizwa na Kristo, muviiki zing'anagani zienyu ku ivindu viveeye mwigulu, aha Kristo yikaye ha mukono mulungi gwa Nyasaye.