Matayo 2:4 - KITABU KITAKATIFU

⁴ Kunangwa yalanga harara avasaalisi vanene vosi, na avigizi vi Lilaga, navateeva, “Mesia alivulwa haliha?”

Matayo 2:4 Iomraidhean Croise

2 Kyetsinyinga 34:13

Na vandu va Levi vandi vasingilira uvugingi vwi vindu viatumika ku vwumbaki, kandi kohenza avayinziri vaakora miyinzi lugano na lugano, na vandi vaali avang'odi, na vandi vaali avanene na vandi vaali avalindi vivirivwa.

2 Kyetsinyinga 34:15

Yavolera Shafani mung'odi, “Nyooye kitabu chi Lilaga mu Litembeli lia Yahova.” Yavugula kitabu chi Lilaga yiki nahaana ku Shafani,

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Ezara 10:5

Kunangwa Ezara yakola aviimiliri va vasaalisi kandi avandu vinyumba ya Levi harara na vandu vandi vosi va Isiraeli kwisuha ndi valakola aga Shekania yaali navooye.

Ezara 7:6

Ezara uyu yaza kutura Babiloni. Yaali mwigizi wamanyiriza ligali lilaga lia Yahova, Nyasaye wa Isiraeli yaali nahaani ku Musa. Mwami yamuha choosi chayateva kigira Yahova Nyasaye yaali harara naye.

Nehemia 12:7

Selu, Amoki, Hilikia na Jedaya. Yava vaali aviimiliri va avasaalisi harara na avamwavo vaavo mu madiku gu musaalisi munene Joshua.

Zaburi 2:2

Avami vi lirova vibaara vene. Avamihi vaavo valomba zing'anagani mu vwivisu ukusuula Yahova Nyasaye Wuvunyali Viosi harara nu mwami mutovole weve.

Jeremia 8:8

Munyi munyalandi kovora muveeye avageri, kandi mwamanya amalago gange? Henza, avang'odi avataveeye avasuuvirifu vamali kugirung'anyia amalago kugwa ovovehi.

Malaki 2:7

Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

Matayo 13:52

Yeso yavavolera, “Ku lwa yago, Mwigizi wi Lilaga samulala, umali kwigizwa amakuva gu vwami vwu mwigulu, aveeye kuli mundu mwene inyumba, utuliza mu kedeera chiche ivindu vihia kandi ivindu vikulu.”

Matayo 2:3

Lwu Mwami Herodi yahulira yaga, yaahenda mwoyo harara na avandu vosi va Jerusalemi.

Matayo 2:5

Navo va mutivulira, “Mu lidaala lia Bezelehemu, mu ikivala chi Vuyuda, kigira nindio gang'odwa nu muporofeti:

Matayo 21:15

Avasaalisi vanene kandi Avigizi vi Lilaga vavihilirwa ligali lwa valora agokogenyia ga Yeso yakola, na avana ni vaahanzuka mu Litembeli ni vavoola: “Hosana ku Umwana wa Daudi.”

Matayo 21:23

Yeso yingira kandi mu Litembeli ni yigiza. Lwa yaali ni yigizaa, avasaalisi vanene na vakulundu vamuteeva, “Okolaa ivindu yivi ku vunyali vwa vwaha? Nivwaha wakuha uvunyali yivu?”

Matayo 26:3

Maku avasaalisi vanene navakulundu vavugana harara ha mugizi gwinyumba yu Musaalisi Munene uwalangwa Kayafa,

Matayo 26:47

Lwa Yeso yaali nakemoloma navo, Yuda uwaali mulala ku aviigi likomi na vaviri yaduuka. Harara naye ikiduma kenene chamulonda nivaveeye ni vivavi kandi ivigurumi, avaari nivatumiywi na vasaalisi vanene navakulundu.

Matayo 27:1

Lwa vwacha, avasaalisi vanene na vakulundu vaakora kiyaalo ku Yeso nivalomba zing'anagani kuli vanyara kumwita.

Matayo 7:29

Kigira siyigiza kuli avigizi vi Lilaga mba, navuzwa yaavigiza kuli umundu oveeye nu vunyali.

Marko 8:31

Maku Yeso yaatanga kwigiza aviigi veve navoora, “Gaduukanaa Mwana wa Adamu avitiri mulidambizwa ilinyingi nu kusuulwa na vakulundu na avasaalisi vanene harara na aviigi vi Lilaga. Aliitwa, na inyima wa madiku gavaga, alasimuguka.”

Luka 20:19

Avigizi vi lilaga na vasaalisi vanene venya kumugumira ulwene yilwo, kigira vamanya Yeso yavavolera lugano yilu, navuzwa vaatia avandu.

Luka 23:10

Avasaalisi vanene na avigizi vi Lilaga vasingira, nivamuyaala nu vululu.

Yohana 18:3

Kunangwa, Yuda yavugula muganda gwa avasikari va varumi na avalindi valala vi Litembeli avatumwa na Avafarisayo, navasaalisi nivaveeye nizitaaya, zimuri ni viugi.

Yohana 3:10

Yeso yamutivulira, “Ivi oveeye mwigizi munene mu Isiraeli na siumanyi vindu yivi?

Yohana 7:32

Avafarisayo vahulira avandu nivamonya Yeso. Kunangwa, Avafarisayo harara na avasaalisi vanene vatuma avasikari kumugumira.

Yohana 8:3

Kunangwa, avigizi vi Lilaga na Avafarisayo valeta mukali mulala wa vanyoola naaheyaa. Vamusingiriza hagati haavo,

Vikolwa 23:9

Liyoga ni lihanzuka linene liameedeka ligali na avalala ku avigizi vi Lilaga vu muganda gwa Avafarisayo vasingira kuhing'ana mu liekinga nizinguru, nivavoora, “Sikololaa kindu kidamanu ku mundu uyu mba! Hawundi roho, anoho engelosi yavolerana naye ligali.”

Vikolwa 4:5

Mugamba gwi lidiku lialonda ku, aviimiliri va Vayuda, avakulundu na avigizi vi Lilaga vavunga mu Jerusalemi.

Vikolwa 6:12

Munzira yiyi vagemehiza avandu, avakulundu na avigizi vi Lilaga. Maku vazia ku Sitefano, ni vamugumira, kandi ni vamuhira imbiri wi kiyaalo kenene.