Matayo 2:22 - KITABU KITAKATIFU

²² Navuzwa lwa Josefu yahulira ndi Arikelao, umwana wa Herodi, ugwiyi mwami wi Ivuyuda mu vogono vwa baba weve, yatia kuzia yo. Lwa yamala kogerihizwa mu maloto, yazia mu kivala cha Galilaya.

Matayo 2:22 Iomraidhean Croise

Zaburi 121:8

Alakukinga lwa uturaa ichova kandi lwa wingiraa, kalunu kandi mihiga ni mihiga.

Zaburi 48:14

“Nyasaye uyu aveeye Nyasaye wiitu mihiga ni mihiga; alakwimilira ku zing'inga ziosi izizaa.”

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Matayo 1:20

Navuzwa lwa yaali nakiganagana ku likuva yili, henza, engelosi wu Mwami Nyasaye yaloleka kuye mu maloto, namuvolera, “Josefu, ikisukululwi cha Daudi, utatia kuvugura Maria ave mukali woovo mba, kigira ichaaverekwa muye keveeye cha Roho Mutakatifu.

Matayo 2:1

Ing'inga Yeso yiivulwa mu lidaala lia Bezelehemu, mu kivala chi Vuyuda, mu madiku ga Herodi yaali mwami, henza, avageri avukutunyiriza zing'ereng'ani vaatura Ivugwi, ni vaduuka Jerusalemi.

Matayo 2:19

Inyima wi likuza lia Herodi, henza engelosi wu Mwami yaloleka ku Josefu mu maloto mu Egebeti,

Matayo 2:21

Kunangwa Josefu yavuka navugura umwana harara na mama weve, ni virana mu kivala cha Isiraeli.

Matayo 3:13

Maku ing'inga yeyo Yeso yaza natura Galilaya naduuka ku mugera gwa Jorodani, nazia ku Yohana amubatizi.

Luka 2:39

Lwa Josefu na Maria vamala kokora vindu viosi ivialagwa kolondekana ni Lilaga liu Mwami, virana Galilaya mu lidaala liavo, Nazareti.

Yohana 7:52

Navo vaamutivulira, “Vulahi, ivi kandi uturaa Galilaya? Henzeriza mu Mang'oda Matakatifu na ulalola ndi muporofeti siatulaaku mu Galilaya mba. Galilaya sialatula mu muporofeti mba.”

1 Samweli 16:2

Samweli yateeva, “Nyara ndi kokora ndio? Niiva Saolo alahulira amakuva yaga, alaanzita!” Yahova yativura, “Vugula kemoli uzie nacho ma ovoole ndi uziiyi yo kuhaana kisiuviriru ku Yahova.